prakaashiki

prakaash ka adhyayan bhi do khandon mein kiya jaata hai. pehla khand, jyaamiteeya prakaashiki, prakaash kiran ki sankalpana par aadhrut hai. darpanon se prakaash ka paraarvatan aur leinson tatha prijmon se prakaash ka apavartan, jyaamiteeya prakaashiki ke vishay hai. sookshmadarshi, dooradarshi, fotograafi camera tatha anya upayogi prakaashiki yantron ki kriyaavidhi jyaamiteeya prakaashiki ke niyamon par hi aadhrut hai.

prakaashiki ka doosra khand bhautik prakaashiki hai. ismein prakaash ki mool prakruti tatha prakaash aur dravya ki paarasparik kriya ka adhyayan kiya jaata hai. prakaash sookshm kanon ka sanchaar hai, aisa maankar nyootan ne jyaamiteeya prakaashiki ke mukhya parinaamon ki vyaakhya ki. par 19veen shataabdi mein prakaash ke vyatikran ki ghatnaaon ka aavishkaar hua. in kriyaaon ki vyaakhya kanika siddhaant se sambhav naheen hai, at: baadhya hokar yeh maanana pada ki prakaash tarangasanchaar hi hai. oopar varnit Maxwell ke vidyutachunbakeeya siddhaant ne prakaash ke tarang siddhaant ko thos aadhaar diya.

bhautik prakaashiki ka ek mahatvapoorn bhaag [[spektraamiki (Spectroscopy) hai. ismein prakaash tarangon ke spectrum ka adhyayan kiya jaata hai. anu paramaanuon ki rachana ko samajhne mein is prakaar ke adhyayan ka pramukh yogadaan raha hai. vigyaan ki yeh shaakha taara bhautiki ki aadhaarashila hai.

inhein bhi dekhein

  • prakaash ke siddhaant
  • jyaamiteeya prakaashiki
  • bhautik prakaashiki
  • prakaash

baahari kadiyaaain

paathyapustakein tatha pathanasaamagri