prabhaat prakaashan

prabhaat prakaashan Bhaarat mein hindi pustakon ke ek pramukh prakaashak hain. iski sthaapana 1958 mein hui thi. yeh vigat pachaas varshon se saahitya ki praay: sabhi vidhaaon mein ek vistrut paathak varg ko shreshthatam paathya saamagri upalabdh karaate hue vartamaan mein desh mein hindi pustakon ke pramukh aur sarvashreshth prakaashan-gruh ke roop mein 5,000 pustakon ka prakaashan kar apni pehchaan bana chuka hai.

antararaashtreeya maanak sansthaan 'moodi' dvaara ise ISO 9001:2008 pradaan diya gaya tha jo vishv mein pehli baar kisi hindi prakaashan sansthaan ko diya gaya hai. uttam gunavatta ke liye pichhle bees varshon se bhaarateeya prakaashan udyog ke mukhya sangh 'federation of Indian pablishrs' dvaara lagaataar 'prakaashan mein shreshthata' ke liye pratham puraskaar se sammaanit. Bhaarat ke 60 shaharon mein sarve karaane ke baad pratishthit market sarve sanstha Indian kaaunsil of market research (ICMR) ne pustak prakaashan ke kshetr mein brand prasiddhi hetu prabhaat prakaashan ko 'star braand' ke liye chayanit kiya tha. paathakon ko kam moolya par pustakein upalabdh karaakar unki saahityik abhiruchi mein shreevruddhi karne ki drushti se prabhaat peparabaiks ke banner tale lokapriya evam janopayogi pustakon ka alpamoli sanskaran prakaashit. oshiyn books private limited ke maadhyam se angreji bhaasha mein shreshth pustakein prakaashit. hindi paathakon ko suruchipoorn paathya saamagri upalabdh karaane ke liye August 1995 mein labdhapratishth saahityakaar pan. vidyaanivaas mishr ke sanpaadakatv mein saahitya amrut maasik patrika ka prakaashan praarambh, jo ab saahityik jagat mein ek suparichit naam ban gaya hai.

baahari kadiyaaain