praadeshik sena

praadeshik sena
Territorial Army India Logo.gif
Territorial Army India Logo
sakriya
desh Flag of India.svg Bhaarat
prakaar sena
aakaar 40,000 first line troops
160,000 second line troops
hissa saaaincha:Army
Headquarters TA Group Headquarters
upanaam Terriers
aadarsh vaakya(moto) saavadhaani va shoorata - Savdhani Va Shoorta (Vigilant and Valour)
ladaai ke dauraan prayog 1962 India-China War
1965 Indo-Pak war
1971 Indo-Pakistani War
Operation Pawan in Sri Lanka
OP RAKSHAK in Punjab & J&K
OP RHINO and OP BAJRANG in the North East
sammaan 2 Ati Vishisht Seva Medals
15 Vishisht Seva Medals
5 Vir Chakras
13 Sena Medals
25 Mentioned-in-Dispatches
43 COAS commendation cards.
website Official Website of Territorial Army
commander
Notable
commanders
Notable Honorary Officers
le. k. Kapil Dave
le. k. mohan laal
me. deepak Rao
le. k. Mahendra Singh Dhoni

praadeshik sena (Territorial Army /TA) bhaarateeya sena ki ek ikaai tatha seva hai. iske svayansevakon ko prativrsh kuchh dinon ka sainik prashikshan diya jaata hai taaki aavashayakata padne par desh ki raksha ke liye unki sevaayein li ja sakein.

bhaarateeya samvidhaan sabha dvaara September, 1948 E. mein paarit praadeshik sena adhiniyam, 1948, ke anusaar Bhaarat mein October, 1949 E. mein praadeshik sena sthaapit hui. iska uddeshya sankatakaal mein aantarik suraksha k daayitv lena aur aavashyakta padne par niyamit sena ko unit (dal) pradaan karna tatha is prakaar navayuvakon ko deshaseva ka avsar pradaan karna hai. saamaanya shramik se lekar suyogya praavidhijnya tak Bhaarat ke sabhi naagrik, jo shareer se samarth hon, ismein bharti ho sakte hain. aayuseemaaeain 18 aur 35 varsh hain, jo sevaanivrutt senikon aur praavidhijnya siviliynon ke liye shithil ki ja sakti hain.

kaarya

praadeshik sena ke kaarya nimnalikhit hain :

  • (1) niyamit sena ko sthaitik (static) kartavyon se mukt karna aur aavashyakta padne par civil prashaasan ki sahaayata karna.
  • (2) samudratat ki raksha aur havaamaar yooniton ki vyavastha karna.
  • (3) aavashyakta hone par niyamit sena ke liye yooniton ki vyavastha karna.

praadeshik sena ke kaarmikon ko prashikshan ki avadhi mein aur aahvaan karne par, niyamit sena ke tadanuroopi pad ka vetan aur bhatta diya jaata hai. asainik niyokta ko anivaarya roop se praadeshik sena se, ya uske prashikshan se, nivrutt sadasya ko siviliyn pad par pun: niyukt karna aavashyak hota hai. praadeshik sena ke kaarmikon ko kathin parishram aur saraahaneeya kaaryon mein protsaahit karne ke liye bhavishya mein raashtreeya raksha sena ke sainik vibhaag ki yathaarth riktiyon ke pratishat pad unke liye aarakshit kiye jaaeainge. raashtreeya raksha sena mein safalataapoorvak prashikshan kram poora karne ke baad unhein sena mein niyamit kaaryabhaar diya ja sakta hai.

praadeshik sena mein bharti paae hue vyakti ya afsar ke liye Bhaarat ki seemaaon ke baahar sainik seva karna, yadi keindreeya sarkaar ka vyaapak ya vishisht aadesh na ho, to aavashyak naheen hai.

vibhaag

praadeshik sena ke anek vibhaag hain, jaise kavachit kor (armoured corps); topakhaana kor, jismein havaamaar aur tataraksha yoonitein sammilit hain; engineer kor, jismein bandargaah aur railway yoonitein sammilit hain; sanket kor, jismein daak taar kor shaamil hain; paidal sena; sena seva kor; sena chikitsa kor tatha vidyut aur yaantrik injeeniyri ka kor. praadeshik sena ke unit do prakaar ke hain : 1. naagrik aur 2. praanteeya. praanteeya yooniton mein graameen anchal ke vyakti bharti kiye jaate hain aur do ya teen maheene ki avadhi ka prashikshan praapt karte hain aur do ya teen maheene ki avadhi ka prashikshan praapt karte hain. naagrik yooniton mein bade nagaron ke vyaktiyon ko bharti kiya jaata hai. inhein saaptaahik kavaayad paddhati se shaam ke samay, ravivaar tatha chhuttiyon mein, evam adhik se adhik chaar dinon ke shiviron ke maadhyam se prashikshan diya jaata hai.

baahari kadiyaaain