poshak tatv

saagar mein poshan chakr

ek poshak tatv ya poshakatatv vah rasaayan hota hai, jiski aavashyakta kisi jeev ke uske jeevan aur vruddhi ke saath saath uske shareer ke upaapachaya ki kriya ko chalaane ke liye bhi padti hai aur jise vo apne vaataavaran se grahan karta hai.[1] poshak tatv vah padaarth hain jo shareer ko samruddh karte hain. yeh ootakon ka nirmaan aur unki marammat karte hain, yeh shareer ko ushma aur oorja pradaan karte hain aur yahi oorja shareer ki sabhi kriyaaon ko chalaane liye aavashyak hoti hai. poshak tatvon ke sevan ke vibhinn tareeke hain, jahaan praani yeh tatv apne bhojan se praapt karte hain, vaheen paadap inko apni jadon ke maadhyam se seedhe mitti se ya apne vaataavaran se praapt karte hain. kuchh paudhe, jinhein maansabhakshi paadap kaha jaata hai pehle keet, patango aadi ko baahar apne paachak ras se pacha kar fir unase praapt poshak tatvon ko choos lete hain. poshak tatvon ke prabhaav unki li gayi khuraak par nirbhar karte hain.

jaivik poshak tatvon mein carbohydrate, vasa, proteen (amino aml) aur vitaamin shaamil hain. akaarbanik raasaayanik yaugikon, jaise khanij lavan, paani aur okseejan ko bhi poshak tatv maana ja sakta hain.[tathya vaanchhit] kisi jeev ko ek poshak tatv kisi baahari srot se lene ki aavashyakta tab padti hai jab usaka shareer inki paryaapt maatra ka sanshleshan swayam uske shareer me naheen kar paata. jin poshak tatvon ki aavashyakta adhik maatra mein padti hai unhein sthool poshak tatv kehte hain; isi tarah sookshm poshak tatv kam maatra mein jaroori hote hain.

sandarbh

  1. Whitney, Elanor and Sharon Rolfes. 2005. Understanding Nutrition, 10th edition, p 6. Thomson-Wadsworth.