poorvi chaalukya

poorvi chaalukya ya 'veingi ke chaalukya' dakshini Bhaarat ka ek raajavansh tha jinki rajdhani vartamaan Andhra pradesh mein veingi (vartamaan eluru ke paas) thi. poorvi chaalukyon ne 7veen shataabdi se aarambh karke 1130 E tak lagbhag 500 varshon tak shaasan kiya. iske baad veingi raajya chol saamraajya mein vileen ho gaya aur 1189 E tak chol saamraajya ke sanrakshan mein is par chaalukya raajaaon ne shaasan kiya. iske baad veingi raajya par hoyasala aur Yadav raajaaon ke adheen ho gaya.

poorvi chaalukyon ki rajdhani pehle veingi thi jo baad mein raajamahendravaram (raajamundri) ho gayi. veingi, pashchimi godaavari jile ke eluru ke nikat sthit tha.

poorvi chaalukyon ka baadaami ke chaalukyon se nikat sambandh tha. poore itihaas mein veingi raajya ko lekar chol saamraajya aur pashchimi chaalukyon mein kai yuddh hue. poorvi chaalukyon ke kaal mein telugu sanskruti, kala, saahitya, kaavya ka khoob vikaas hua. ise Andhra pradesh ka 'svarn yug' kaha ja sakta hai.

parichay

raajaneetik avyavastha ke kaaran sampoorn poorvi chaalukya raajya ke shaasan vyavasthit naheen ho paaya. saamraajya kai chhote chhote raajyon mein vibhkt tha jo keval poorvi chaalukya nareshon ke atyadhik shaaktishaali rahane par hi unki adheenata maanate the. abhilekhon mein saptaangon ke atirikt mantri, purohit, senaapati, Yuvraj, dauvaarik, pradhaan aur adhyaksh aadi 18 teerthon ke ullekh hain. Rajbhavan ke karmachaari 72 niyogon mein sangathit the. inke atirikt manneya, raashtrakoot aur graamani ke bhi ullekh milte hain. raajya vishay aur kottam mein vibhkt tha.

yuvaanachvaaङ ke anusaar bhoomi atyadhik upajaaoo thi aur logein ka svabhaav prachand tha. log krushnavarn ke aur kalaapriya the. desh ke kuchh bhaagon ki aabaadi bikhri thi aur kuchh van pradesh the jinmein dasyuon ke dal niraapad vichran karte the. abhilekhon mein boya aur shabar logon ke bhi ullekh milte hain. komati athva vyaapaari varg samruddh tha. shreniyon (nakar) ka sangathan shaktishaali tha.

bauddh dharm avanat dasha mein tha aur usaka sthaan braahman dharm le raha tha. shaiv sanpradaaya ka vaishnav sanpradaaya ki tulana mein adhik prasaar tha. kintu jain dharm ki sthiti achhi thi aur use kuchh poorv chaalukya nareshon ka bhi sanrakshan use praapt tha. shiksha ke prasaar mein mathon ka mahatvapoorn yogadaan tha.

kiraataarjuneeyam ke rachayita bhaaravi ko chaalukyon ki isi shaakha ke sansthaapak vishnavardhan ke saath sambandhit kiya jaata hai. saahityik rachana ki drushti se sanskrut ke baad kannad ka sthaan tha. kannad ke teen prasiddh kavi the- ponn, panp aur naagavarm. kintu chaalukyanaresh telugu bhaasha ke saahityik upayog ko protsaahan dene ke liye prasiddh hain. vijyaaditya truteeya ke abhilekhon mein sarvapratham telugu padya milte hain. nannaya bhatt ka mahaabhaarat telugu ki sarvotkrusht krutiyon mein se hai.