poorniya jila

poorniya jila

puraniya ya poorniyaaain Bihar raajya ka jila hai. iske uttar mein Nepal desh tatha pashchimi Bengal ka Darjiling jila, poorv mein jalapaaigudi, dinaajapur, maalada jile, pashchim mein Bhaagalpur, dakshin mein Bhaagalpur tatha ganga nadi seema banaati hai.

iska kshetrafal 3229 varg kimi hai. uttar ki or dharaatal pathareela tatha poorv ki or nadiyon evam praakrutik sroton se bane kabhi na sookhanevaale daladal evam pashchim ki or reteele ghaas ke maidaan milte hain. ganga ke alaava kosi, mahaananda tatha panaar nadiyaaain bahti hain. poorv ki or kaheen-kaheen uttam jalodh mitti milti hai. varsha sheegra praarambh hoti tatha joron ke saath hoti hai. vaarshik varsha ka ausat 71 inch rahata hai. krushi mein dhaan ke atirikt daalein, tilhan aur tanbaakoo bhi paida haata hai. pashu chhote tatha kamjor haate hain. udyogon mein mote rangeen kapde, bailagaadiyon ke pahiye, chataaiyaaain tatha joot ke saamaan banaae jaate hain.