pingali Venkaiya

pingali vainkaiya

pingali vainkaiya (telugu: పaaిaaంaaగaaళaaి వaaెaaంaaకaaయaa్aaయ) Bhaarat ke raashtreeya dhvaj ke abhiklpak hain. ve Bhaarat ke sachche deshbhakt evam krushi vaigyaanik bhi the.

anukram

jeevani

pingali vainkaiya ka janm 2 August, 1876 ko vartamaan Andhra pradesh ke machhaleepattanam ke nikat bhaatalaapennumaaru naamak sthaan par hua tha. inke pita ka naam hanumantaaraayudu aur maata ka naam veinkataratnamma tha aur yeh telugu braahman kul niyogi se sambaddh the. machhaleepattanam se haai school utteern karne ke baad vo apne varishth Cambridge ko poora karne ke liye Colombo chale gaye. Bhaarat lautane par unhonne ek railway guard ke roop mein aur fir bellaari mein ek sarkaari karmachaari ke roop mein kaam kiya aur baad mein vah englo vaidik mahaavidyaalaya mein urdoo aur Japani bhaasha ka adhyayan karne Lahore chale gaye.

Venkaiya kai vishyon ke jnyaaata the, unhein bhoovijnyaaan aur krushi kshetr se vishesh lagaav tha. vah heere ki khadaanon ke visheshagya the. Venkaiya ne british bhaarateeya sena mein bhi seva ki thi aur dakshin Africa ke englo-boar yuddh mein bhaag liya tha. yaheen yeh Gandhi ji ke sampark mein aaye aur unki vichaaradhaara se bahut prabhaavit hue.

1906 se 1911 tak pingali mukhya roop se kapaas ki fasal ki vibhinn kismon ke tulanaatmak adhyayan mein vyast rahe aur unhonein baumvolaart kanbodiya kapaas par apna ek adhyayan prakaashit kiya. vah patti vainkaiya (kapaas vainkaiya) ke roop mein vikhyaat ho gaye.

iske baad vah vaapas machhaleepattanam laut aaye aur 1916 se 1921 tak vibhinn jhandon ke adhyayan mein apne aap ko samarpit kar diya aur ant mein vartamaan bhaarateeya dhvaj viksit kiya. unki mrutyu 4 July, 1963 ko hui.

Bhaarat ke dhvaj ki rachana

kaakeenaada mein aayojit bhaarateeya raashtreeya kaaaingres ke raashtreeya adhiveshan ke dauraan Venkaiya ne Bhaarat ka khud ka raashtreeya dhvaj hone ki aavashyakta par bal diya aur, unka yeh vichaar Gandhi ji ko bahut pasand aaya. Gandhi ji ne unhein raashtreeya dhvaj ka praaroop taiyaar karne ka sujhaav diya.

pingali vainkaya ne paanch saalon tak tees vibhinn deshon ke raashtreeya dhvajon par shodh kiya aur ant mein tirange ke liye socha. 1921 mein vijyavaada mein aayojit bhaarateeya raashtreeya Congress ke adhiveshan mein vainkaya pingali mahaatma Gandhi se mile the aur unhein apne dvaara dijaain laal aur hare rang se banaaya hua jhanda dikhaaya. iske baad hi desh mein Congress party ke saare adhiveshanon mein do rangon vaale jhande ka prayog kiya jaane laga lekin us samay is jhande ko Congress ki or se adhikaarik taur par sveekruti naheen mili thi.

is beech Jalandhar ke hansaraaj ne jhande mein chakr chinh banaane ka sujhaav diya. is chakr ko pragati aur aam aadmi ke prateek ke roop mein maana gaya. baad mein Gandhi ji ke sujhaav par pingali Venkaiya ne shaanti ke prateek safed rang ko bhi raashtreeya dhvaj mein shaamil kiya. 1931 mein Congress ne Karachi ke akhil bhaarateeya sammelan mein kesariya, safed aur hare teen rangon se bane is dhvaj ko sarvasammati se sveekaar kiya. baad mein raashtreeya dhvaj mein is tirange ke beech charakhe ki jagah ashok chakr ne le li.

inhein bhi dekhein

baahari kadiyaaain