petrol

jaar mein gaisoleen

gaisoleen ya petrol ek petrolium se praapt/vyutpann taral-mishran hai. ise praathamikta se antardahan engine mein indhan ke taur par prayog kiya jaata hai. ise eseeton ki tarah ek shaktishaali ghulanasheel dravya ki tarah bhi prayog kiya jaata hai. ismein kai elifaitik hydrocarbon hote hain, jiske sang aaiso-aakten ya eromaitik hydrocarbon jaise tauluin aur benjeen bhi milaaye jaate hain, jisse iski okten kshamata (oorja) badh jaaye. iska vaashpadahan taapamaan shoonya se 62 degree (celcius) kam hota hai, yaani saamaanya taapamaan par iska vaashp dahanasheel hota hai. isi vajah se ise atyant dahanasheel padaarthon ki shreni mein rakha jaata hai.

Bhaarat mein ispar deejl ke mukaabale adhik kar lagaaya jaata hai jisse yeh thoda mahanga hota hai. kai thande deshon mein isko praathamikta se prayog mein laaya jaata hai kyonki bahut kam taapamaan mein iski jvalanasheelata baaki indhanon ke mukaabale adhik hoti hai.

taap-charan prakruti

saamaanya taapamaan par iska ganatv 740 kilo prati ghanameetar hota hai jo paani (1000) se halka hai.

baahari kadiyaaain