peepal

peepal
पीपल वृक्ष के पत्ते और तनापत्तियों की खास बनावट देखें
peepal vruksh ke patte aur tana
pattiyon ki khaas banaavat dekhein
vaigyaanik vargeekaran
jagat: paadap
vibhaag: sapushpak
varg: maignoliyopseeda
gan: rojeles
kul: moresi
prajaati: faaikas
jaati: F. religiosa
dvipd naam
faaikas releejiyosa
L.
peepal ki kopalein

peepal (angreji: saikared fig, sanskrut:ashvatth) Bhaarat, Nepal, shri lanka, cheen aur Indonesia mein paaya jaane wala bargad, ya goolar ki jaati ka ek vishaalakaaya vruksh hai jise bhaarateeya sanskruti mein mahattvapoorn sthaan diya gaya hai tatha anek parvon par iski pooja ki jaati hai. bargad aur goolar vruksh ki bhaaainti iske pushp bhi gupt rahate hain at: ise 'guhyapushpak' bhi kaha jaata hai. anya ksheeri (doodh vaale) vrukshon ki tarah peepal bhi deerghaayu hota hai.[1] iske fal bargad-goolar ki bhaanti beejon se bhare tatha aakaar mein mooaingafali ke chhote daanon jaise hote hain. beej raai ke daane ke aadhe aakaar mein hote hain. parantu inse utpann vruksh vishaalatam roop dhaaran karke saikadon varsho tak khada rahata hai. peepal ki chhaaya bargad se kam hoti hai, fir bhi iske patte adhik sundar, komal aur chanchal hote hain. vasant ritu mein is par dhaani rang ki nayi konpalein aane lagti hai. baad mein, vah hari aur fir gahari hari ho jaati hain. peepal ke patte jaanvaron ko chaare ke roop mein khilaaye jaate hain, vishesh roop se haathiyon ke liye inhein uttam chaara maana jaata hai. peepal ki lakdi indhan ke kaam aati hai kintu yeh kisi imaarati kaam ya furniture ke liye anukool naheen hoti. svaasthya ke liye peepal ko ati upayogi maana gaya hai. peeliya, rataundhi, maleriya, khaaainsi aur dama tatha sardi aur sir dard mein peepal ki tahani, lakdi, pattiyon, kopalon aur seekon ka prayog ka ullekh milta hai.[2]

peepal ka patta

bhaarateeya sanskruti mein peepal devavruksh hai, iske saatvik prabhaav ke sparsh se ant: chetna pulakit aur prafullit hoti hai. skand puraan mein varnit hai ki ashvatth (peepal) ke mool mein vishnu, tane mein keshav, shaakhaaon mein Narayan, patton mein shreehari aur falon mein sabhi devataaon ke saath achyut sadaiv nivaas karte hain.[k] peepal Bhagwan vishnu ka jeevant aur poornat:moortimaan svaroop hai. Bhagwan Krishna kehte hain- samast vrukshon mein main peepal ka vruksh hooain.[kh] swayam Bhagwan ne usase apni upama dekar peepal ke devatv aur divyatv ko vyakt kiya hai. shaastron mein varnit hai ki peepal ki savidhi pooja-archana karne se sampoorn devata swayam hi poojit ho jaate hain.[g] peepal ka vruksh lagaane vaale ki vansh parampara kabhi vinsht naheen hoti. peepal ki seva karne vaale sadgati praapt karte hain. peepal vruksh ki praarthana ke liye ashvatthastotr mein peepal ki praarthana ka mantra bhi diya gaya hai. [gh] prasiddh granth vrataraaj mein ashvatthopaasana mein peepal vruksh ki mahima ka ullekh hai. ashvatthopanayanavrat mein maharshi shaunak dvaara iske mahattv ka varnan kiya gaya hai. atharvavedake upaved aayurved mein peepal ke aushadheeya gunon ka anek asaadhya rogon mein upayog varnit hai. peepal ke vruksh ke neeche mantra, jap aur dhyaan tatha sabhi prakaar ke sanskaaron ko shubh maana gaya hai. shreemadbhaagavat mein varnit hai ki dvaapar yug mein paramadhaam jaane se poorv yogeshvar shreekrushn is divya peepal vruksh ke neeche baithakar dhyaan mein leen hue. yagya mein prayukt kiye jaane vaale 'upabhrut paatr' (doorvi, struaa aadi) peepal-kaasht se hi banaae jaate hain. pavitrata ki drushti se yagya mein upayog ki jaane waali samidhaaen bhi aam ya peepal ki hi hoti hain. yagya mein agni sthaapana ke liye rishign peepal ke kaashth aur shami ki lakdi ki ragad se agni prajvalit kiya karte the.[3] graameen sanskruti mein aaj bhi log peepal ki nayi kopalon mein nihit jeevanadaayi gunon ka sevan kar umr ke antim padaav mein bhi sehatamand bane rahate hain.[4]

anukram

sandarbh

teeka tippani

  • k. ^ moolat: brahm roopaaya madhyato vishnu rupin:. agrat: Shiv rupaaya ashvattthaaya namo nam:..
  • kh. ^ ashvatth: sarvavrukshaanaan
  • g. ^ ashvatth: poojitoyatr poojita:sarv devata:.
  • gh. ^ ashvatth sumahaabhaagasubhag priydarshan. ishtakaamaanshchamedehishtrubhyastuparaabhavam. aayu: prajaandhanandhaanyansaubhaagyansarv sanpadan. dehidevi mahaavrukshatvaamahansharanangat:.

inhein bhi dekhein

baahari kadiyaaain