pee॰ e॰ sangama

poorn aijitk sangama (janm : 1 sitmbar 1947, meghaalaya, Bhaarat) Bhaarat ke ek raajaneta hain. poorv mein ve meghaalaya ke mukhyamantri aur Loksabha adhyaksh rah chuke hain. ve raashtravaadi Congress party ke sah-sansthaapak hain. ve aath baar Loksabha-sadasya rah chuke hain. samprati ve tura (anusoochit janajaati) Loksabha seat se saansad hain.

parichay

pi A sangama ka janm 1 September 1947 ko pashchim gaaro hills, meghaalaya ke chapaathi gram mein hua tha. Shillong se snaatak ki degree praapt karne ke baad pi.A. sangama ne asam ke dibroogadh vishvavidyaalaya se antarraashtreeya sambandh mein snaatakottar ki upaadhi praapt ki. iske baad unhonne L.L.bi. ki pareeksha bhi utteern ki.

varsh 1973 mein pi.A. sangama pradesh yuva Congress samiti ke adhyaksh nirvaachit hue. kuchh hi samay baad vah is samiti ke mahaasachiv niyukt hue. varsh 1975 se 1980 tak pi.A. sangama pradesh Congress samiti ke mahaasachiv rahe. varsh 1977 ke Loksabha chunaavon mein pi.A. sangama tura nirvaachan kshetr se jeet darj karne ke baad pehli baar saansad bane. chaudahaveen Loksabha chunaavon tak vah is pad par lagaataar jeetate rahe. haalaanki nauveen Loksabha mein vah jeet darj karne mein asafal rahe the.

varsh 1980-1988 tak pi.A. sangama kendreeya sarkaar ke antargat vibhinn padon par kaaryarat rahe. varsh 1988-1991 tak ve meghaalaya ke mukhyamantri bhi rahe. varsh 1999 mein Congress se nishkaasit hone ke baad sharad Pawar aur taarik Anwar ke saath milkar pi.A. sangama ne national Congress party ki sthaapana ki. sharad Pawar ke bhaarateeya raashtreeya Congress ki adhyaksha Sonia Gandhi se najadeeki badh jaane ke kaaran pi.A. sangama ne apni party ka mamata Bannerjee ki Trinamool Congress party mein vilay kar neshanalist Trinamool Congress ki sthaapana ki. 10 October 2005 ko akhil bhaarateeya Trinamool Congress ke sadasya ke taur par Loksabha pad se isteefa dene ke baad pi.A. sangama February 2006 mein national Congress party ke pratinidhi ke taur par sansad pahunche. 2008 ke meghaalaya vidhaanasabha chunaavon mein bhaag lene ke liye unhonne chaudahaveen Loksabha se isteefa de diya. vartamaan mein pi.A sangama N.si.pi. ke mahaasachiv pad par kaaryarat hain.

sandarbh

baahari kadiyaaain