pavan chakki

van chakkiyon ka istemaal sadiyon se hota aaya hai, lekin bijli paida karne ke liye iska vikaas pichhli sadi mein hi hua.

pavan chakki kai tarah ki hoti hain, lekin jo sabse adhik prachalit hain unamein ek vishaal khanbhe ke oopari bhaag par ek cylinder laga hota hai jiske munh par 20 se 30 fut lambe aur 3 se 4 fut chaude pankhe lage rahate hain. jab hava chalti hai to ye pankhe ghoomane lagte hain. isse paida hui oorja ko jeneretar dvaara bijli mein parivrtit kiya jaata hai.

hamaare vaayumandal mein itni pavan oorja hai jo duniya ki vartamaan bijli khapat se paanch guna adhik bijli paida kar sakti hai. varsh 2008 mein duniya ki kul bijli khapat ka 1.5 pratishat hissa pavan oorja se paida kiya gaya. lekin is disha mein teji se pragati ho rahi hai aur bade star par vind faarm banaae ja rahe hain. aise kaam karti hai pavan chakki


Denmark mein 19 pratishat bijli isi tarah paida ki jaati hai.

Bhaarat mein is samay pavan oorja se 9587.14 megaavaut bijli paida karne ki kshamata hai aur 2012 tak ismein 6000 megaavaut ki badhotri ki jaaegi.

hava oorja ka svachh, pradooshan rahit Akshay srot to hai, lekin isse judi kuchh samasyaaen bhi hain jaise ye mahanga hai, yeh hava ke bahne par nirbhar hai isliye hamesha upalabdh naheen hota, iske liye khule maidaanon, samudri kinaaron ya oonche sthaanon ki aavashyakta hoti hai jahaan hava ka bahaav adhik ho aur ye dekhne mein achhe naheen lagte.

inhein bhi dekhein

baahari kadiyaaain