passport

bhaarateeya passport.

passport ya paarapatr ek raashtreeya sarkaar dvaara jaari vah dastaavej hota hai jo antarraashtreeya yaatra ke liye uske dhaarak ki pehchaan aur raashtreeyata ko pramaanit karta hai. pehchaan sthaapit karne ke liye naam, janm tithi, ling aur janm sthaan ke vivran isame prastut kiye jaate hain. aamtaur par ek vyakti ki raashtreeyata aur naagarikta samaan hoti hain.

sirf passport rakhane bhar se dhaarak kisi doosare desh mein pravesh ka ya jab dhaarak kisi doosare desh me ho to vaanijyidooteeya sanrakshan ka adhikaari naheen hota. kisi vishesh sthiti me jiske niptaan hetu yadi koi vishesh samjhauta prabhaav mein na ho to us sthiti me passport, dhaarak ko kisi anya visheshaadhikaar ka paatr bhi naheen banaata, haalaanki saamaanyat: yeh dhaarak ko videsh yaatra ke pashchaat passport jaari karne vaale desh me lautane ki anumati deta hai. vaanijyidooteeya sanrakshan ka adhikaar antararaashtreeya samjhauton se jabki vaapas lautane ka adhikaar jaari karta desh ke kaanoon se utpann hota hai. ek passport jaari karta desh mein dhaarak ke kisi adhikaar ya uske nivaas sthaan ka pratinidhitv naheen karta hai.

anukram

vishesh sambandh

kuchh kshetreeya samooh jaise dakshin afreeki deshon ka samooh, Europeeya sangh, khaadi ke deshon ka samooh khaadi sahayog parishad aur dakshin Amreeki deshon ka samooh markosar, apne sadasya deshon ke naagrikon ko keval pehchaan patra ke aadhaar par yaatra karne ki anumati dete hain. 1995 mein 26 Europeeya deshon ne ek doosare ke yahaan bina seema niyantran ke aane-jaane sambandhi samjhauta kiya tha. lekin airlines company chaahe to yaatriyon ki pehchaan ke liye passport ki maang kar sakti hai. misaal ke taur par Amreeki naagrik agar kairebiyaai desh ya baramooda ja rahe hain to passport ki jagah par keval passport card, driving license ya military pehchaan patra se kaam chal sakta hai. Britain aur Ireland ke naagrik bhi ek doosare ke yahaan keval photo pehchaan patra ke saath aa ja sakte hain. Britain ki mahaaraani akeli aisi britaani hain jinhein passport ki koi zaroorat naheen hoti hai.[1]


inhein bhi dekhein

baahari kadiyaaain

sandarbh