pashchimi Champaran

pashchimi Champaran
jila
केसरिया बौद्ध स्तूप
kesariya bauddh stoop
samay mandal: IST (UTC+5:30)
desh Flag of India.svg Bhaarat
raajya Bihar
jila pashchimi Champaran
jilaadheesh dileep Kumar
saansad vaidyanaath mahato (baalmikeenagar) evam daa· sanjaya jayasavaal (betiya)
janasankhya
ghanatv
30,43,044 (2001 tak )
• 582 /kimi2 (1,507 /varg meal)
kshetrafal
ooainchaai (AMSL)
5,228 km² (2,019 sq mi)
• 65 meter (213 fee॰)
aadhikaarik jaalasthal: http://westchamparan.bih.nic.in

Erioll world.svgnirdeshaank: 26°a49′aN 84°a30′aE / 26.81°aN 84.50°aE / 26.81; 84.50 Champaran Bihar ke tirhut pramandal ke antargat Bhojpuri bhaashi jila hai. himaalaya ke taraai pradesh mein basa yeh aitihaasik jila jal evam vanasanpada se poorn hai. Champaran ka naam chanpa + aranya se bana hai jiska arth hota hai- cham‍aapa ke pedon se aach‍aachhaadit jungle. betiya jile ka mukhyaalaya shahar hain. Bihar ka yeh jila apni bhaugolik visheshataaon aur itihaas ke liye vishisht sthaan rakhata hai. mahaatma gaaaindhi ne yaheen se angrejon ke khilaaf neel aandolan se satyaagrah ki mashaal jalaayi thi.

anukram

itihaas

aitihaasik drushtikon se pashchimi Champaran evam poorvi Champaran ek hai. Champaran ka baalmikeenagar devi seeta ki sharanasthali hone se ati pavitra hai vaheen doosari or gaaaindheeji ka pratham satyaagrah bhaarateeya svatantrata ke itihaas ka amoolya panna hai. raaja janak ke samay yeh tirhut pradesh ka ang tha jo baad mein chhathi sadi isaapoorv mein vaishaali ke saamraajya ka hissa ban gaya. ajaatashatru ke dvaara vaishaali ko jeete jaane ke baad yeh maurya vansh, kanv vansh, shung vansh, kushaan vansh tatha gupt vansh ke adheen raha. san 750 se 1155 ke beech paal vansh ka Champaran par shaasan raha. iske baad mithila sahit samoocha Champaran pradesh simraaainv ke raaja narasinhadev ke adheen ho gaya. baad mein san 1213 se 1227 isvi ke beech Bengal ke gayaasuddeen evaaj ne narasinh Dave ko haraakar muslim shaasan sthaapit ki. musalmaanon ke adheen hone par tatha uske baad bhi yahaaain sthaaneeya kshatrapon ka seedha shaasan raha.
mugal kaal ke baad ke Champaran ka itihaas betiya raaj ka udaya evam ast se juda hai. baadshah shaahajahaaain ke samay ujjain Singh aur gaj Singh ne betiya raaj ki neenv daali. mugalon ke kamjor hone par betiya raaj mahatvapoorn ban gaya aur shaano-shaukat ke liye achhi khyaati arjit ki. 1763 isvi mein yahaaain ke raaja dhurum Singh ke samay betiya raaj angrejon ke adheen kaam karne laga. iske antim raaja harendr kishor Singh ke koi putr na hone se 1897 mein iska niyantran nyaayik sanrakshan mein chalne laga jo abatak kaayam hai. harendr kishor Singh ki doosari raani jaanki kuainvar ke anurodh par 1910 mein betiya mahal ki marammat karaayi gayi thi. betiya raaj ki shaan ka prateek yeh mahal aaj yeh shahar ke madhya mein iske gaurav ka prateek bankar khada hai.
uttar pradesh aur Nepal ki seema se laga yeh kshetr Bhaarat ke svaadheenata sangraam ke dauraan kaafi sakriya raha hai. svatantrata aandolan ke samay Champaran ke hi ek raiyat shri Rajkumar shukl ke aamantran par mahaatma gaaaindhi April 1917 mein motihaari aae aur neel ki kheti se trust kisaanon ko unka adhikaar dilaaya. angrejon ke samay 1866 mein Champaran ko svatantr ikaai banaaya tha. prashaasanik suvidha ke liye 1972 mein iska vibhaajan kar poorvi Champaran aur pashchimi Champaran bana diye gaya.

bhoogol

pashchimi cham‍aapaaran ke uttar mein Nepal tatha dakshin mein gopaalaganj jila sthit hai. iske poorv mein poorvi Champaran hai jabki pashchim mein iski seema uttar pradesh ke padarauna tatha devariya jila se lagti hai. jile ka kshetrafal 5228 varg kilometer hai jo Bihar ke jilon mein pratham hai. jile ki antararaashtreeya seema bagaha-1, bagaha-2, gaunaha, mainaataand, raamanagar tatha sikta prakhand ke 35 kilometer tak uttar-pashchim se dakshin-poorv mein Nepal ke saath lagti hai.

dharaataleeya sanrachana

himaalaya ki talahathi mein base pashchimi cham‍aapaaran ki dharaataleeya banaavat mein kai antar spasht dikhaai dete hain. sabse uttari hissa someshvar evam doon shreni hai jahaaain ki mitti mein shail-sanrachana ka abhaav hai aur sinchaai vaale sthaan par bhoomi krushiyogya hai. yeh someshvar shreni se sata taraai kshetr hai jo thaaroo janajaati ka nivaas sthal hai. himaalaya ke giripaad kshetr se riskar bhoomigat hue jal ke kaaran taraai kshetr ko yathesht aardrata upalabdh hai isliye yahaaain daladali mitti ka vistaar hai. taraai pradesh se hatne par samatal aur upajaaoo kshetr milta hai jise sikrahana nadi (chhoti gandak) do bhaagon mein baaaintati hai. uttari bhaag mein bhaari gathan waali kankareeli puraani jalodh mitti pai jaati hai jabki dakshin hissa choonaayukt Abhinav jalodh mitti se nirmit hai aur ganne ki kheti ke liye aghik upayukt hai. uttari bhaag mein himaalaya se utarane waali kai chhoti nadiyaaain sikrahana mein milti hai. dakshini bhaag apekshaakrut ooaincha hai lekin yahaaain bade-bade chaur bhi milte hai. sadaavaahi gandak, sikrahana evam masaan ke alaave panchaanad, manor, bhaapasa, kapan aadi yahaaain ki barasaati nadiyaaain hai.

vanaspati evam vanyajeev:

Bihar ke kul vanya kshetr ka sabse bada hissa pashchim Champaran mein hai. Bihar ka ekamaatr baagh abhyaaranya 880 varg kilometer se adhik kshetr mein faile baalmikeenagar raashtreeya udyaan mein sthit hai aur Nepal ke chitvan national park se sata hai. betiya se 80 kilometer tatha Patna se 295 kilometer door sthit is vanya jeev abhyaaranya mein sanrakshit baagh ke alaave kaala hiran, saaainbhar, cheetal, bhaaloo, bhediya, teinduaa, neelagaaya, lakadbaggha, jangali billi, ajagar jaise vanya jeev paae jaate hain. raajakeeya chitvan national park se kabhi kabhi ekasingi gainda aur jangali bhainsa bhi aa jaate hain. is vanakshetr mein saal, seesam, semal, saagavaan, jaamun, mahuaa, toon, khair, beint aadi mahatvapoorn lakadiyaaain pai jaati hai.

krushi

gandak evam sikrahana aur iski sahaayak nadiyon ke maidaan mein hone se pashchimi cham‍aapaaran jila ki mitti upajaaoo hai. yahaaain ke logon ke jeevan ka mukh‍aaya aadhaar krushi aur gruh udyog hai. uttam koti ke baasamati chaaval tatha ganne ke utpaadan mein jile ko khyaati praapt hai. bhadai evam agahani dhaan ke alaave gehooain, makka, khesaari, tilhan bhi yahaaain ki pramukh fasalon mein shaamil hai. tirhut nahar, triveni nahar tatha don nahar pashchimi Champaran tatha aaspaas ke jile mein sinchaai ka pramukh saadhan hai.

jalavaayu

apne padosi jilon ki tulana mein pashchimi Champaran ki jalavaayu sheetal evam aardr hai. himaalaya se aanevaali thandi havaaon ke kaaran yahaaain sardi adhik hoti hai. garmi mein taapamaan 430 seinteegred tak pahuainch jaata hai. June ke ant mein maunasooni varsha aarambh ho jaati hai. taraai kshetr mein saalaana 140 mimi se adhik varsha hoti hai. uttari bhaag mein honevaali teevr varsha kai baar aavaagaman mein avarodh ka kaaran banta hai.[1]

prashaasanik vibhaajan:
  • anumandal: 1. betiya 2. bagaha 3.narakatiyaaganj
  • prakhand: gaunaha, chanapatiya, jogaapatti, thakaraaha, narakatiyaaganj, nautan, pipraasi, bagaha-1, bagaha-2, betiya, bairiya, bhitha, madhubani, majhauliya, mainaataand, raamanagar, lauriya, sikta
  • panchaayaton ki sankhya: 315
  • gaaainvon ki sankhya: 1483

mahatvapurn vyaktitv

  • Rajkumar shukl
  • Krishna Kumar mishr urf lalloo mishr
  • taarakeshvar naath tivaari
  • shyaamaakaant tivaari

vyaapaar evam udyog

Nepal se sadak maarg dvaara chaaval, lakdi, masaale ka aayaat hota hai jabki yahaaain se kapda, petrolium utpaad niryaat kiye jaate hain. jile tatha pados k Nepal mein vanon ka vistaar hone se lakadiyon ka vyaapaar hota hai. uttam kism ki lakadiyon ke alaave betiya ke aaspaas beint milte hain jo furniture banaane ke kaam aata hai. bagaha, betiya, chanapatiya evam narakatiyaaganj vyaapaar ke achhe kendra hai. jile mein krushi aadhaarit udyog hi pramukh hai. majhauliya, bagaha, haringar tatha narakatiyaaganj mein cheeni mil hain. kuteer udyogon mein rassi, chataai tatha gud banaane ka kaam hota hai.

janasaankhyiki

  • janasankhya- 30,43,044
  • ghanatv- 553/1000
  • saaksharata- 39·aa63%

shiksha evam sanskruti

  • praathamik vidyaalaya- 1340
  • madhya vidyaalaya- 284
  • uchch vidyaalaya- 68
  • degree mahaavidyaalaya- 3
  • audyogik prashikshan kendra- 1

paryatan sthal

baalmikeenagar raashtreeya udyaan evam baagh abhyaaranya

lagbhag 880 varg kilometer se adhik kshetr mein faila Bihar ka ek maatr raashtreeya udyaan Nepal ke raajakeeya chitvan national park se sata hai. betiya se 80 kilometer door baalmikeenagar ke is raashtreeya udyaan ka bheetari 335 varg kilometer hisse ko 1990 mein desh ka 18 vaaain baagh abhyaaranya banaaya gaya. hiran, cheetal, saaainbhar, teinduaa, neelagaaya, jangali billi jaise jangali pashuon ke alaave chitvan national park se ekasingi gaida au‍aar jangali bhainsa bhi udyaan mein dikhaai dete hai.

baalmikeenagar aashram aur gandak pariyojana

vaalmikeenagar raashtreeya udyaan ke ek chhod par maharshi baalmiki ka vah aashram hai jahaaain Ram ke tyaage jaane ke baad devi seeta ne aashray liya tha. seeta ne yaheen apne 'love' aur 'kush' do putron ko janm diya tha. maharshi vaalmiki ne hindu mahaakaavya raamaayan ki rachana bhi yaheen ki thi. aashram ke manoram parivesh ke paas hi gandak nadi par bani bahuddesheeya pariyojana hai jahaaain 15 megawatt bijli ka utpaadan hota hai aur yahaaain se nikaali gayi naharein Champaran ke atirikt uttar pradesh ke bade hisse mein sinchaai ki jaati hai. gandak bairaaj ke aaspaas ka shaant parivesh chittaakarshak hai. betiya raaj ke dvaara banavaaya gaya Shiv-paarvati mandir bhi darshaneeya hai.

triveni sangam tatha baavanagadhi

ek or Nepal ka triveni gaaainv tatha doosari or Champaran ka bhainsaalotan gaaainv ke beech Nepal ki seema par baalmikeenagar se 5 kilometer ki doori par triveni sangam hai. yahaaain gandak ke saath panchanad tatha sonaha nadi ka milan hota hai. shreemadabhaagavat puraan ke anusaar vishnu ke priya bhakt 'gaj' aur 'graah' ki ladaai isi sthal se shuru hui thi jiska ant Hajipur ke nikat konahaara ghaat par hua tha. harihrakshetr ki tarah pratyek varsh maagh sankraanti ko yahaaain mela lagta hai. triveni se 8 kilometer door bagaha-2 prakhand ke daravaabaari gaaainv ke paas baavanagadhi kile ka khandahar maujood hai. paas hi tirepan baajaar hai. is praacheen kile ke puraataatvik mahatva ke baare mein tathyapoorn jaankaari ka abhaav hai.

bhikhna thodhi

jile ke uttar mein gaunaha prakhand sthit bhikhna thodhi narakatiyaaganj-bhikhna thodhi relakhand ka antim station hai. Nepal ki seema par basa yeh chhoti si jagah apni praakrutik sundarata ke liye charchit hai. jaade ke dinon mein yahaaain se himaalaya ki himaachhaadit dhaval chotiyaaain evam annapoorna shreni saaf dikhaai deta hai. yahaaain ke shaant evam manohaari parivesh ka aanand ingalaind ke raaja George pancham ne bhi liya tha. britis kaaleen puraane bangale ke alaave yahaaain thaharane ki kai jagahein hai.

bhitharava aashram evam raamapurava ka ashok stambh

gaunaha prakhand ke bhitharava gaaainv ke ek chhote se ghar mein thaharakar mahaatma gaaaindhi ne Champaran satyaagrah ki shuruaat ki thi. us ghar ko aaj bhitharava aashram kaha jaata hai. svatantrata ke moolyon ka aadar karne vaalon ke liye yeh jagah teerth samaan hai. aashram se kuchh hi doori par raamapurava mein samraat ashok dvaara banavaae gaye do stambh hai jo sheersharahit hai. in stambhon ke oopar bane Singh vaale sheersh ko Kolkata sangrahaalaya mein tatha vrushabh (saandh) sheersh ko Delhi ke raashtreeya sangrahaalaya mein rakha gaya hai.

nandanagadh, chaanakeegadh evam lauriya ka ashok stambh

lauriya prakhand ke nandaऩaagadh tatha narakatiyaaganj prakhand ke chaanaki gadh mein nand vansh tatha chaanakya ke dvaara banavaae gaye mahalon ke avashesh hain jo ab teelenuma dikhaai dete hain. nandanagadh ke teele ko Bhagwan buddh ke asthi avashesh par bana stoop bhi kaha jaata hai. nandanagadh se ek kilometer door lauriya mein 2300 varsh puraana Singh ke sheersh wala ashok stambh hai. 35 feet ooainche is stambh ka aadhaar 35 inch evam sheersh 22 inch hai. is vishaal stambh ki kalaakruti evam behatareen paulis maurya kaal ke moortikaaron ki shaanadaar kalaakaari ka namoona hai.

anya sthal:
  • sumeshvar ka kila: raamanagar prakhand mein samudra tal se 2,884 feet ki ooainchaai par someshvar ki pahaadi ki khadi dhalaan par bana sumeshvar ka kila ab khandahar ban chuka hai. Nepal ki seema par bana yeh kila ab khandahar maatr hai lekin antepuravaasiyon ki paani ki jaruraton ke liye patthar kaat kar banaaya gaya kund dekha ja sakta hai. kile ke sheersh se aaspaas ki upatyakaaen evam Nepal sthit ghaati aur parvat shreniyon ka vihangam drushya drushtigochar hai. himaalaya ke prasiddh dhaulaagiri, gosaainnaath evam gaureeshankar ke dhaval shikharon ko saaf dekha ja sakta hai.
  • vrundaavan: betiya se 10 kilometer door is sthaan par 1937 mein all India gaaaindhi seva sangh ka vaarshik sammelan hua tha. ismein gaaaindheeji sahit Rajendra prasaad au‍aar J bi krupalaani ne hissa liya tha. apne shiksha sambandhi vichaaron par gaaaindheeji dvaara us samay sthaapit ek besik school ab bhi chal raha hai.
  • saraiyaan maan (pakshi vihaar): betiya se 6 kilometer door saraiyaan ke shaant parivesh mein praakrutik jheel bana hai. yeh pakshiyon ki kai prajaatiyon ka pravaas sthal bhi hai. jheel ke kinaare lage jaamun ke pedon se girnevaale fal ke kaaran iska paani paachak maana jaata hai. yeh sthaan logon ke liye piknik sthal evam pakshi-vihaar hai.

aavaagaman

sadak maarg:

betiya, bagaha, narakatiyaaganj, raksaul aadi se Patna, motihaari, mujaffarapur aadi ke liye bason ki achhi suvidha hai. raashtreeya raajamaarg 28B pramukh sadak hai jo chhapava se shuroo hokar betiya hote hue kusheenagar tak jaati hai. raajakeeya raajamaarg 54 tatha 64 ki kul lanbaai 154 kilometer hai. kul kshetrafal ke hisaab se jile mein achhi sadkon ka abhaav hai. raajya ki rajdhani Patna se betiya ki doori 210 kimi hai.

rel maarg:

pashchim Champaran mein relamaarg ki shuruaat san 1888 mein hui thi jab betiya ko mujaffarapur se joda gaya. baad mein ise Nepal seema par bhikhna thodhi tak badhaaya gaya. ek doosra relamaarg narakatiyaaganj se raksaul hote hue bairaganiya tak jaati hai. poorv madhya railway ke antargat aanevaale is relakhand ki jile mein kul lanbaai 220 kilometer hai. gandak nadi par chhitauni mein pul ban jaane ke baad yahaaain ka mukhya relamaarg Gorakhpur hote hue rajdhani Delhi sahit desh ke mahatvapoorn nagaron se jud gaya. jile ka pramukh railway station betiya, raksaul tatha narakatiyaaganj hai.

havaai maarg:

niktatam havaai adada 210 kilometer door Patna mein hai jahaaain se Delhi, Kolkata, raaainchi, mumbai aadi ke liye kai vimaan kanpaniyaaain apni seva deti hain. jile ki seema par Nepal ke beeraganj sthit havaai adada se kaathamaandoo ke liye niyamit vimaan seva upalabdh hai.

sandarbh

baahari kadiyaaain