parvateeya varsha


ushn evam aard havaaen jab parvatiya bhaagon se avaruddh hoti hain, to unke dhaal ke sahaare oopar uthane lagti hain, jis kaaran "shushk ediyaabetik dar" se prati 1000 feet par vaayu ka 5.5 degree faa0 taapakram kam hone lagta hain, jis kaaran vaayu thandi hoti jaati hain aur usaki saapekshit aardrata badnein lagti hain. adhik upar jaanein se vaayu santapt ho jaati hain tatha pun: oopar uthanein par sanghanan praarambh ho jaata hai, jis kaaran sanghanan ki gupt ooshma vaayu mein mil jaati hain, jisse vaayu pun: oopar uthane lagti hain aur antat: us seema ko pahuch jaati hain jahaan par sthit vaayu ka taapakram iske baraabar ho jaata hain aur hava aardr ediyaabetik taap-patan dar(prati 1000 feet par 3.6 degree faa0) se thandi hokar badhti oochaai par bhi varsha karti jaati hain. parvat ke jis dhaal par gava takaraati hain, use pavanamukhi dhaal kahatein hain tatha varsha isi dhaal par hoti hain. ise vrashti dhaal bhi kaha jaata hain. parvat ke jis dhaal ke sahaare hava neeche utarati hain, use pavan vimukhi dhaal kehte hain.