pareekshit

mahaabhaarat ke anusaar pareekshit arjun ke pautr, abhimnyu aur uttara ke putr tatha janamejaya ke pita the. jab ye garbh mein the tab uttara ke pukaarane par vishnu ne ashvatthaama ke brahmaastr se unki raksha ki thi. isliye inka naam 'vishnuraat' pada. Bhagwat (1, 12, 30) ke anusaar garbhakaal mein apne rakshak vishnu ko dhooaindhne ke kaaran unhein 'pareekshit, (paria iksh) kaha gaya kintu mahaabhaarat (aashv., 70, 10) ke anusaar kuruvansh ke pariksheen hone par janm hone se ve 'parikshit' kahalaae.

mahaabhaarat mein inke vishay mein likha hai ki jis samay ye abhimnyu ki patni uttara ke garbh mein the, dronaachaarya ke putr ashvatthaama ne garbh mein hi inki hatya kar paandukul ka naash karne ke abhipraaya se aisheek naam ke astr ko uttara ke garbh mein prerit kiya jiska fal yeh hua ki uttara ke garbh se pareekshit ka jhulasa hua mrut pind baahar nikla. shreekrushn ko paandukul ka naamashesh ho jaana manjoor na tha, isaliye unhonne apne yogabal se mrut bhroon ko jeevit kar diya. pariksheen ya vinsht hone se bachaae jaane ke kaaran is baalak ka naam pareekshit rakha gaya. pareekshit ne krupaachaarya se astravidya seekhi thi jo mahaabhaarat yuddh mein kurudal ke prasiddh mahaarathi the.

yudhishthir aadi paandav sansaar se bhali bhaaainti udaaseen ho chuke the aur tapasya ke abhilaashi the. at: ve sheegra hi pareekshit ko hastinaapur ke sinhaasan par bitha draupadi samet tapasya karne chale gaye. pareekshit jab raajasinhaasan par baithe to mahaabhaarat yuddh ki samaapti hue kuchh hi samay hua tha, Bhagwan Krishna us samay paramadhaam sidhaar chuke the aur yudhishthir ko raajya kiye 36 varsh hue the. raajyapraapti ke anantar gangaatat par unhonne teen ashvamegh yagya kiye jinmein antim baar devataaon ne pratyaksh aakar bali grahan kiya tha. inke vishay mein sabse mukhya baat yeh hai ke inheen ke raajyakaal mein dvaapar ka ant aur kaliyug ka aarambh hona maana jaata hai. is sambandh mein Bhagwat mein yeh katha hai—

ek din raaja pareekshit ne suna ki kaliyug unke raajya mein ghus aaya hai aur adhikaar jamaane ka mauka dhooaindh raha hai. ye use apne raajya se nikaal baahar karne ke liye dhooaindhne nikle. ek din inhonne dekha ki ek gaaya aur ek bail anaath aur kaatar bhaav se khade hain aur ek shoodr jiska vesh, bhooshan aur thaat-baat raaja ke samaan tha, dande se unako maar raha hai. bail ke keval ek pair tha. poochhane par pareekshit ko bail, gaaya aur raajaveshadhaari shoodr teenon ne apna apna parichay diya. gaaya pruthvi thi, bail dharm ta aur shoodr kaliraaj. dharmaroopi bail ki satya, tap aur dayaaroopi teen pair kaliyug ne maarkar tod daale the, keval ek pair daan ke sahaare vah bhaag raha tha, usako bhi tod daalne ke liye kaliyug baraabar usaka peechha kar raha tha. yeh vruttaant jaanakar pareekshit ko kaliyug par bada krodh hua aur ve usako maar daalne ko udyat hue. peechhe uske gidgidaane par unhein usapar daya aa gayi aur unhonne uske rahane ke liye ye sthaan bata diye—juaa, stri, madya, hinsa aur sona. in paaainch sthaanon ko chhodkar anyatr na rahane ki kali ne pratijnyaa ki. raaja ne paaainch sthaanon ke saath saath ye paaainch vastueain bhi use de daaleen—aamithya, mad, kaam, hinsa aur bair. is ghatna ke kuchh samay baad mahaaraaj pareekshit ek din aakhet karne nikle. kaliyug baraabar is taak mein tha ki kisi prakaar pareekshit ka khataka mitaakar akantak raaj karein. raaja ke mukut mein sona tha hi, kaliyug usamein ghus gaya. raaja ne ek hirn ke peechhe ghode daala. bahut door tak peechha karne par bhi vah na mila. thakaavat ke kaaran unhein pyaas lag gayi thi. ek vruddh muni (shameek) maarg mein mile. raaja ne unase poochha ki bataao, hirn kidhr gaya hai. muni mauni the, isaliye raaja ki jijnyaaasa ka kuchh uttar na de sake. thake aur pyaase pareekshit ko muni ke is vyavahaar se bada krodh hua. kaliyug sir par savaar tha hi, parikshit ne nishchaya kar liya ki muni ne ghamand ke maare hamaari baat ka javaab nahi diya hai aur is aparaadh ka unhein kuchh dand hona chaahiye. paas hi ek mara hua saaainp pada tha. raaja ne kamaan ki nok se use uthaakar muni ke gale mein daal diya aur apni raah li. (maha., aadi. 36, 17-21) muni ke shrrungi naam ka ek mahaatejatvi putr tha. vah kisi kaam se baahar gaya tha. lautate samay raaste mein usane suna ki koi aadmi uske pita ke gale mein mrut sarp ki maala pahana gaya hai. kopasheel shrrungi ne pita ke is apamaan ki baat sunate hi haath mein jal lekar shaap diya ki jis paapatma ne mere pita ke gale mein mrut sarp ki maala pahanaaya hai, aaj se saat din ke bheetar takshak naam ka sarp use das le. aashram mein pahuainchakar shrrungi ne pita se apamaan karanevaale ko uparyukt ugr shaap dene ki baat kahi. rishi ko putr ke avivek par du:kh hua aur unhonne ek shishya dvaara pareekshit ko shaap ka samaachaar kahala bheja jismein ve satark rahein. pareekshit ne rishi ke shaap ko atal samajhakar apne putr janamejaya ko raaj par bitha diya aur sab prakaar marne ke liye taiyaar hokar anashan vrat karte hue shreeshukadev ji se shreemad Bhagwat ki katha suni. saatavein din takshak ne aakar unhein das liya aur vish ki bhayankar jvaala se unka shareer bhasm ho gaya. kehte hain, takshak jab pareekshit ko dasane chala tab maarg mein use kashyap rishi mile. poochhane par maaloom hua ki ve uske vish se pareekshit ki raksha karne ja rahe hain. takshak ne ek vruksh par daaaint maara, vah tatkaal jalakar bhasm ho gaya. kashyap ne apni vidya se fir use hara kar diya. ispar takshak ne bahut sa dhan dekar unhein lauta diya. devi Bhagwat mein likha hain, shaap ka samaachaar paakar pareekshit ne takshak se apna raksha karne ke liye ek saat manjil ooaincha makaan banavaaya aur uske chaaron or achhe achhe sarp-mantra-jnyaaata aur muhara rakhanevaalon ko tainaat kar diya. takshak ko jab yeh maaloom hua tab vah ghabaraaya. ant ko pareekshit tak pahuainchane ko use ek upaaya soojh pada. usane ek apne sajaateeya sarp ko tapasvi ka roop dekar uske haath mein kuchh fal de diye aur ek fal mein ek ati chhote keede ka roop dharakar aap ja baitha. tapasvi bana hua sarp takshak ke aadesh ke anusaar pareekshit ke uparyukt surakshit praasaad tak pahuaincha. paharedaaron ne ise andar jaane se roka, par raaja ko khabar hone par unhonne use apne paas bulava liya aur fal lekar use bida kar diya. ek tapasvi mere liye yeh fal de gaya hai, at: iske khaane se avashya upakaar hoga, yeh sochakar unhonne aur fal to mantriyon mein baaaint diye, par usako apne khaane ke liye kaata. usamein se ek chhota keeda nikla jiska rang taamada aur aaainkhein kaali theen. pareekshit ne mantriyon se kahaa—aasoorya ast ho raha hai, ab takshak se mujhe koi bhaya naheen. parantu braahman ke shaap ki maanaraksha karna chaahiye. isaliye is keedi se dasane ki vidhi poori kara leta hooain. yeh kehkar unhonne us keede ko gale se laga liya. pareekshit ke gale se sparsh hote hi vah nanha sa keeda bhayankar sarp ho gaya aur uske danshan ke saath pareekshit ka shareer bhasmasaat ho gaya. is samay pareekshit ki avastha 96 varsh ki thi.

pareekshit ki mrutyu ke baad, fir kaliyug ki rok tok karanevaala koi na raha aur vah usi din se akantak bhaav se shaasan karne laga. pita ki mrutyu ka badla lene ke liye janamejaya ne sarpasatr kiya jismein saare sansaar ke sarp mantrabal se khinch aae aur yagya ki agni mein unki aahuti hui.

anya pareekshit

inke atirikt 'pareekshit' naam ke chaar anya raaja aur hue hain jinmein teen kuruvansheeya the aur ek ikshvaakuvansheeya. pehle teenon mein pratham vaidikkaaleen raaja the. inke raajya ki samruddhi aur shaanti ka ullekh atharvaved (20. 127, 7-10) mein hua hai. inki prashasti mein aae mantra 'paarikshitya mantra', ke roop mein prasiddh hain (aitareya braahman. 6, 32, 10). doosare raaja, arugvat tatha maagadhi amruta ke putr aur shantanu ke prapitaamah the (mahaabhaarat, aadiprv, 90, 43-48). teesare kuru avikshit aur vahin ke jyeshth putr the (mahaabhaarat aadiprv, 89/45-46). chauthe parikshit ayodhya ke ikshvaakuvansheeya naresh the jinka vivaah mandookaraaj aayu ki kanya sushobhana se is shart par hua ki vah jal naheen dekhegi aur dikhaai pad jaane par use chhodkar chali jaaegi. kintu vah shart nibh na saki aur vah ek din sarovar ka jal dekhte hi lupt ho gayi. raaja bahut kruddh hue aur unhonne mandookavadh ka satr aarambh kar diya. ant mein mandookaraaj aayu se use pun: praapt karne par ve satr se virt hue (mahaabhaarat vanaparv, 190).