parashuraam

parashuraam
Bhagwan parashuraam.
devanaagari	parashuraam Paraśaurāama
kannad	ರaaಾaaಮaa್aaಕaaೊaaಡaaಲaaಿ
sahabaddhata	swayam Bhagwan
aavaas	mahendragiri
shastr	farasa
patni	dhaarini
paathya	Bhagwat puraan, vishnu puraan, raamaayan, raamacharitmaanas
the va b

parashuraam treta yug (raamaayan kaal) ke ek muni the. unhein Bhagwan vishnu ka chhatha avataar bhi kaha jaata hai. pauronik vruttaanton ke anusaar unka janm bhrugushreshth maharshi jamadagni dvaara sampann putreshti yagya se prasann devaraaj indr ke varadaan svaroop patni Renuka ke garbh se vaishaakh shukl truteeya ko hua tha. ve Bhagwan vishnu ke aaveshaavataar the. pitaamah bhrugu dvaara sampann naamakaran sanskaar ke anantar Ram, jamadagni ka putr hone ke kaaran jaamadagnya aur shivji dvaara pradatt parashu dhaaran kiye rahane ke kaaran ve parashuraam kahalaaye. aarambhik shiksha maharshi vishvaamitr evam richeek ke aashram mein praapt hone ke saath hi maharshi richeek se saarang naamak divya vaishnav dhanush aur brahmarshi kashyap se vidhivt avinaashi vaishnav mantr praapt hua. tadanantar Kailash girishrrung par sthit Bhagwan shankar ke aashram mein vidya praapt kar vishisht divyaastr vidyudabhi naamak parashu praapt kiya. shivji se unhein shreekrushn ka trailokya vijay kavach, stavaraaj stotr evam mantr kalpataru bhi praapt hue. chakrateerth mein kiye kathin tap se prasann ho Bhagwan vishnu ne unhein treta mein raamaavataar hone par tejoharan ke uparaant kalpaant paryant tapasyaarat bhoolok par rahane ka var diya.

raaja ravi varma dvaara parashuraam ji ka chitr.

ve shastravidya ke mahaan guru the. unhonne bheeshm, dron va karn ko shastravidya pradaan ki thi. unhonne ekaadash chhandayukt "Shiv panchatvaarinshanaam stotr" bhi likha. ichhit fal-pradaata parashuraam gaayatri hai-"Om jaamadagnyaaya vidmahe mahaaveeraaya dheemahi, tannoparashuraam: prachodayaat." ve purushon ke liye aajeevan ek patneevrat ke pakshadhar the. unhonne atri ki patni anasooya, agastya ki patni lopaamudra va apne priya shishya akrutavan ke sahayog se viraat naari-jaagruti-abhiyaan ka sanchaalan bhi kiya tha. avashesh kaaryo mein kalki avataar hone par unka gurupad grahan kar unhein shastravidya pradaan karna bhi bataaya gaya hai.

parasuraam ki pratima

parashuraamaji ka ullekh raamaayan, mahaabhaarat, Bhagwat puraan aur kalki puraan ityaadi anek granthon mein kiya gaya hai. ve ahankaari aur dhrusht haihaya vanshi kshatriyon ka pruthvi se 21 baar sanhaar karne ke liye prasiddh hain. ve dharati par vaidik sanskruti ka prachaar-prasaar karna chaahate the. kaha jaata hai ki Bhaarat ke adhikaansh gram unheen ke dvaara basaaye gaye. ve bhaargav gotr ki sabse aajnyaaakaari santaanon mein se ek the, jo sadaiv apne gurujanon aur maata pita ki aajnyaa ka paalan karte the. ve sada badon ka sammaan karte the aur kabhi bhi unki avhelna naheen karte the. unka bhaav is jeev srushti ko iske praakrutik saundarya sahit jeevant banaaye rakhana tha. ve chaahate the ki yeh saari srushti pashu pakshiyon, vrukshon, fal fool aue samoochi prakruti ke liye jeevant rahe. unka kehna tha ki raaja ka dharm vaidik jeevan ka prasaar karna hai naaki apni praja se aajnyaaapaalan karavaana. ve ek braahman ke roop mein janmein avashya the lekin karm se ek kshatriya the. unhein bhaargav ke naam se bhi jaana jaata hai.

yeh bhi gyaat hai ki parashuraam ne adhikaansh vidyaaeain apni baalyaavastha mein hi apni maata ki shikshaaon se seekh li theeain (vah shiksha jo 8 varsh se kam aayu vaale baalako ko di jaati hai). ve pashu-pakshiyon tak ki bhaasha samajhte the aur unase baat kar sakte the. yahaaain tak ki kai khooainkhvaar vanaile pashu bhi unke sparsh maatr se hi unke mitr ban jaate the.

unhonne sainyashiksha keval braahmanon ko hi di. lekin iske kuchh apavaad bhi hain jaise bheeshm aur karn.

unke jaane-maane shishya the -

1. bheeshm
   
2. dron, kaurav-paandavon ke guru va ashvatthaama ke pita evam
   
3. karn.

karn ko yeh gyaat naheen tha ki vah janm se kshatriya hai. vah sadaiv hi swayam ko kshoodr samajhta raha lekin usaka saamarthya chhupa na rah saka. jab parashuraam ko iska gyaan hua to unhonne karn ko yeh shraap diya ki unka sikhaaya hua saara gyaan uske kisi kaam naheen aaega jab use usaki sarvaadhik aavashyakta hogi. isliye jab kurukshetr ke yuddh mein karn aur arjun aamne saamane hote hai tab vah arjun dvaara maar diya jaata hai kyonki us samay karn ko brahmaastr chalaane ka gyaan dhyaan mein hi naheen raha.

janm

praacheen kaal mein kannauj mein gaadhi naam ke ek raaja raajya karte the. unki satyavati naam ki ek atyant roopavati kanya thi. raaja gaadhi ne satyavati ka vivaah bhrugunandan risheek ke saath kar diya. satyavati ke vivaah ke pash‍aachaat vahaaain bhrugu rishi ne aakar apni putravadhoo ko aasheervaad diya aur usase var maaaingane ke liye kaha. is par satyavati ne sh‍aavasur ko prasann dekhkar unase apni maata ke liye ek putr ki yaachana ki. satyavati ki yaachana par bhrugu rishi ne use do charu paatr dete huye kaha ki jab tum aur tumhaari maata ritu snaan kar chuki ho tab tumhaari maaain putr ki ichha lekar peepal ka aalingan karna aur tum usi kaamna ko lekar goolar ka aalingan karna. fir mere dvaara diye gaye in charuon ka saavadhaani ke saath alag alag sevan kar lena. idhar jab satyavati ki maaain ne dekha ki bhrugu ne apne putravadhoo ko uttam santaan hone ka charu diya hai to usane apne charu ko apni putri ke charu ke saath badal diya. is prakaar satyavati ne apni maata vaale charu ka sevan kar liya. yogashak‍aati se bhrugu ko is baat ka gyaan ho gaya aur ve apni putravadhoo ke paas aakar bole ki putri! tumhaari maata ne tumhaare saath chhal karke tumhaare charu ka sevan kar liya hai. isaliye ab tumhaari santaan braahman hote huye bhi kshatriya jaisa aacharan karegi aur tumhaari maata ki santaan kshatriya hokar bhi braahman jaisa aacharan karegi. is par satyavati ne bhrugu se vinti ki ki aap aasheervaad dein ki mera putr braahman ka hi aacharan kare, bhale hi mera pautr kshatriya jaisa aacharan kare. bhrugu ne prasann hokar usaki vinti sveekaar kar li. samay aane par satyavati ke garbh se jamadagni ka janm hua. jamadagni atyant tejasvi the. bade hone par unka vivaah prasenajit ki kanya Renuka se hua. Renuka se unke paaainch putr hue jinke naam the - rukmavaan, sukhen, vasu, vish‍aavaanas aur parashuraam.

maata pita bhakt parashuraam

shreemadbhaagavat mein drushtaant hai ki gandharvaraaj chitrarath ko apsaraaon ke saath vihaar karta dekh havan hetu ganga tat par jal lene gayi Renuka aasakt ho gayi aur kuchh der tak vaheen ruk gayeen. havan kaal vyateet ho jaane se kruddh muni jamadagni ne apni patni ke aarya maryaada virodhi aacharan evam maanasik vyabhichaar karne ke dandasvaroop sabhi putron ko maata Renuka ka vadh karne ki aajnyaa di.

anya bhaaiyon dvaara aisa dussaahas na kar paane par pita ke tapobal se prabhaavit parashuraam ne unki aajnyaaanusaar maata ka shirochhed evam unhein bachaane hetu aage aaye apne samast bhaaiyon ka vadh kar daala. unke is kaarya se prasann jamadagni ne jab unase var maaaingane ka aagrah kiya to parashuraam ne sabhi ke punarjeevit hone evam unke dvaara vadh kiye jaane sambandhi smruti nasht ho jaane ka hi var maaainga.

pita jamadagni ki hatya aur parashuraam ka pratishodh

Parasurama killing Sahasrarjuna.jpg sahastraarjun se yuddharat parashuraam ka ek chitr

kathaanak hai ki haihaya vanshaadhipti kaa‌aarttaveeryaarjun (sahastraarjun) ne ghor tap dvaara Bhagwan dattaatreya ko prasann kar ek sahastr bhujaaeain tatha yuddh mein kisi se paraast na hone ka var paaya tha. sanyogavash van mein aakhet karte vah jamadagnimuni ke aashram ja pahuaincha aur devaraaj indr dvaara unhein pradatt kapila kaamadhenu ki sahaayata se hue samast sainyadal ke adbhut aatithya satkaar par lobhavash jamadagni ki avajnyaa karte hue kaamadhenu ko balapoorvak chheenakar le gaya.

kupit parashuraam ne farase ke prahaar se usaki samast bhujaaeain kaat daaleen va sir ko dhad se pruthak kar diya. tab sahastraarjun ke putron ne pratishodh svaroop parashuraam ki anupasthiti mein unke dhyaanasth pita jamadagni ki hatya kar di. Renuka pati ki chitaagni mein pravisht ho sati ho gayeen. is kaand se kupit parashuraam ne poore veg se mahishmati nagari par aakraman kar diya aur us par apna adhikaar kar liya. iske baad unhonne ek ke baad ek poore ikkees baar is pruthvi se kshatriyon ka vinaash kiya. yahi naheen unhonne haihaya vanshi kshatriyon ke rudhir se sthalat panchak kshetr ke paaainch sarovar bhar diye aur pita ka shraaddh sahastraarjun ke putron ke rakt se kiya. ant mein maharshi richeek ne prakat hokar parashuraam ko aisa ghor krutya karne se roka.

iske pashchaat unhonne ashvamegh mahaayajnya kiya aur saptadveep yukt pruthvi maharshi kashyap ko daan kar di. keval itna hi naheen, unhonne devaraaj indr ke samaksh apne shastr tyaag diye aur saagar dvaara uchhisht bhoobhaag Mahendra parvat par aashram banaakar rahane lage.

haihayavanshi kshatriyon ka vinaash

maana jaata hai ki parashuraam ne 21 baar haihayavanshi kshatriyon ko samool nasht kiya tha. kshatriyon ka ek varg hai jise haihayavanshi samaaj kaha jaata hai yeh samaaj aaj bhi hai. isi samaaj mein ek raaja hue the sahastraarjun. parashuraam ne isi raaja aur inke putr aur pautron ka vadh kiya tha aur unhein iske liye 21 baar yuddh karna pada tha.

kaun tha sahastraarjun ?: sahastraarjun ek chandravanshi raaja tha jiske poorvaj the mahishmant. mahishmant ne hi narmada ke kinaare mahishmati naamak nagar basaaya tha. inheen ke kul mein aage chalakar durdum ke uparaant kanak ke chaar putron mein sabse bade krutaveerya ne mahishmati ke sinhaasan ko samhaala. bhaargav vanshi braahman inke raaj purohit the. bhaargav pramukh jamadagni riashi (parashuraam ke pita) se krutaveerya ke madhur sambandh the. krutaveerya ke putr ka naam bhi arjun tha. krutaveerya ka putr hone ke kaaran hi unhein kaarttaveeryaarjun bhi kaha jaata hai. kaarttaveeryaarjun ne apni araadhana se Bhagwan dattaatreya ko prasann kiya tha. Bhagwan dattaatreya ne yuddh ke samay kaarttaveeryaajun ko hajaar haathon ka bal praapt karne ka varadaan diya tha, jiske kaaran unhein sahastraarjun ya sahasrabaahu kaha jaane laga. sahastraarjun ke paraakram se raavan bhi ghabaraata tha.

yuddh ka kaaran: rishi vashishth se shaap ka bhaajan banane ke kaaran sahastraarjun ki mati maari gayi thi. sahastraarjun ne parashuraam ke pita jamadagni ke aashram mein ek kapila kaamadhenu gaaya ko dekha aur use paane ki laalasa se vah kaamadhenu ko balapoorvak aashram se le gaya. jab parashuraam ko yeh baat pata chali to unhonne pita ke sammaan ke khaatir kaamadhenu vaapas laane ki sochi aur sahastraarjun se unhonne yuddh kiya. yuddh mein sahastraarjun ki sabhi bhujaaeain kat gain aur vah maara gaya.

tab sahastraarjun ke putron ne pratishodhavash parashuraam ki anupasthiti mein unke pita jamadagni ko maar daala. parashuraam ki maaain Renuka pati ki hatya se vichlit hokar unki chitaagni mein pravisht ho sati ho gayeen. is ghor ghatna ne parashuraam ko krodhit kar diya aur unhonne sankalp liya-"main haihaya vansh ke sabhi kshatriyon ka naash karke hi dam looainga". uske baad unhonne ahankaari aur dusht prakruti ke haihayavanshi kshatriyon se 21 baar yuddh kiya. krodhaagni mein jalate hue parashuraam ne sarvapratham haihayavanshiyon ki mahishmati nagari par adhikaar kiya taduparaant kaarttaveeryaarjun ka vadh. kaarttaveeryaarjun ke divangat hone ke baad unke paaainch putr jayadhvaj, shoorasen, shoor, vrush aur Krishna apne astitv ki ladaai ladte rahe.

brahmavaivart puraan mein kathaanak milta hai ki Kailash sthit Bhagwan shankar ke ant:pur mein pravesh karte samay ganesh ji dvaara roke jaane par parashuraam ne balapoorvak andar jaane ki cheshtha ki. tab ganapati ne unhein stambhit kar apni sooaind mein lapetakar samast lokon ka bhraman karaate hue golok mein Bhagwan shreekrushn ka darshan karaake bhootal par patak diya. chetanaavastha mein aane par kupit parashuraamaji dvaara kiye gaye farase ke prahaar se ganesh ji ka ek daaaint toot gaya, jisse ve ekadant kahalaaye.

raamaayan kaal

ek pauronik chitr: shreeraam (daayein) aur parashuraam (baaeain)

unhonne tretaayug mein raamaavataar ke samay shivji ka dhanush bhang hone par aakaash-maarg dvaara mithilaapuri pahuainch kar pratham to swayam ko "vishv-vidit kshatriya kul drohi" bataate hue "bahut bhaaainti tinh aaainkh dikhaaye" aur krodhaandh ho "sunahu Ram jehi shivdhanu tora, sahasabaahu sam so ripu mora" tak kah daala. taduparaant apni shakti ka sanshaya mitte hi vaishnav dhanush shreeraam ko saunp diya aur kshama yaachana karte hue "anuchit bahut kaheu ajnyaaata, kshamahu kshamaamandir dou bhraata" tapasya ke nimitt van ko laut gaye. raamacharit maanas ki ye panktiyaaain saakshi hain- "kah jaya jaya jaya raghukulaketoo, bhrugupati gaye vanahin tap hetoo". vaalmeeki raamaayan mein varnit katha ke anusaar dasharathanandan shreeraam ne jamadagni Kumar parashuraam ka poojan kiya aur parashuraam ne raamachandr ki parikrama kar aashram ki or prasthaan kiya.

jaate jaate bhi unhonne shreeraam se unke bhakton ka satat saannidhya evam charanaaravindon ke prati sudrudh bhakti ki hi yaachana ki thi.

mahaabhaarat kaal

bheeshm dvaara sveekaar na kiye jaane ke kaaran anba pratishodh vash sahaayata maaaingane ke liye parashuraam ke paas aayi. tab sahaayata ka aashvaasan dete hue unhonne bheeshm ko yuddh ke liye lalkaara. un donon ke beech 23 dinon tak ghamaasaan yuddh chala. kintu apne pita dvaara ichha mrutyu ke varadaan svarup parashuraam unhein hara na sake.

parashuraam apne jeevan bhar ki kamaai braahmanon ko daan kar rahe the, tab dronaachaarya unke paas pahuainche. kintu durbhaagyavash ve tab tak sab kuchh daan kar chuke the. tab parashuraam ne dayaabhaav se dronachaarya se koi bhi astr-shastr chunane ke liye kaha. tab chatur dronaachaarya ne kaha ki main aapke sabhi astr shastr unke mantron sahit chaahata hooain taaki jab bhi unki aavashyakta ho, prayog kiya ja sake. parashuraamaji ne kaha-"evamastu!" arthaat aisa hi ho. isse dronaachaarya shastr vidya mein nipun ho gaye.

parashuraam karn ke bhi guru the. unhone karn ko bhi vibhinn prakaar ki astr shiksha di thi aur brahmaastr chalaana bhi sikhaaya tha. lekin karn ek soot ka putr tha, fir bhi yeh jaante hue ki parashuraam keval braahmanon ko hi apni vidha daan karte hain, karn ne chhal karke parashuraam se vidha lene ka prayaas kiya. parashuraam ne use braahman samajh kar bahut si vidyaayein sikhaayeen, lekin ek din jab parashuraam ek vruksh ke neeche karn ki godi mein sar rakhake so rahe the, tab ek bhaunra aakar karn ke pair par kaatne laga, apne guruji ki neend me koi avarodh na aaye isaliye karn bhaunre ko sehata raha, bhaunra karn ke pair ko buri tarah kaate ja raha tha, bhaure ke kaatne ke kaaran karn ka khoon bahne laga. vo khoon bahata hua parashuraam ke pairon tak ja pahuaincha. parashuraam ki neend khul gayi aur ve is khoon ko turant pehchaan gaye ki yeh khoon to kisi kshatriya ka hi ho sakta hai jo itni der tak bagair uf kiye bahata raha. is ghatna ke kaaran karn ko apni astr vidya ka laabh naheen mil paaya.

ek anya katha ke anusaar ek baar guru parashuraam karn ki ek jangha par sir rakhakar so rahe the. tabhi ek bichhoo kaheen se aaya aur karn ki jangha par ghaav banaane laga. kintu guru ka vishraam bhang na ho, isaliye karn bichhoo ke dansh ko sahata raha. achaanak parashuraam ki nidra tooti aur ye jaanakar ki ek braamhan putr mein itni sahanasheelata naheen ho sakti ki vo bichhoo ke dansh ko sahan kar le. karn ke mithyaabhaashan par unhonne use ye shraap de diya ki jab use apni vidya ki sarvaadhik aavashyakta hogi, tab vah uske kaam naheen aayegi.

bhrugushreshth maharshi jamadagni dvaara sampann putreshti yagya se prasann devaraaj indr ke varadaan svaroop patni Renuka ke garbh se vaishaakh shukl truteeya ko vishvavandya mahaabaahu parashuraam ka janm hua tha. ve Bhagwan vishnu ke aaveshaavataar the.

kalki puraan ke anusaar parashuraam, Bhagwan vishnu ke dasvein avataar kalki ke guru honge aur unhein yuddh ki shiksha deinge. ve hi kalki ko Bhagwan Shiv ki tapasya karke unke divyaastr ko praapt karne ke liye kaheinge.

Bhagwan parashuraam shastr vidya ke shreshth jaankaar the. parashuraam Kerala ke maarshal Art kalareepaayattu ki uttari shaili vadakkan kalari ke sansthaapak aachaarya evam aadi guru hain.^[1] vadakkan kalari astr-shastron ki pramukhata waali shaili hai.

• sukhasaagar ke saujanya se
• aadarsh brahmachaari, atul paraakrami shri parashuraam amar ujaala par

vikimeediya kaumans par Parashuram se sambandhit media hai.