paraashar rishi

anya upayogon ke liye paraashar (bahuviklpi) dekhein.

paraashar rishi maharshi vasishth ke pautr, gotrapravartak, vaidik sookton ke drashta aur granthakaar. raakshas dvaara maare gaye vasishth ke putr-shakti se inka janm hua. bade hone par maata adrushyanti se pita ki mrutyu ki baat gyaat hone par raakshason ke naash ke nimitt inhonne raakshas satr naamak yagya shuroo kiya jismein anek nirparaadh raakshas maare jaane lage. yeh dekhkar pulastya aadi rishiyon ne upadesh dekar inki raakshason ke vinaash se nivrutt kiya aur puraan pravakta hone ka var diya.

teerthayaatra mein yamuna ke tat par mallaah ki sundar kanya parantu matsyagandh se yukt satyavati ko dekhkar usase prem karne lage. sampark se tumhaara kanyaabhaav nasht na hoga aur tumhaare shareer ki durgandh door hokar ek yojan tak sungadh failegi, yeh var paraashar ne satyavati ko diye. sameepasth rishi ne dekhein, at: kohare ka aavaran utpann kiya. baad mein satyavati se inko prasiddh vyaas putr hua.

rigved ke anek sookt inke naam par hain (1, 65-73-9, 97). inse pravrutt paraashar gotr mein gaur, neel, Krishna, shvet, shyaam aur dhoomr chhah bhed hain. gaur paraashar aadi ke bhi anek upabhed milte hain. unke paraashar, vasishth aur shakti teen pravar hain (matsya., 201).

bheeshmaachaarya ne dharmaraaj ko paraasharokt geeta ka upadesh kiya hai (mahaabhaarat, shaantiprv, 291-297). inke naam se sambaddh anek granth gyaat hote hain:

1. bruhatparaashar hora shaastr, 2. laghupaaraashari (jyautish), 3. bruhatpaaraashareeya dharmasanhita, 4. paraashareeya dharmasanhita (smruti),
5. paraashar sanhita (vaidyak), 6. paraashareeya puraanam‌ (maadhavaachaarya ne ullekh kiya hai), 7. paraasharauditan neetishaastram‌ (chaanakya ne ullekh kiya hai), 8. paraasharoditan, vaastushaastram‌ (vishvakarma ne ullekh kiya hai).

anya paraashar

  • 2. vedavyaas ki rigved-shishya-parampara mein baashkal ka shishya. iski chalaai hui shaakha paraashari naam se prasiddh hai. yeh shrutarshi, rishik aur brahmachaari tha (vaayu. 1, 60; brahmaand 2, 34)
  • 3. vedavyaas ki saamaved-shishya-parampara mein hirnya naam ka shishya (vaayu., 1, 61; brahmaand 2, 35) brahmaandapuraan mein paaraasharya paathabhed hai.
  • 4. vedavyaas ki saamaved-shishya-parampara mein kuthumi ka shishya (brahmaand 2, 35. vaayu. 1, 61).
  • 5. vedavyaas ki yaju: shishya-parampara mein sthit yaajnyaavalkya ke vaajasaneya shaakha ka shishya (brahmaand 3, 65).
  • 6. rishabh naamak Shiv ke avataar ka shishya (Shiv. shat. 4-5; vaayu. 1, 23).
  • 7. janamejaya ke sarpasatr mein maare gaye sarpon mein dhrutaraashtr naamak kul ka ek sarp (m.bha., aadi., 57, 19 kunbhakonaprati).
  • matsyapuraan mein saudaas kalmaashapaad ke putr ka rakshan karanevaale paraashar ka varnan milta hai.

inhein bhi dekhein