paraashar mandir

paraashar jheel ke kinaare aakarshak paigoda shaili mein paraashar mandir nirmit hai. is mandir ko 14veen shataabdi mein mandi riyaasat ke raaja baanasen ne banavaaya tha. kala sanskruti premi paryatak mandir praangan mein baar-baar jaate hain. kaha jaata hai ki jis sthaan par mandir hai vahaan rishi paraashar ne tapasya ki thi.

pirmidaakaar paigoda shaili ke gine-chune mandiron mein se ek kaath nirmit, 92 barso mein bane, timanjile mandir ki bhavyata apne aap mein misaal hai. paaramparik nirmaan shaili mein deevaarein chinne mein pattharon ke saath lakadi ki kadiyon ke prayog ne poore praangan ko anoothi va naayaab kalaatmakata bakhshi hai. mandir ke baahari taraf va stambhon par ki gayi nakkaashi adbhut hai. inmein ukere devi-devata, saanp, ped-paudhe, fool, bail-patte, bartan va pashu-pakshiyon ke chitr kshetreeya kaareegari ke namoone hain.

mandi ke pramukh paryatan sthal
paraashar jheel | paraashar mandir | rivaalasar | kamaroonaag | kamalaagadh | janjaihali ghaati | karasog ghaati | barot | jogindar nagar | paddal maidaan | tattaapaani