paraashar (krushi paraashar ke rachayita)

paraashar naam ke ek muni hue hain. unke dvaara rachit granthon mein 'krushisangrah', 'krushi paraashar' evam 'paraashar tantr' ke naam ginaae jaate hain. kintu inmein se mool granth 'krushi paraashar' hi hai. is granth ke rachayita paraashar muni kaun se hain, is vishay par yathesht matabhed hai. granth ki shaili ke aadhaar par yeh 8veen shati ke poorv ka likha naheen samjha jaata.

'krushi paraashar' mein krushi par grah nakshatron ka prabhaav, megh aur usaki jaatiyaaain, varshaamaap, varsha ka anumaan, vibhinn samayon ki varsha ka prabhaav, krushi ki dekhbhaal, bailon ki suraksha, goparv, gobar ki khaad, hal, jotaai, bailon ke chunaav, kataai ke samay, ropan, dhaanya sangrah aadi vishyon par vichaar prastut kiye gaye hain.

granth ke adhyayan se pata chalta hai ki paraashar ke man mein krushi ke liye apoorv sammaan tha. kisaan kaisa hona chaahiye, pashuon ko kaise rakhana chaahiye, gobar ki khaad kaise taiyaar karni chaahiye aur kheton mein khaad dene se kya laabh hota hai, beejon ko kab aur kaise surakshit rakhana chaahiye, ityaadi vishyon ka savistaar varnan is granth mein milta hai.

halon ke sambandh mein diya hua hai ki isha, juva, halasthaanu, niryol (faar), paashika, addachall, shahal tatha panchani ye hal ke aath ang hain. paaainch haath ki harees, dhaai haath ka halasthaanu (kudh), dedh haath ka faar aur kaan ke sadrush juva hona chaahiye. juva chaar haath ka hona chaahiye.

is granth se pata lagta hai ki paraashar ke kaal mein krushi atyant pusht karm thi.

anukram

krushi paraashar

krushi paraashar sanskrut bhaasha mein nibddh krushi ka savaaradhik charchit granth hai . yeh maharshi paraashar ke dvaara virchit maana jaata hai. ismein praarambh mein hi kaha gaya hai ki ann hi praan hai bal hai ann hi samast arth ka saadhan hai. devata, asur, manushya sabhi ann se jeevit hain tatha ann dhaanya se utpann hota hai aur dhaanya bina krushi ke naheen hota. isliye sabhi karm chhodkar krushi karm hi karna chaahiye.[1]krushi ke liye jal ki aavashyakta ko dekhte hue tatha jal ke pramukh saadhan hone ke kaaran vrushti gyaan ko paraashar ne pramukhata di hai[2] tatha isi kram mein batalaaya hai ki vibhinn grahon ka varsha par kya prabhaav padata hai jaise ki chandrama ke sanvatsar ka raaja hone par pruthvi dhaanya se poorn hoti hai tatha shani ke raaja hone par varsha mand hoti hai .

isi prakaar meghon ke prakaar ka varnan, alag-alag rituon mein hone waali varsha ke lakshanon ka varnan tatha anaavrushti ke lakshanon ka bhi paraashar ne varnan kiya hai. saath hi rishi ne krushi karm mein niyukt pashuon ke bhi uchit rakharakhaav karne ko kaha hai tatha utana hi krushi karm karaneka nirdesh kiya hai jisse pashu ko kasht na ho jo pashuon ke prati bhaarateeya vyavahaar ka dyotak hai.[3]

iske pashchaat gaushaala ki svachhata par bhi vishesh dhyaan dene ki baat kahi hai . pashuon ke tyauhaaron ka tatha hal saamagri ka bhi varnan rishi ne kiya hai .iske pashchaat krushi karm praarambh karne ke samay ka varnan karte hue kaha hai ki shubh samay mein hi yathaavidhi poojan karke hal prasaaran karna chaahiye.

iske pashchaat shodhit kiye tatha sanrakshit hue beejon ko uchit samay mein bone ka nirdesh hai saath hi dhaanya ko kaatne tatha usako trunarahit karne ka varnan hai . paraashar rishi kehte hain ki jo dhaanya trun rahit naheen kiya jaata vo ksheen ho jaata hai.[4]

iske saath hi jalarakshan ka bhi varnan praapt hota hai. rishi paraashar iske liye nirdesh karte hue kehte hain ki sharatkaal aane par jal ka sanrakshan karna chaahiye tatha kshetr mein nal ka ropan karna chaahiye. iske saath paraashar ne dhaanya kaatne se poorv pushyayaatra ka vidhaan kiya hai jo sabhi vighnon ki shaanti tatha dhaanya ki vruddhi keliye hoti thi. tatpashchaat paush maas mein dhaanya kaatne ka nirdesh kiya gaya hai.

inhein bhi dekhein

sandarbh

  1. ann praana balan chaannamannan sarvaarthasaadhanam .
    devaasuramanushyaashch sarve chaannopajeevin: . (6)
    annan hi dhaanyasanjaatan dhaanyan krupaya vina na ch .
    tasmaat sarvan parityajya krushin yatnen kaarayet . (7)
  2. vrushtimoola krushi: sarva vrushtimoolan ch jeevanam .
    tasmaadaadau prayatnen vrushtijnyaaanan samaacharet . (10)
  3. krushin ch taadrusheen kuryaadyatha vaahaann peedayet .
    vaahapeedaarjitan shasyan garhitan sarvakarmasu . (84)
  4. nishpannamapi yaddhaanyan na krutan trunavarjitm .
    na samyak phalamaapnoti trunaksheena krushirbhavet . (189)

baahari kadiyaaain