palaamoo ke durg

palaamoo durg

palaamoo mein do durg hain jo vartamaan samay mein kuchh jarjar ho chuke hai, lekin ye aaj bhi is kshetr ki shaan hain aur paryatakon ke liye pramukh aakarshan kendra bhi. in kilon ko 'puraana kila' aur 'naya kila' kaha jaata hai. ye durg cheero raajavansh ke raajaaon ki den hain. is kile ko raaja medeeni rai ne banavaaya tha.

palaamoo ke mukhyaalaya medineenagar (daaltanaganj) ke dakshin disha mein koyal nadi ke tat par avasthit shaahapur kila palaamoo itihaas ke saikadon varshon ki smrutiyon ko samete badhaal avastha mein khada hai. sthaaneeya log is kile ko 'chalaani kila' bhi kahatein hain. itihaas ke anusaar iska nirmaan 1766-1770 ke aaspaas cherovansheeya raaja gopaal rai ne karavaaya tha aur chero satta ke avsaan kaal ke dauraan palaamoo ka samraajya ko yaheen se sanchaalit kiya jaata tha. san 1771 mein palaamoo kila par angrejon ke aakraman aur niyantranaadheen hone ke baad shaahapur kila hi raaja ka nivaas sthaan bana.

kaha jaata hai ki is kile se surang ke rup mein ek gupt maarg palaamoo kila tak jaata tha. is kile mein chero vansh ke antim shaasak raaja chudaaman rai aur unki patni chandraavati devi ki pratima sthaapit ki gayi hai. shaahapur mukhya maarg par sthit is kile se koyal nadi samet medineenagar kshetr ke manohaari praakrutik drushya ko dekha ja sakta hai. kuchh varsh poorv is kile ko puraataatvik mahatva ka ghoshit kiya gaya hain lekin iske baavajood bhi yeh cherovansheeya saamraajya ke vaibhavashaali itihaas ka mook saakshi apni durdasha par siskata najar aata hai.[1]

sandarbh