palaamoo

palaamoo
shahar
samay mandal: IST (UTC+5:30)
desh Flag of India.svg Bhaarat
raajya Jharkhand
jila palaamoo
aadhikaarik jaalasthal: palamu.nic.in

Erioll world.svgnirdeshaank: 23°a30′aN 83°a33′aE / 23.5°aN 83.55°aE / 23.5; 83.55

palaamoo Bhaarat mein Jharkhand praant ka ek jila hai. iska jila mukhyaalaya medaneenagar hai. pehle yeh daaltanaganj ke naam se jaana jaata tha lekin aanandamaarg ke Lakshman Singh, baidyanaachh saahoo, yugalakishor Singh, vishvanaath Singh jaise logon ne lambe samay tak aandolan kiya aur shahar ka naam medaneenagar kiya gaya. yahaan ke raajaneetijnyaon mein indar Singh naamadhaari, jnyaaanachand paandeya, shaileindr, KD Singh aadi mukhya hain. patrakaaron mein aalok prakaash putul ne antarraashtreeya star par lokapriyta haasil ki hai. anya patrakaaron mein raameshvaram, gokul bansant, faiyaaj Ahmad, upendr naath paandeya aadi shaamil hain.

anukram

itihaas

prasiddh chero raaja

satrahaveen sadi ke praarambhik dashakon mein dakshin Bihar mein chero raaja sabse prabhaavashaali the. bhagavant rai (1613-1630) ek diler yoddha tha jisne mugalon se kshetr chheenakar raajya sthaapit kiya tha. agale chero raaja anant rai (1630-1661) ne lambe samay tak raaj kiya. usaka raajyakaal sangraamasheel raha kyonki use mugalon ke aakramanon ka saamana karna pada. medini rai (1662-1674) ne keval 13 saal raaj kiya, lekin vah sabse adhik vikhyaat chero raaja hai. vah bada hi nyaayapriya tha aur apni praja se bahut kam kar vasoolata tha. palaamoo ke kilon mein se puraane kile ka nirmaan isi raaja ne karavaaya tha. medini rai ke baad prataap rai (1675-1681) ka raajyakaal shuroo hua. usane palaamoo ke doosare kile ka nirmaan kaarya aarambh karavaaya, lekin vah kile ko poora naheen kar saka. aaj bhi kila banaane ke liye laae gaye pattharon ka dher aur apoorn kile ke hisson ka khandahar palaamoo ke jangalon mein vidyamaan hai.

palaamoo ke kile

chitr:Betla1.jpg
palaamoo ka kila

jab chero raajya utkarsh par tha, palaamoo ek achhi-khaasi nagari thi. usamein anek bhavya baajaar the aur usaki raksha ke liye do majaboot kile the. ye kile int-patthar ke bane the. unke dedh meter chaude baahari deevaaron mein jagah-jagah top ke goalon ke nishaan hain. nae kile mein sundar nakkaasheevaala bada faatak tha jise naagapuri dwaar kehte hain. donon kilon mein gahre kune the, jisse kile mein sharan li hui sena ko paani ki kami naheen hoti thi. kile ke bagal se oranga nadi bahti thi aur kile ke chaaron or oonchi pahaadiyaan aur ghane jungle the.

1857 mein palaamoo

san 1857 ki kraanti ke samay palaamoo mein angrejon ke viruddh anek sashastr sangraam chhide the. palaamoo ki bagaavat sachche arth mein raashtreeya aandolan thi kyonki usamein aam praja hi naheen raaja, saamant aur jameendaar bhi shaamil hue the. yeh sangraam san 1858 tak chalta raha. usamein chero, bogata aur kharavaar janajaati ke logon ne khulkar hissa liya.

palaamoo raashtreeya abhayaaranya

palaamoo mein hi raashtreeya khyaati ka palaamoo raashtreeya abhayaaranya bhi sthit hai. abhyaaranya lagbhag 250 varg kilometer kshetr mein faila hua hai. yeh 1974 mein baagh pariyojana ke antargat gathit pratham 9 baagh aarakshon mein se ek hai. palaamoo vyaaghr aaraksh 1,026 varg kilometer kshetr mein faila hua hai, jismein palaamoo vanyajeev abhayaaranya ka kshetrafal 980 varg kilometer hai. abhayaaranya ke kor kshetr 226 varg kilometer ko betala raashtreeya udyaan ke roop mein adhisoochit kiya gaya hai. palaamoo aaraksh ke mukhya aakarshanon mein shaamil hain baagh, haathi, teinduaa, gaur, saanbhar aur cheetal.

palaamoo aitihaasik drushti se bhi mahatvapoorn hai. san 1857 ki kraanti mein palaamoo ne aham bhoomika nibhaai thi. chero raajaaon dvaara nirmit do kilon ke khandahar palaamoo vyaaghr aaraksh mein vidyamaan hain. palaamoo mein kai prakaar ke van paae jaate hain, jaise shushk mishrit van, saal ke van aur baans ke jhuramut, jinmein saikadon vanya jeev rahate hain. palaamoo ke van teen nadiyon ke jalagrahan kshetr ko suraksha pradaan karte hain. ye nadiyaan hain uttar koyal auranga aur boodha. 200 se adhik gaanv palaamoo vyaaghr aaraksh par aarthik drushti se nirbhar hain. in gaanvon ki mukhya aabaadi janajaateeya hai. in gaanvon mein lagbhag 1,00,000 log rahate hain. palaamoo ke khoobsoorat van, ghaatiyaan aur pahaadiyaan tatha vahaan ke shaanadaar jeev-jantu badi sankhya mein paryatakon ko aakarshit karte hain.

is abhyaaranya tak pahuainchane ke liye bhaarateeya rel dvaara Ranchi station se jaaya ja sakta hai. sabse najadeeki havaai adda Ranchi hai.

yeh bhi dekhein