pachhuaa pavanein

ye donon golaaddhon mein uposhn uchch vaayudaab(30 deegri se 35 deegri) katibndhon se upadhruveeya nimn vaayudaab (60 deegri se 65 deegri) katibndhon ki or chalne waali sthaayi pavan hain. inki pashchami disha ke kaaran inhe pachhuva pavan kehte hain.

pruthvi ke donon golaardho mein uposhn uchch vaayu daab katibandho se upadhruveeya nimn vaayudaab kateebandho ki or bahne waali sthaayi havaao ko inki pashchim disha ke kaaran pachhuaa pavan kaha jaata hai| uttari golaardh mein ye dakshin-pashchim se uttar -poorv ki or tatha dakshini golaardh mein uttar - pashchim se dakshin-poorv ki or bahti hai| pachhuaa havaao ka sarvashreshth vikaas 40 degree se 65 degree dakshini akshaanshon ke madhya paaya jaata hai kyonki yahaaain jalaraashi ke vishaal vistaar ke kaaran pavano ki gati apekshaakrut tej tatha disha nishchit hoti hai | dakshini golaardh mein inki prachandata ke kaaran hi 40 se 50 degree dakshini akshaansh ke beech inhein ' garajati chaaleesa ' 50 degree dakshini akshaansh ke sameepavarti ilaako mein ' prachand pachaasa ' tatha 60 degree dakshini akshaansh ke paas ' cheekhati saatha ' kaha jaata hai|uttari golaardh mein asamaan uchchadaab vaale vishaal sthal khand tatha vaayudaab ke parivrtanasheel mausami praaroop ke kaaran is pavan ka saamaanya pashchimi disha se pravaah aspasht ho jaata hai | dhruvo ki or in pavano ki seema kaafi asthir hoti hai, jo mausam evam anya kaaranon ke anusaar parivrtit hoti rahati hai |