pachaur

pachaur raajagadh jile ki navanirmit tahaseel hai. yeh 25000 ki aabaadi wala nagar hai jo nevaj nadi ke kinaare basa hai. pachaur nagar ke madhya se Agra-Mumbai raashtreeya raaj maarg gujarata hai, saath hi pachaur mein badi rel-line ujjain-guna bhi niklati hai. pachaur ka itihaas 200 varsho se bhi adhik puraana hai, iska puraana naam kuchh lekhon mein paara, paarad nagar ke roop mein bhi milta hai. yahaaain par praacheen shivaalaya mandir hai jise bada shivaalaya ke naam se jaana jaata hai. is mandir mein 1984 se nirantar akhand raamaayan ka paath chal raha hai. pachaur se Indore, ujjain, guna va Bhopal ki doori lagbhag 150 kimi hai. pachaur se khujaner, talen va boda ke liye pakki sadkein bani hui hai. pachaur tahaseel ka nirmaan 28 August 2008 ko hua. isse poorv pachaur mein tappa kaaryaalaya kaaryarat tha. yahaaain par nagareeya nikaaya ke roop mein nagar panchaayat ka office chalta hai jisme Gandhiji ki sundar pratima bani hui hai. nagar pachaayat ke poorv yahaaain gram panchaayat laga karti thi. 28 August ko pachaur ko tahaseel ka darja milne se poorv yeh saarangapur tahaseel ka ek ang tha. ab tahaseel ban jaane se ismein do nagar panchaayaton ke saath 66 gram panchaayato ke 124 gram shaamil ho gaye hai.