paavaapuri

paavaapuri mein sthit "jal mandir"

raajageer aur bodhagaya ke sameep paavaapuri Bhaarat ke Bihar praant ke naalanda jile me sthit ek shahar hai. yeh jain dharm ke mataavalanbiyo ke liye ek atyant pavitra shahar hai kyoonki maana jaata hai ki Bhagwan mahaaveer ko yaheen moksh ki praapti hui thi. yahaaain ke jalamandir ki shobha dekhte hi banti hai. sampoorn shahar kaimoor ki pahaadi par basa hua hai.

anukram

praacheen naam

13veen shati i॰ mein jinprabhasoori ne apne granth vividh teerth kalp roop mein iska praacheen naam apaapa bataaya hai. paavaapuri ka abhigyaan Bihar shareef railway station (Bihar) se 9 meal par sthit paava naamak sthaan se kiya gaya hai. yeh sthaan raajagruh se das meal door hai. mahaaveer ke nirvaan ka soochak ek stoop abhi tak yahaaain khandahar ke roop mein sthit hai. stoop se praapt itein raajagruh ke khandaharon ki inton se milti-julati hain. jisse donon sthaanon ki samakaaleenata siddh hoti hai.

kaningham[1] ke mat mein jiska aadhaar shaayad buddhacharit[2] mein kusheenagar ke theek poorv ki or paavaapuri ki sthiti ka ullekh hai, kasiya jo praacheen kusheenagar ke naam se vikhyaat hai, se 12 meal door padarauna naamak sthaan hi paava hai. jahaaain Gautam buddh ke samay mall-kshatriyon ki rajdhani thi.

jain maanyataaen

mahaaveer ki mrutyu 72 varsh ki aayu mein apaapa ke raaja hastipaal ke lekhakon ke kaaryaalaya mein hui thi. us din kaartik ki amaavasya thi. paaleegranth sangeetisuttant mein paava ke mallon ke ubbhatak naamak sabhaagruh ka ullekh hai.

bauddh maanyataaen

jeevan ke antim samay mein tathaagat ne paavaapuri mein thaharakar chund ka sookar-maaddav naam ka bhojan sveekaar kiya tha. jiske kaaran atisaar ho jaane se unki mrutyu kusheenagar pahuainchane par ho gayi thi.

faajilpur

kaningham ne paava ka abhigyaan kasiya ke dakshin poorv mein 10 meal par sthit faajilpur naamak gram se kiya hai. jain granth kalpasootr ke anusaar mahaaveer ne paava mein ek varsh bitaaya tha. yaheen unhonne apna pratham dharm-pravachan kiya tha, isi kaaran is nagari ko jain sanmpradaaya ka saaranaath maana jaata hai. mahaaveer svaami dvaara jain sangh ki sthaapana paavaapuri mein hi ki gayi thi.

paryatan

paavaapuri mein sthit jain mandir

yahaaain kamal taalaab ke beech jal mandir vishv prasiddh hai. samosharan mandir, moksh mandir aur naya mandir bhi darshaneeya hain.

inhein bhi dekhein

baahari kadiyaaain