paarvati

paarvati annapoorna devi ke roop mein
गौरी
Gauri
shakti, saakshaat prakruti svaroopa
devanaagari paarvati
sahabaddhata devi
aavaas jab avivaahit himaalaya, anyatha Kailash
mantra .Om ain hreen kleen chaamundayai vichchai.
shastr trishool, paas, ankusha, shankh, chakram, krausabo, kamal
patni Shiv
vaahan vrushabh

paarvati himnaresh himaavan tatha mainaavati ki putri hain, tatha Bhagwan shankar ki patni hain. uma, Gauri, ambika bhavaani aadi bhi paarvati ke hi naam hain. yeh prakruti svaroopa hain. paarvati ke janm ka samaachaar sunakar devarshi naarad himnaresh ke ghar aaye the. himnaresh ke poochhane par devarshi naarad ne paarvati ke vishay mein yeh bataaya ki tumhaari kanya sabhi sulakshanon se sampann hai tatha iska vivaah Bhagwan shankar se hoga. kintu mahaadev ji ko pati ke roop mein praapt karne ke liye tumhaari putri ko ghor tapasya karna hoga.

baad mein inke do putr kaartikeya tatha ganesh hue. kai puraanon mein inki putri ashok sundari ka bhi varnan hai.

anukram

poorvajanm ki katha

paarvati poorvajanm mein daksh prajaapati ki putri sati theen tatha us janm mein bhi ve Bhagwan shankar ki hi patni theen. sati ne apne pita daksh prajaapati ke yagya mein, apne pati ka apamaan na sah paane ke kaaran, swayam ko yogaagni mein bhasm kar diya tha. tatha himnaresh himaavan ke ghar paarvati ban kar avatarit huin |

paarvati ki tapasya

paarvati ko Bhagwan Shiv ko pati ke roop mein praapt karne ke liye van mein tapasya karne chali gain. anek varshon tak kathor upavaas karke ghor tapasya ki tatpashchaat vairaagi Bhagwan Shiv ne unase vivaah karna sveekaar kiya.

paarvati ki pareeksha

Bhagwan shankar ne paarvati ke apne prati anuraag ki pareeksha lene ke liye saptarishiyon ko paarvati ke paas bheja. unhonne paarvati ke paas jaakar use yeh samajhaane ke anek prayatn kiye ki Shiv ji aughad, amangal veshadhaari aur jataadhaari hain aur ve tumhaare liye upayukt var naheen hain. unke saath vivaah karke tumhein sukh ki praapti naheen hogi. tum unka dhyaan chhod do. kintu paarvati apne vichaaron mein drudh raheen. unki drudhta ko dekhkar saptarishi atyant prasann huye aur unhein safal manorath hone ka aasheervaad dekar Shiv ji ke paas vaapas aa gaye. saptarishiyon se paarvati ke apne prati drudh prem ka vruttaant sun kar Bhagwan shankar atyant prasann huye.

saptarishiyon ne Shiv ji aur paarvati ke vivaah ka lagn muhoort aadi nishchit kar diya.

Shiv ji ke saath vivaah

nishchit din Shiv ji baaraat le kar himaalaya ke ghar aaye. ve bail par savaar the. unke ek haath mein trishool aur ek haath mein damaroo tha. unki baaraat mein samast devataaon ke saath unke gan bhoot, pret, pishaach aadi bhi the. saare baaraati naach ga rahe the. saare sansaar ko prasann karne waali Bhagwan Shiv ki baaraat atyant man mohak thi. is tarah shubh ghadi aur shubh muhoort mein Shiv ji aur paarvati ka vivaah ho gaya aur paarvati ko saath le kar Shiv ji apne dhaam Kailash parvat par sukh poorvak rahane lage.

baahari kadiyaaain