paarasi dharm

paarasi
paarasi chinh
kul janasankhya

c. 70,000

khaas janasankhya ke kshetr
c. 70% Bhaarat mein,
5% Pakistan mein,
tatha Sri Lanka mein,
25% anya sthaanon par,
mukhyat: sanyukt raajashaahi mein.
Languages
gujaraati,angreji,maraathi
Religion
jrathushtr dharm

paarasi dharm Iran k bahut puraana dharm hai. ye jnd avesta naam ke dharmagranth par aadhaarit hai. iske prasthaapak mahaatma jrathushtr hain, isaliye is dharm ko jrathushtri dharm (Zoroastrianism) bhi kehte hain.

anukram

avesta

jnd avesta ke ab kuchh hi ansh milte hain. iske sabse puraane bhaag rigved ke turant baad ke kaal ke ho sakte hain. iski bhaasha avestan bhaasha hai, jo sanskrut bhaasha se bahut, bahut mel khaati hai.

paarasi dharm ki shiksha hai: humat, hukht, huvarsht jo sanskrut mein sumat, sookt, suvartan athva subuddhi, subhaash, suvyavahaar hua.

vishvaas

ahura majda

paarasi ek ishvar ko maanate hain, jise ahura majda (sanskrut: asur medha) (horamajd) kehte hain. unka varnan vaidik devata varun se kaafi mel khaata hai.

agni

agni ko ishvaraputr samaan aur atyant pavitra maana jaata hai. usi ke maadhyam se ahura majda ki pooja hoti hai. paarasi mandiron ko aatish beharaam kaha jaata hai.

spenta amesha

spenta amesha (sanskrut: spand amrut) inke saat (athva chh:) .frishte hain. verigod

shaitaan

paarasi vishvaas ke mutaabik ahura majda ka dushman dusht angira mainyu (aahareemaan) hai.

itihaas

ek jmaane mein paarasi dharm Iran ka raajadharm hua karta tha. unhonne Hindustan mein sharan li. tabase aaj tak paarasiyon ne Bhaarat ke udaya me bahut bada yogadaan diya hai.

paarasi tyauhaar

dharm ke baare mein

praacheen faaras (aaj ka Iran) jab poorvi Europe se madhya Asia tak faila ek vishaal saamraajya tha, tab paiganbar jarathustr ne ek ishvaravaad ka sandesh dete hue paarasi dharm ki neenv rakhi.

jarathustr va unke anuyaayiyon ke baare mein vistrut itihaas gyaat naheen hai. kaaran yeh ki pehle sikandar ki faujon ne tatha baad mein arab aakramanakaariyon ne praacheen faaras ka lagbhag saara dhaarmik evam saanskrutik saahitya nasht kar daala tha. aaj ham is itihaas ke baare mein jo kuchh bhi jaante hain, vah Iran ke pahaadon mein utkeern shila lekhon tatha vaachik parampara ki badaulat hai.

saataveen sadi isvi tak aate-aate faarasi saamraajya apna puraatan vaibhav tatha shakti gainva chuka tha. jab arabon ne is par nirnaayak vijay praapt kar li to apne dharm ki raksha hetu anek jarathosti dharmaavalanbi samudra ke raaste bhaag nikle aur unhonne Bhaarat ke pashchimi tat par sharan li.

yahaaain ve 'paarasi' (faarasi ka apabhransh) kahalaae. aaj vishvabhar mein maatr sava se dedh lakh ke beech jarathosti hain. inmein se aadhe se adhik Bhaarat mein hain.

faaras ke shahanshaah vishtaasp ke shaasanakaal mein paingabar jarathustr ne door-door tak bhraman kar apna sandesh diya. unke anusaar ishvar ek hi hai (us samay faaras mein anek devi-devataaon ki pooja ki jaati thi). is ishvar ko jarathustr ne 'ahura majada' kaha arthaat 'mahaan jeevan daata'.

ahura majada koi vyakti naheen hai, balki satv hai, shakti hai, oorja hai. jarathustr ke darshanaanusaar vishv mein do aadya aatmaaon ke beech nirantar sangharsh jaari hai.

inmein ek hai ahura majada ki aatma, 'speinta mainyoo'. doosari hai dusht aatma 'anghara mainyoo'. is dusht aatma ke naash hetu hi ahura majada ne apni saat krutiyon yatha aakaash, jal, pruthvi, vanaspati, pashu, maanav evam agni se is bhautik vishv ka srujan kiya.

ve jaante the ki apni vidhvansakaari prakruti tatha ajnyaaan ke chalte anghara mainyoo is vishv par hamla karega aur ismein avyavastha, asatya, du:kh, kroorata, rugnata evam mrutyu ka pravesh kara dega.

manushya, jo ki ahura majada ki sarvashreshth kruti hai, ki is sangharsh mein kendreeya bhoomika hai. use svechha se is sangharsh mein buri aatma se loha lena hai. is yuddh mein uske astr honge achhaai, satya, shakti, bhakti, aadarsh evam amaratv. in siddhaanton par amal kar maanav antat: vishv ki tamaam buraai ko samaapt kar dega.

kuchh adhik vaigyaanik kasauti par dharm ko parakhane vaale 'speinta mainyoo' ki vyaakhya alag tarah se karte hain. iske anusaar 'speinta mainyoo' koi aatma naheen, balki sanvruddhisheel, pragatisheel man athva maanasikta hai.

arthaat yeh ahura majada ka ek gun hai, vah gun jo brahmaand ka nirmaan evam sanvarddhan karta hai. ishvar ne speinta mainyoo ka srujan iseeliye kiya tha ki ek aanandadaayak vishv ka nirmaan kiya ja sake. pragatisheel maanasikta hi pruthvi par manushyon ko do vargon mein baaaintati hai. sadaachaari, jo vishv ka sanvarddhan karte hain tatha duraachaari, jo iski pragati ko rokate hain. jarathustr chaahate hain ki pratyek vyakti ishvar tulya bane, jeevanadaayi oorja ko apanaae tatha nirmaan, sanvarddhan evam pragati ka vaahak bane.

paiganbar jarathustr ke upadeshon ke anusaar vishv ek naitik vyavastha hai. is vyavastha ko swayam ko kaayam hi naheen rakhana hai, balki apna vikaas tatha sanvarddhan bhi karna hai. jarathosti dharm mein jadta ki anumati naheen hai.

vikaas ki prakriya mein buri taakatein baadha pahuainchaati hain, parantu manushya ko isse vichlit naheen hona hai. use sadaachaar ke path kar kaayam rahate hue sada vikaas ki disha mein badhte rahana hai.

jeevan ke pratyek kshan ka ek nishchit uddeshya hai. yeh koi anaayaas shuroo hokar anaayaas hi samaapt ho jaane waali cheej naheen hai. sab kuchh ishvar ki yojana ke anusaar hota hai.

sarvochch achhaai hi hamaare jeevan ka uddeshya hona chaahiye. manushya ko achhaai se, achhaai dvaara, achhaai ke liye jeena hai. 'humat' (sadvichaar), 'huukt' (sadvaani) tatha 'huvarshat' (sadkarm) jarathosti jeevan paddhati ke aadhaar stambh hain.

jarathosti dharm mein mathavaad, brahmacharya, vrat-upavaas, aatm daman aadi ki manaahi hai. aisa maana gaya hai ki inse manushya kamjor hota hai aur buraai se ladne ki usaki taakat kam ho jaati hai.

niraashaavaad va avasaad ko to paap ka darja diya gaya hai. jarathustr chaahate hain ki maanav is vishv ka poora aanand uthaae, khush rahe. vah jo bhi kare, bas ek baat ka khyaal avashya rakhe aur vah yeh ki sadaachaar ke maarg se kabhi vichlit na ho.

bhautik sukh-suvidhaaon se sampann jeevan ki manaahi naheen hai, lekin yeh bhi kaha gaya hai ki samaaj se tum jitna lete ho, usase adhik use do. kisi ka hak maarkar ya shoshan karke kuchh paana duraachaar hai. jo hamse kam sampann hain, unki sadaiv madad karna chaahiye.

jarathosti dharm mein daihik mrutyu ko buraai ki asthaayi jeet maana gaya hai. iske baad mrutak ki aatma ka insaaf hoga. yadi vah sadaachaari hui to aanand va prakaash mein vaas paaegi aur yadi duraachaari hui to andhakaar va nairaashya ki gaharaaiyon mein jaaegi, lekin duraachaari aatma ki yeh sthiti bhi asthaayi hai. aakhir jarathosti dharm vishv ka antim uddeshya achhaai ki jeet ko maanata hai, buraai ki saja ko naheen.

at: yeh maanyata hai ki antat: kai muktidaata aakar buraai par achhaai ki jeet poori kareinge. tab ahura majada aseem prakaash ke roop mein sarvasaamarthyavaan honge. fir aatmaaon ka antim faisala hoga.

iske baad bhautik shareer ka punarotthaan hoga tatha usaka apni aatma ke saath punarmiln hoga. samay ka astitv samaapt ho jaaega aur ahura majada ki saat krutiyaaain shaashvat dhanyata mein ek saath aa mileingi aur aanandamaya, anashvar astitv ko praapt kareingi.

sandarbh

  • subhaash kaak, "Vedic elements in the ancient Iranian religion of Zarathushtra." Adyar Library Bulletin, 2003, vil. 67, pp. 47–63. [1]
  • Kulke, Eckehard: The Parsees in India: a minority as agent of social change. Müanchen: Weltforum-Verlag (= Studien zur Entwicklung und Politik 3), ISBN 3-8039-00700-0
  • Ervad Sheriarji Dadabhai Bharucha: A Brief sketch of the Zoroastrian Religion and Customs
  • Dastur Khurshed S. Dabu: A Handbook on Information on Zoroastrianism
  • Dastur Khurshed S. Dabu: Zarathustra an his Teachings A Manual for Young Students
  • Jivanji Jamshedji Modi: The Religious System of the Parsis
  • R. P. Masani: The religion of the good life Zoroastrianism
  • P. P. Balsara: Highlights of Parsi History
  • Maneckji Nusservanji Dhalla: History of Zoroastrianism; dritte Auflage 1994, 525 p, K. R. Cama, Oriental Institute, Bombay
  • Dr. Ervad Dr. Ramiyar Parvez Karanjia: Zoroastrian Religion & Ancient Iranian Art
  • Adil F. Rangoonwalla: Five Niyaeshes, 2004, 341 p.
  • Aspandyar Sohrab Gotla: Guide to Zarthostrian Historical Places in Iran
  • J. C. Tavadia: The Zoroastrian Religion in the Avesta, 1999
  • S. J. Bulsara: The Laws of the Ancient Persians as found in the "Matikan E Hazar Datastan" or "The Digest of a Thousand Points of Law", 1999
  • M. N. Dhalla: Zoroastrian Civilization 2000
  • Marazban J. Giara: Global Directory of Zoroastrian Fire Temples, 2. Auflage, 2002, 240 p, 1
  • D. F. Karaka: History of The Parsis including their manners, customs, religion and present position, 350 p, illus.
  • Piloo Nanavatty: The Gathas of Zarathushtra, 1999, 73 p, (illus.)
  • Roshan Rivetna: The Legacy of Zarathushtra, 96 p, (illus.)
  • Dr. Sir Jivanji J. Modi: The Religious Ceremonies and Customs of The Parsees, 550 Seiten
  • Mani Kamerkar, Soonu Dhunjisha: From the Iranian Plateau to the Shores of Gujarat, 2002, 220 p
  • I.J.S. Taraporewala: The Religion of Zarathushtra, 357 p
  • Jivanji Jamshedji Modi: A Few Events in The Early History of the Parsis and Their Dates, 2004, 114 p
  • Dr. Irach J. S.Taraporewala: Zoroastrian Daily Prayers, 250 p
  • Adil F.Rangoonwalla: Zoroastrian Etiquette, 2003, 56 p
  • Rustom C Chothia: Zoroastrian Religion Most Frequently Asked Questions, 2002, 44 p
  • UNESCO Parsi Zoroastrian Project
  • Zoroastrian Influence Upon Jewish Conceptions Of Satan
  • http://parsiana.com/