paal vansh

paal raajya ka kshetr

paal raajya ke buddh aur bodhisttv

dharmapaal ka raajya

paal saamraajya madhyakaaleen Bhaarat ka ek mahatvapoorn shaasan tha jo ki 750 - 1174 isavi tak chala. paal raajavansh ne Bhaarat ke poorvi bhaag mein ek saamraajya banaaya. is raajya mein vaastu kala ko bahut badhaava mila. paal raaja bauddh the.

yeh poorv madhyakaaleen raajavansh tha. jab harshavardhan kaal ke baad samast uttari Bhaarat mein raajaneetik, saamaajik evam aarthik gahra sankat utpana6n ho gaya, tab Bihar, Bengal aur udeesa ke sampoorn kshetr mein poori tarah araajakat faili thi.

isi samay gopaal ne Bengal mein ek svatantr raajya ghoshit kiya. janta dvaara gopaal ko sinhaasan par aaseen kiya gaya tha. vah yogya aur kushal shaasak tha, jisne 750 E. se 770 E. tak shaasan kiya. is dauraan usane audantapuri (Bihar shareef) mein ek math tatha vish‍aavavidyaalaya ka nirmaan karavaaya. paal shaasak bauddh dharm ko maanate the. aathaveen sadi ke madhya mein poorvi Bhaarat mein paal vansh ka udaya hua. gopaal ko paal vansh ka sansthaapak maana jaata hai.

gopaal ke baad usaka putr dharmapaal 770 E. mein sinhaasan par baitha. dharmapaal ne 40 varshon tak shaasan kiya. dharmapaal ne kan‍aanauj ke liye tridleeya sangharsh mein ulajha raha. usane kan‍aanauj ki gaddi se indraayoodh ko haraakar chakraayudh ko aaseen kiya. chakraayudh ko gaddi par baithaane ke baad usane ek bhavya darbaar ka aayojan kiya tatha uttaraapath svaamin ki upaadhi dhaaran ki. dharmapaal bauddh dharmaavalambi tha. usane kaafi math va bauddh vihaar banavaaye.

usane Bhaagalpur jile mein sthit vikramashila vish‍aavavidyaalaya ka nirmaan karavaaya tha. uske dekhbhaal ke liye sau gaaainv daan mein diye the. ullekhaneeya hai ki pratihaar raaja naagabhatt dviteeya evam raashtrakoot raaja dhruv ne dharmapaal ko paraajit kiya tha.

dharmapaal ke baad usaka putr devapaal gaddi par baitha. isne apne pita ke anusaar vistaaravaadi neeti ka anusaran kiya. isi ke shaasanakaal mein arab yaatri sulemaan aaya tha. usane munger ko apni rajdhani banaai. usane poorvottar mein praajyotishpur, uttar mein Nepal, poorvi tat par udeesa tak vistaar kiya. kan‍aanauj ke sangharsh mein devapaal ne bhaag liya tha. uske shaasanakaal mein dakshin-poorv Asia ke saath bhi maitreepoorn sambandh rahe. usane jaava ke shaasak baalaputradev ke aagrah par naalanda mein ek vihaar ki dekharekh ke liye 5 gaaainv anudaan mein diye.

• devapaal ne 850 E. tak shaasan kiya tha. devapaal ke baad paal vansh ki avanati praarambh ho gayi. mihirbhoj aur mahendrapaal ke shaasanakaal mein pratihaaron ne poorvi uttar pradesh aur Bihar ke adhikaansh bhaagon par adhikaar kar liya.

• 11veen sadi mein maheepaal pratham ne 988 E.-1008 E. tak shaasan kiya. maheepaal ko paal vansh ka dviteeya sansthaapak kaha jaata hai. usane samast Bengal aur magadh par shaasan kiya.

• maheepaal ke baad paal vansheeya shaasak nirbal the jisse aantarik dvesh aur saamanton ne vidroh utpan‍aan kar diya tha. Bengal mein kevart, uttari Bihar mॆm sen aadi shak‍aatishaali ho gaye the.

• Rampal ke nidhan ke baad gahadvaalon ne Bihar mein shaahaabaad aur gaya tak vistaar kiya tha.

• sen shasakon vallaasen aur vijyasen ne bhi apni satta ka vistaar kiya.

• is araajakata ke parivesh mein turkon ka aakraman praarambh ho gaya.

• gopaal (paal) (750-770)
• dharmapaal (770-810)
• devapaal (810-850)
• shoor paal mahendrapaal (850 - 854)
• vigrah paal (854 - 855)
• Narayan paal (855 - 908)
• raajyo paal (908 - 940)
• gopaal 2 (940-960)
• vigrah paal 2 (960 - 988)
• mahipaal (988 - 1038)
• naya paal (1038 - 1055)
• vigrah paal 3 (1055 - 1070)
• mahipaal 2 (1070 - 1075)
• shoor paal 2 (1075 - 1077)
• Rampal (1077 - 1130)
• kumaarapaal (1130 - 1140)
• gopaal 3 (1140 - 1144)
• madanapaal (1144 - 1162)
• govind paal (1162 - 1174)

paal raajavansh ke pashchaat sen raajavansh ne Bengal par 160 varsh raaj kiya.