otaava

oopar se : Canada ki sansad, raashtreeya yuddh smaarak, Canada ki raashteeya gailari, rido nahar

otaava (Ottawa) Canada ki rajdhani hai. yeh nagar kainaada mein onteriyo praant ke kaarlatan pradesh mein otaava nadi ke daahine kinaare par shodayer jalaprapaat ke paas sthit hai. yeh nagar maaaintreel se 150 kimi pashchim aur toreinto se 325 kimi uttar-poorv ki or hai.

parichay

yeh chapati pahaadiyon par basa hai, jo nadi se 60 se lekar 155 foot tak ooainchi hain. yahaaain kai badi-badi sarkaari imaaratein, sansadbhavan, girje tatha vishvavidyaalaya hain. san 1858 mein yeh chhota nagar, jo pehle 'baaitaaun' kahalaata tha, kainaada ki rajdhani chuna gaya aur iska naam badalkar otaava pada. tab se yahaaain ki aabaadi badhti gayi. yeh kainaada ka paaainchavaaain bada nagar hai. yahaaain ke ek tihaai nivaasi freinchabhaashi, baaki angrejeebhaashi hain.

yeh nagar relon ka bada kendra hai. mukhya bade relamaarg, kainediyn paisifik railway, kainediyn naishanal railway tatha New York central railway, yaheen se hokar gujarte hain. vidyutachaalit relein is nagar ko, kvibek, mauntreel, tonreinto, vinipeg ityaadi nagaron se jodti hain. greeshm ritu mein yahaaain se steemar otaava nadi dvaara mauntreel ko jaate hain. is jalamaarg ko teen naharon dvaara nadi ke chhote jalaprapaaton ko door kar, 1834 E. mein poora kiya gaya. usi prakaar ise seint laareins nadi par sthit kingstan nagar se rido nahar tatha jheelon dvaara 1824 E. mein milaaya gaya.

otaava ke paas ke kshetron se kai jalaprapaaton dvaara adhik maatra mein jalavidyut paida ki jaati hai jo nagar mein prakaash tatha shakti dene aur relon tatha kaarkhaanon ke kaam aati hai. mukhya jalavidyut utpaadak kendra shodayer, rido tatha gaitano ke jalaprapaaton par avasthit hain.

yeh nagar lakdi ke latthon, lakdi cheerane, tatha lugadi aur kaagaj banaane ka bahut bada kendra hai. kainaada ki kai badi kaagaj ki milein yahaaain hain. lakdi se sambandhit aur bhi kaarkhaane hain, jaise diyaasalaai aadi ke. shahar ka audyogik jeevan lakdi se sambandhit kaarkhaanon par nirbhar hai. aata peesane, loha galaane, raasaayanik dravya taiyaar karne tatha anya utpaadanon ke kaarkhaane bhi yahaaain hain.

otaava aur gaatino (Gatineau) ka drushya