oscar wild

oscar wild

oscar wild us shakhs ka naam hai, jisne saari duniya mein apne lekhan se halachal macha di thi. sheksapeeyar ke uparaant sarvaadhik charchit oscar wild sirf upanyaasakaar, kavi aur naatakakaar hi naheen the, apitu ve ek samvedansheel maanav the. unke lekhan mein jeevan ki gahari anubhootiyaaain hain, rishton ke rahasya hain, pavitra saundarya ki vyaakhya hai, maanaveeya dhadkanon ki kahaani hai.

unke jeevan ka moolyaankan ek vyaapak failaav se gujarakar hi kiya ja sakta hai. apne dhoopachhaaainhi jeevan mein uthal-puthal aur sangharsh ko samete 'oscar fingaal on flaaharti vils wild' maatr 46 varsh poore kar anant aakaash mein vileen ho gaye.

oscar wild 'keero' ke samakaaleen the. ek baar bhavishyavakta keero kisi sanbhraant mahila ke yahaann bhoj par aamantrit the. kaafi sankhya mein yahaaain pratishthit log maujood the. keero upasthit hon aur bhavishya na poochha jaae, bhala yeh kaise sambhav hota. ek dilchasp andaaj mein bhavishya darshan ka kaaryakram aarambh hua. ek laal makhamali parda lagaaya gaya. uske peechhe se kai haath pesh kiye gaye. yeh sab isliye taaki keero ko pata na chal sake ki kaun sa haath kiska hai? do suspasht, sundar haath unke saamane aae. un haathon ko keero dekhkar hairaan rah gaye. donon mein bada antar tha. jahaaain baaeain haath ki rekhaaeain kah rahi theen ki vyakti asaadhaaran buddhi aur apaar khyaati ka maalik hai. vaheen daayaaain haath..? keero ne kaha 'daayaaain haath aise shakhs ka hai jo apne ko swayam desh nikaala dega aur kisi anajaan jagah ekaaki aur mitraviheen marega. keero ne yeh bhi kaha ki 41 se 42vein varsh ke beech yeh nishkaasan hoga aur uske kuchh varshon baad mrutyu ho jaaegi. yeh donon haath London ke sarvaadhik charchit vyakti oscar wild ke the. sanyog ki baat ki usi raat ek mahaan naatak 'A vuman of no importeins' manchit kiya gaya. uske rachayita bhi aur koi naheen oscar wild hi the.

baharahaal, 15 October 1854 ko oscar wild janme the. keero ki bhavishyavaani par drushtipaat karein to 1895 mein oscar wild ne samaaj ke naitik niyamon ka ullanghan kar diya. falasvaroop samaaj mein unki ab tak arjit pratishtha, maan-sammaan aur saari upalabdhiyaaain dhvast ho gain. yahaaain tak ki unhein do varsh ka kathor kaaraavaas bhi bhugatna pada. jab oscar wild ne apne saubhaagya ke chamakate sitaare ko doobate hue aur apni keerti pataaka ko jhukate hue dekha to unke dhairya ne javaab de diya.

ab ve apne usi gaurav aur prabhuta ke saath samaaj ke beech khade naheen ho sakte the. hataasha ki haalat mein unhonne swayam ko desh nikaala de diya. ve peris chale gaye aur akele gumanaami ki jindagi gujaarne lage. kuchh varshon baad 30 November 1900 ko peris mein hi unki mrutyu ho gayi. us samay unke paas koi mitr naheen tha. yadi kuchh tha to sirf saghan akelaapan aur pichhle sammaanit jeevan ki smrutiyon ke bache tukade.

oscar wild ka poora naam bahut lamba tha, lekin ve saari duniya mein keval oscar wild ke naam se hi jaane gaye. unke pita surgeon the aur maaain kavayitri. kavita ke sanskaar unhein apni maaain se hi mile. klaasiks aur kavita mein unki vishesh gati thi.

19veen shataabdi ke antim dashak mein unhonne saundaryavaadi aandolan ka netrutv kiya. isse unki keerti chaaron or faili. oscar wild vilkshan buddhi, viraat kalpanaasheelata aur prakhar vichaaron ke svaami the. paraspar baatcheet se lekar udbhat vakta ke roop mein bhi unka koi javaab naheen tha. unhonne kavita, upanyaas aur naatak likhe. aaingreji saahitya mein sheksapeeyar ke baad unheen ka naam praathamikta se liya jaata hai. 'the pikchar of doriyn gre' unka pratham aur antim upanyaas tha, jo 1890 mein pehli baar prakaashit hua.

vishv ki kai bhaashaaon mein unki krutiyaaain anuvaadit ho chuki hain. 'the bailed of reeding gol' aur 'di profanadis', unki suprasiddh krutiyaaain hain. ledi vindaram'rs fen aur the importeins of beeing arnest jaise naatakon ne bhi khaasi lokapriyta arjit ki. unki likhi parikthaaeain bhi vishesh roop se pasand ki gain. unke ek naatak 'salomi' ko pradarshan ke liye England mein license naheen mila. baad mein use saara baranaard ne peris mein pradarshit kiya.

oscar wild ne jeevan moolyon, pustakon, kala ityaadi ke vishay mein anek saaragarbhit rochak tippaniyaaain ki hain. unhonne kaha- 'pustakein naitik ya anaitik naheen hoteen. ve ya to achhi likhi gayi hoti hain ya buri.' apne anant anubhavon ke aadhaar par ek jagah unhonne likha- 'vipdaaeain jheli ja sakti hain, kyonki ve baahar se aati hain, kintu apni galatiyon ka dand bhogana haaya, vahi to hai jeevan ka dansh. kala ke vishay mein unke vichaar the- 'kala, jeevan ko naheen, balki dekhne vaale ko vyakt karti hai arthaat tab kisi kalaatmak kruti par log vibhinna mat prakat karte hain tab hi kruti ki pehchaan nirdhaarit hoti hai ki vaastav mein vah kaisi hai, aakarshak ya ulajhi hui.'

oscar wild ne apne saahitya mein kaheen na kaheen apni peeda, avasaad aur apamaan ko hi abhivyakt kiya hai. baavajood iske unki rachanaaeain ek vishesh prakaar ka komalapan liye ek vishesh disha mein chalti hain. kai bade saahityakaaron ki tarah unhonne bhi vishpaan kiya, neelakanth bane aur khaamosh rahe. vishv saahitya ka yeh tejasvi hastaakshar aaj bhi poori duniya mein sneh ke saath padha aur saraaha jaata hai.


baahari kadiyaaain