orachha

orachha
shahar
samay mandal: IST (UTC+5:30)
desh Flag of India.svg Bhaarat
raajya madhya pradesh
jila teekamagadh
janasankhya 8,499 (2001 tak )

Erioll world.svgnirdeshaank: 25°a21′aN 78°a38′aE / 25.35°aN 78.64°aE / 25.35; 78.64 Bhaarat ke itihaas mein Jhansi ke paas sthit orachha ka ek apna mahatva hai. isse judi tamaam kahaaniyaan aur kisse pichhli kai dashakon se logon ki jubaan par hain.

anukram

maanyataaen

kuchh log kehte hain ki sabse pehle logon ne bundelakhand mein rahana shuroo kiya tha. yahi vajah hai ki is ilaake ke har gaanv aur shahar ke paas sunaane ko kai kahaaniyaan hain. bundelakhand ki do khoobsoorat aur dilchasp jagahein hain orachha aur kundhaar. bhale hi donon jagahon mein kuchh kilometer ka faasala ho, lekin itihaas ke dhaagon se ye donon jagahein behad majabooti se judi hui hain. orachha Jhansi se lagbhag aadhe ghante ki doori par sthit hai.

itihaas

iska itihaas 16veen shataabdi se shuroo hota hai, jab bundela raajaaon ne iski sthaapana ki thi. is jagah ki pehli aur sabse rochak kahaani ek mandir ki hai. daraasal, yeh mandir Bhagwan Ram ki moorti ke liye banavaaya gaya tha, lekin moorti sthaapana ke vakt yeh apne sthaan se hili naheen. is moorti ko madhukar shaah ke raajyakaal (1554-92) ke dauraan unki raani ayodhya se laai theen. chaturbhuj mandir banane se pehle ise kuchh samay ke liye mahal mein sthaapit kiya gaya. lekin mandir banane ke baad koi bhi moorti ko uske sthaan se hila naheen paaya. ise ishvar ka chamatkaar maanate hue mahal ko hi mandir ka roop de diya gaya aur iska naam rakha gaya Ram raaja mandir. aaj is mahal ke chaaron or shahar basa hai aur Ram navami par yahaan hajaaron shraddhaalu ikattha hote hain. vaise, Bhagwan Ram ko yahaan Bhagwan maanane ke saath yahaan ka raaja bhi maana jaata hai, kyonki us moorti ka chehara mandir ki or na hokar mahal ki or hai.

mandir va aas paas

mandir ke paas ek bagaan hai jismein sthit kaafi oonche do meenaar (vaayoo yantr) logon ke aakarshan ka kendra hain. jinhein saavan bhaadon kaha jaata hai ki inke neeche bani surangon ko shaahi parivaar apne aane-jaane ke raaste ke taur par istemaal karta tha. in stambhon ke baare mein ek kinvadanti prachalit hai ki varsha ritu mein hindu kaleindar ke anusaar saavan ke maheene ke khatm hone aur bhaadon maas ke shubhaaranbh ke samay ye donon stambh aapas mein jud jaate the. haalaanki iske baare mein pukhta saboot naheen hain. in meenaaron ke neeche jaane ke raaste band kar diye gaye hain evam anusandhaan ka koi raasta naheen hai.

in mandiron ko dashakon puraane pul se paar kar shahar ke baahari ilaake mein 'royal enklev' (raajanivaas) hai. yahaan chaar mahal, jahaangeer mahal, raaj mahal, sheesh mahal aur inse kuchh doori par bana rai paraveen mahal hain. inmein se jahaangeer mahal ke kisse sabse jyaada mashahoor hain, jo mugal bundela dosti ka prateek hai. kaha jaata hai ki baadshah Akbar ne abul fajl ko shahajaade saleem (jahaangeer) ko kaaboo karne ke liye bheja tha, lekin saleem ne beer Singh ki madad se usaka katl karva diya. isse khush hokar saleem ne orachha ki kamaan beer Singh ko saunp di thi. vaise, ye mahal bundelaaon ki vaastushilp ke pramaan hain. khule galiyaare, pattharon waali jaali ka kaam, jaanvaron ki moortiyaan, belaboote jaisi tamaam bundela vaastushilp ki visheshataaen yahaan saaf dekhi ja sakti hain.

ab behad shaant dikhne vaale ye mahal apne jamaane mein aise naheen the. yahaan rojaana hone waali nai halachal se upaji kahaaniyaan aaj bhi logon ki jubaan par hain. inheen mein se ek hai haradaul ki kahaani, jo jujhaar Singh (1627-34) ke raajya kaal ki hai. daraasal, mugal jaasooson ki saajishbhari kathaaon ke kaaran is raaja ka shak ho gaya tha ki usaki raani se uske bhaai haradaul ke saath sambandh hain. lihaaja usane raani se haradaul ko jhar dene ko kaha. raani ke aisa na kar paane par khud ko nirdosh saabit karne ke liye haradaul ne khud hi jahar pi liya aur tyaag ki nai misaal kaayam ki.

bundelaaon ka raajakaal 1783 mein khatm hone ke saath hi orachha bhi gumanaami ke ghane jangalon mein kho gaya aur fir yeh svatantrata sangraam ke samay surkhiyon mein aaya. daraasal, svatantrata senaani chandrashekhar aajaad yahaan ke ek gaanv mein aakar chhipe the. aaj unke thaharane ki jagah par ek smruti chinh bhi bana hai.

betava nadi ke kinaare bana mahal

aakarshan

jahaangeer mahal-

bundelon aur mugal shaasak jahaangeer ki dosti ki yeh nishaani orachha ka mukhya aakarshan hai. mahal ke pravesh dwaar par do jhuke hue haathi bane hue hain. teen manjila yeh mahal jahaangeer ke svaagat mein raaja beerasinh Dave ne banavaaya tha. vaastukaari se drushti se yeh apne jamaane ka utkrusht udaaharan hai.

raaj mahal-

yeh mahal orachha ke sabse praacheen smaarakon mein ek hai. iska nirmaan madhukar shaah ne 17 veen shataabdi mein karavaaya tha. raaja beerasinh Dave unheen ke uttaraadhikaari the. yeh mahal chhatariyon aur behatareen aantarik bhittichitron ke liye prasiddh hai. mahal mein dharm granthon se judi tasveerein bhi dekhi ja sakti hain.

raamaraaja mandir-

yeh mandir orachha ka sabse lokapriya aur mahatvapoorn mandir hai. yeh Bhaarat ka ekamaatr mandir hai jahaan Bhagwan Ram ko raaja ke roop mein pooja jaata hai. maana jaata hai ki raaja madhukar ko Bhagwan Ram ne svapn mein darshan diye aur apna ek mandir banavaane ko kaha.

rai praveen mahal-

rai praveen mahal

yeh mahal raaja indramani ki khoobsoorat ganika praveenaraaya ki yaad mein banavaaya gaya tha. vah ek kavayitri aur sangeetakaara theen. mugal samraat Akbar ko jab unki sundarata ke baar pata chala to unhein Delhi laane ka aadesh diya gaya. indramani ke prati praveen ke sachche prem ko dekhkar Akbar ne unhein vaapas orachha bhej diya. yeh do manjila mahal praakrutik bageechon aur ped-paudhon se ghira hai. rai praveen mahal mein ek laghu haal aur chembar hai.

lakshmeenaaraayan mandir-

yeh mandir 1622 E. mein beerasinh Dave dvaara banavaaya gaya tha. mandir orachha gaanv ke pashchim mein ek pahaadi par bana hai. mandir mein satrahaveen aur unneesaveen shataabdi ke chitr bane hue hain. chitron ke chatakeele rang itne jeevant lagte hain jase vah haal hi mein bane hon. mandir mein Jhansi ki ladaai ke drushya aur Bhagwan Krishna ki aakrutiyaan bani hui hain.

chaturbhuj mandir-

chitr:Chaturbhuj mandir orchha2.jpg
chaturbhuj mandir, orachha

raaj mahal ke sameep sthit chatubharuj mandir orachha ka mukhya aakarshan hai. yeh mandir chaar bhujaadhaari Bhagwan vishnu ko samarpit hai. is mandir ka nirmaan 1558 se 1573 ke beech raaja madhukar ne karavaaya tha. apne samay ki yeh utkrushth rachana Europeeya kaithodral se samaan hai. mandir mein praarthana ke liye vistrut hall hai jahaan Krishna bhakt ekatrit hote hain.

foolabaag-

bundel raajaaon dvaara banavaaya gaya yeh foolon ka bageecha chaaron or se deevaaron se ghira hai. paalaki mahal ke nikat sthit yeh baag bundel raajaaon ka aaraamagaah tha. vartamaan mein yeh piknik sthal ke roop mein jaana jaata hai. foolabaag mein ek bhoomigat mahal aur aath stambhon wala mandap hai. yahaan ke chandan kator se girta paani jharane ke samaan prateet hota hai.

sundar mahal-

is mahal ko raaja jujhaar Singh ke putr dhurabhajan ke banavaaya tha. Rajkumar dhurabhajan ko ek muslim ladki se prem tha. unhonne usase vivaah kar islaam dharm angeekaar kar liya. dheer-dheer unhonne shaahi jeevan tyaag diya aur swayam ko dhyaan aur bhakti mein leen kar liya. vivaah ke baad unhonne sundar mahal tyaag diya. dhurabhajan ki mrutyu ke baad unhein sant se roop mein jaana gaya. vartamaan mein yeh mahal kaafi kshatigrast ho chuka hai.

aavaagaman

orachha Jhansi se takareeban 18 kilometer door hai aur Delhi se yahaan Bhopal shataabdi-express ke jariye aasaani se pahuncha ja sakta hai.

vaayu maarg

orachha ka najadeeki havaai adda khajuraaho hai jo 163 kimi. ki doori par hai. yeh airport Delhi, Varanasi aur Agra se niyamit flaaiton se juda hai.

rel maarg

Jhansi orachha ka najadeeki rel mukhyaalaya hai. Delhi, Agra, Bhopal, mumbai, gvaaliyr aadi pramukh shaharon se Jhansi ke liye anek railgaadiyaan hain. vaise orachha tak bhi railway line hai jahaan paisenjar train se pahuncha ja sakta hai.

sadak maarg

orachha Jhansi-khajuraaho maarg par sthit hai. niyamit bas sevaaen orachha aur Jhansi ko jodti hain. Delhi, Agra, Bhopal, gvaaliyr aur Varanasi se yahaan se liye niyamit basein chalti hain.

chitr deergha

inhein bhi dekhein

sandarbh

baahari kadiyaaain