oorja sanrakshan ka niyam

urja bachaane ya urja sanrakshan (Energy conservation) ke upaayon aadi ke liye dekhein - urja sanrakshan


urja sanrakshan ka niyam (law of conservation of energy) bhautiki ka ek prayogaadhaarit niyam (empirical law) hai.

iske anusaar

kisi ayukt nikaaya (isolated system) ki kul urja samay ke saath niyat rahati hai. arthaat urja ka na to nirmaan sambhav hai na hi vinaash; keval iska roop badla ja sakta hai. udaaharan ke liye gatij urja, sthitij urja mein badal sakti hai; vidyut urja, ushma mein badal sakti hai; yaantrik kaarya se ushma utpann ho sakti hai.

ushmaagatiki ka pratham niyam bhi vaastav mein urja sanrakshan ke niyam ka ek parivrtit roop hai.

parichay

vaidyut ghaton (selon) dvaara raasaayanik oorja vaidyut oorja mein parint hoti hai. is bijli se ham prakaash paida kar sakte hain. soorya ke prakaash se prakaash-sanshleshan kriya dvaara prakaash-oorja pedon ki raasaayanik oorja mein parint hoti hai. aisi kriyaaon dvaara yeh spasht hai ki vibhinn parivrtanon mein oorja ka keval roop badalta hai. oorja ke maan mein koi antar naheen aata.

oorja-avinaashita-siddhaant ki or pehla pad prasiddh dach vaigyaanik krishchiyn haaigeinj ne uthaaya jo nyootan ka samakaaleen tha. apni ek pustak mein, jo haaigeinj ne kaha ki jab do poornat: pratyaasth (ilaistik) pindon mein sanghaat (takkar) hota hai to unke dravyamaanon aur unke vegon ke gunanafalon ka yog sanghaat ke baad bhi utana hi rahata hai jitna takkar ke pehle.

kuchh logon ka anumaan hai ki yaantrik oorja ki avinaashita ke siddhaant ka pata nyootan ko tha. parantu spasht shabdon se sabse pehle laagraaainj ne ise san 1788 E. mein vyakt kiya. laagraaainj ke anusaar aise pindasamudaaya mein jispar kisi baahari bal ka prabhaav na pad raha ho, yaantrik oorja, arthaat sthitij oorja evam gatij oorja ka yog, sarvada ek hi rahata hai.

inhein bhi dekhein

  • sanrakshan ke niyam
  • drabya ki avinaashita ka niyam