ojon parat

ojon parat pruthvi ke vaayumandal ki ek parat hai jisme ojon gas ki saghanata apekshaakrut adhik hoti hai. ise O3 ke sanket se pradarshit karte hain. yeh parat soorya ke uchch aavrutti ke paraabaingani prakaash ki 93-99 % maatra avashoshit kar leti hai, jo pruthvi par jeevan ke liye haanikaarak hai. pruthvi ke vaayumandal ka 91 % se adhik ojon yahaan maujood hai.

yeh mukhyat: straitosfiyr ke nichle bhaag mein pruthvi ki satah ke upar lagbhag 10 kimi se 50 kimi ki doori tak sthit hai, yadyapi iski motaai mausam aur bhaugolik drushti se badalti rahati hai.

ojon ki parat ki khoj 1913 mein France ke bhautikvidon faibari Charles aur henari buson ne ki thi. iske gunon ka vistaar se adhyayan Britain ke mausam vigyaani ji M bi dobasan ne kiya tha. unhone ek saral spektrofotomeetar viksit kiya tha jo stretosferik ojon ko bhootal se maap sakta tha.

san 1928 se 1958 ke beech dobasan ne duniya bhar mein ojon ke nigraani kendron ka ek network sthaapit kiya tha, jo aaj tak kaam karta hai (2008). ojon ki maatra maapane ki suvidhaajanak ikaai ka naam dobasan ke sammaan me dobasan ikaai rakha gaya hai.