oberaun (upagrah)

vauyejar dviteeya yaan dvaara 24 January 1986 ko li gayi ek oberaun ki tasveer

oberaun Arun (yurenas) grah ka ek upagrah hai. akaar mein yeh Arun ka doosra sab se bada upagrah hai (pehla sthaan taaiteniaa ko jaata hai). taaiteniaa ki tarah, oberaun bhi barf aur patthar ki lagbhag baraabar maatraaon se bana hua hai. iski satah barfeeli aur andar ka keindreeya bhaag patthareela hai. sambhav hai ke baahari barf aur androoni patthar ke beech mein ek paani ki moti parat ho, lekin iska poora pramaan abhi naheen mil paaya hai. satahi barf mein anya padaarthon ke mile hone ke kaaran is upagrah ka rang thoda laal hai. iski satah par antariksh se gire hue ulkaapindon ki vajah se bahut se bade gadhdhe bhi hain, jinmein se sab se bade gadhdhe ka vyaas 210 kimi hai. vauyejar dviteeya yaan ke January 1986 mein Arun ke paas se gujrane par oberaun ki satah ke lagbhag 40% hisse ke nakshe banaae ja chuke hain. Arun ke paanch bade chandramaaon mein se oberaun sab se adhik doori par Arun ki parikrama karta hai.

akaar

oberaun ka akaar gol hai. iska ausat vyaas lagbhag 1523 kimi hai. iske mukaabale mein pruthvi ke chandrama ka vyaas lagbhag 3,474 kimi hai, yaani ki oberaun ka akaar hamaare chandrama ke aadhe se jra chhota hai. oberaun ke patthareele kendra ka vyaas 960 kimi hai jiske oopar barf aur sanbhavat: ek paani ki parat hai.

inhein bhi dekhein