nirmal varma

nirmal varma

nirmal varma (3 April 1929- 25 October 2005) hindi ke aadhunik kathaakaaron mein ek moordhanya kathaakaar aur patrakaar the. Shimla mein janme nirmal varma ko moortidevi puraskaar (1995), saahitya academy puraskaar (1985) uttar pradesh hindi sansthaan puraskaar aur jnyaaanapeeth puraskaar se sammaanit kiya ja chuka hai. parinde (1958) se prasiddhi paane vaale nirmal varma ki kahaaniyaan abhivyakti aur shilp ki drushti se bejod samajhi jaati hain. british Bhaarat sarkaar ke raksha vibhaag mein ek uchch padaadhikaari shri nand Kumar varma ke ghar janm lene vaale aath bhaai bahanon mein se paanchavein nirmal varma ki sanvedanaatmak bunaavat par himaanchal ki pahaadi chhaayaaen door tak pahachaani ja sakti hain. hindi kahaani mein aadhunik-bodh laane vaale kahaaneekaaron mein nirmal varma ka agrani sthaan hai. unhonne kam likha hai parantu jitna likha hai utane se hi ve bahut khyaati paane mein safal hue hain. unhonne kahaani ki prachalit kala mein to sanshodhan kiya hi, pratyaksh yathaarth ko bhedakar uske bheetar pahunchane ka bhi prayatn kiya hai.[1] hindi ke mahaan saahityakaaron mein se ajnyaeya aur nirmal varma jaise kuchh hi saahityakaar aise rahe hain jinhonne apne pratyaksh anubhavon ke aadhaar par bhaarateeya aur pashchim ki sanskrutiyon ke antardvandv par gahanata evam vyaapakata se vichaar kiya hai.[2]

inka janm 3 April 1929 ko Shimla mein hua tha.[3] Delhi ke seint steefeins kaalej se itihaas mein M A karne ke baad kuchh dinon tak unhonne adhyaapan kiya. inhein varsh 1959 se 1972 tak Europe mein pravaas karne ka avsar mila tha aur is dauraan unhonne lagbhag samooche Europe ki yaatra karke vahaaain ki bhinn-bhinn sanskrutiyon ka najadeek se parichay praapt kiya tha.[2] 1959 se praag (chekoslovaakiya) ke praachya vidya sansthaan mein saat varsh tak rahe. uske baad London mein rahate hue times of India ke liye saanskrutik reporting ki. 1972 mein svadesh laute. 1977 mein aayova vishv vidyaalaya (amareeka) ke international raaitars program mein hissedaari ki. unki kahaani maaya darpan par film bani jise 1973 ka sarvashreshth hindi film ka puraskaar praapt hua. ve Indian insteetayoot of advance stadeej (Shimla) ke felo (1973), niraala srujanapeeth Bhopal (1981-83) aur yashapaal srujanapeeth (Shimla) ke adhyaksh rahe (1989). 1988 mein ingalaind ke prakaashak reedars international dvaara unki kahaaniyon ka sangrah the world elsavheyar prakaashit. isi samay BBC dwaar unapar daakyoomeintri film prasaarit hui thi. fefade ki beemaari se joojhane ke baad 76 varsh ki avastha mein 26 October, 2005 ko Delhi mein unka nidhan ho gaya.[3]

apni gambhir, bhaavapoorn aur avasaad se bhari kahaaniyon ke liye jaane-jaane vaale nirmal varma ko aadhunik hindi kahaani ke sabse pratishthit naamon mein gina jaata raha hai, unke lekhan ki shaili sabse alag aur poori tarah niji thi. nirmal varma ko Bhaarat mein saahitya ka sheersh sammaan jnyaaanapeeth 1999 mein diya gaya. 'raat ka reporter', 'ek chithda sukh', 'laal teen ki chhat' aur 've din' unke bahucharchit upanyaas hain. unka antim upanyaas 1990 mein prakaashit hua tha--antim aranya. unki ek sau se adhik kahaaniyaaain kai sangrahon mein prakaashit hui hain jinmein 'parinde', 'kauve aur kaala paani', 'beech bahas mein', 'jalati jhaadi' aadi pramukh hain. 'dhundh se uthati dhun' aur 'cheedon par chaaaindani' unke yaatra vrutaant hain jinhonne lekhan ki is vidha ko nae maayane diye hain. nirmal varma ko san 2002 mein Bhaarat sarkaar dvaara saahitya evam shiksha ke kshetr mein padm bhooshan se sammaanit kiya gaya tha.

apne nidhan ke samay nirmal varma Bhaarat sarkaar dvaara aupachaarik roop se Nobel puraskaar ke liye naamit the !== sandarbh ==

  1. varma, nirmal (2010). meri priya kahaaniyaaain. Delhi: raajapaal end sanj. pa॰ prastaavana.
  2. a aa nirmal varma ke chintan mein Bhaarat aur Europe ka dvand. srujan shilpi. 7 October 2006
  3. a aa saahityakaar nirmal varma ka nidhan. BBC-hindi. 26 October 2005

upanyaas

ve din ek chithda sukh laal teen ki chhat raat ka reporter antim aranya

kahaani sangrah

parinde jalati jhadi pichhli garmiyon mein kavve aur kaala paani sookha aur anya kahaaniyaan


baahari kadiyaaain

yeh bhi dekhein