nimbaarkaachaarya

nimbaarkaachaarya Bhaarat ke prasiddh daarshanik the jinhone dvaitaadvait ka darshan pratipaadit kiya. unka samay 13veen shataabdi maana jaata hai. kintu nimbaark sampradaaya ka maanana hai ki nimbaark ka praadurbhaav 3096 isaapoorv (aaj se lagbhag paaainch hajaar varsh poorv) hua tha. nimbaark ka janmasathaan vartamaan Andhra pradesh mein hai.

parichay

sanaatan sanskruti ki aatma shreekrushn ko upaasya ke roop mein sthaapit karne vaale ninbaarkaachaarya vaishnavaachaaryon mein praacheenatam maane jaate hain. raadha-Krishna ki yugalopaasana ko pratishthaapit karne vaale ninbaarkaachaarya ka praadurbhaav kaartik poornima ko hua tha. bhakton ki maanyataanusaar aachaarya ninbaark ka aavirbhaav-kaal dvaaparaant mein Krishna ke prapautr bajranaabh aur pareekshit putr janamejaya ke samakaaleen bataaya jaata hai.

inke pita Arun rishi ki, shreemad‌aabhaagavat mein pareekshit ki bhaagavatakatha shravan ke prasang sahit anek sthaanon par upasthiti ko vishesh roop se batalaaya gaya hai. haalaanki aadhunik shodhakarta ninbaark ke kaal ko vikram ki 5veen sadi se 12veen sadi ke beech siddh karte hain. sanpradaaya ki maanyataanusaar inhein Bhagwan ke pramukh aayudh 'sudarshan' ka avataar maana jaata hai.

inka janm vaiduryapattan (dakshin kaashi) ke arunaashran mein hua tha. inke pita Arun muni aur inki maata ka naam jayanti tha. janm ke samay inka naam niymaanand rakha gaya aur baalyakaal mein hi ye braj mein aakar bas gaye. maanyataanusaar apne guru naarad ki aajnyaa se niymaanand ne govardhan ki talahati ko apni saadhana-sthali banaaya.

bachapan se hi yeh baalak bada chamatkaari tha. ek baar govardhan sthit inke aashram mein ek divaabhoji yati (keval din mein bhojan karne wala sannyaasi) aaya. svaabhaavik roop se shaastr-charcha hui par ismein kaafi samay vyateet ho gaya aur sooryaast ho gaya. yati bina bhojan kiye jaane laga. tab baalak niymaanand ne neem ke vruksh ki or sanket karte hue kaha ki abhi sooryaast naheen hua hai, aap bhojan karke hi jaaen. lekin yati jaise hi bhojan karke utha to dekha ki raatri ke do pahar beet chuke the. tabhi se is baalak ka naam 'ninbaark', yaani ninb (neem ka ped) par ark (soorya) ke darshan karaane wala, ho gaya.

ninbaarkaachaarya ne brahmasootr, upanishd aur geeta par apni teeka likhkar apna samagr darshan prastut kiya. inki yeh teeka 'vedaant paarijaat saurabh' (dasashloki) ke naam se prasiddh hai. inka mat 'dvaitaadvait' ya 'bhedaabhed' ke naam se jaana jaata hai. aachaarya ninbaark ke anusaar jeev, jagat aur brahm mein vaastavik roop se bhedaabhed sambandh hai. ninbaark in teenon ke astitv ko unke svabhaav, gun aur abhivyakti ke kaaran bhinn (prathak) maanate hain to taatvik roop se ek hone ke kaaran teenon ko abhinn maanate hain. ninbaark ke anusaar upaasya raadhaakrushn hi poorn brah‌aam hain.

dau॰sarvapalli Radhakrishnan ne apni suvikhyaat pustak 'bhaarateeya darshan' mein ninbaark aur unke vedaant darshan ki charcha karte hue likha hai ki ninbaark ki drushti mein bhakti ka taatparya upaasana na hokar prem anuraag hai. prabhu sada apne anurakt bhakt ke hit saadhan ke liye prastut rahate hain. bhaktiyukt karm hi brahmajnyaaan praapti ka saadhan hai.

salemaabaad (jila Ajmer) ke raadhaamaadhav mandir, vrundaavan ke ninbaark-kot, neemagaanv (govardhan) sahit Bhaarat ke vibhinn hisson mein ninbaark jayanti vishesh samaaroh poorvak manaai jaati hai.

inhein bhi dekhein

baahari kadiyaaain