nikolas koparaniks

nikolas koparaniks

Poland mein janmein nikolas koparaniks (19 fravari 1473 – 24 May 1543) yuropiya khagolashaastri va ganitjnya the. unhonne yeh kraantikaari sootr diya tha ki pruthvi antariksh ke kendra mein naheen hai.

nikolas pehle yuropiya khagolashaastri the jinhonne pruthvi ko brahmaand ke kendra se baahar maana, yaani heeliyoseintrijm model ko laagoo kiya. iske pehle poora yurop arastoo ki avadhaarana par vishvaas karta tha, jismein pruthvi brahmaand ka kendra thi aur soorye, taare tatha doosare pind uske gird chakkar lagaate the.

1530 mein koparaniks ki kitaab di rivolooshans (De Revolutionibus) prakaashit hui jismein usane bataaya ki pruthvi apne aksh par ghoomti hui ek din mein chakkar poora karti hai aur ek saal mein soorya ka chakkar poora karti hai. koparaniks ne taaron ki sthiti gyaat karne ke liye prootenik tebils ki rachana ki jo anya khagolavidon ke beech kaafi lokapriya hui.

khagolashaastri hone ke saath saath koparaniks ganitjnya, chikitsak, anuvaadak, kalaakaar, nyaayaadheesh, Governor, sainya neta aur arthashaastri bhi thai. unhonne mudra par shodh kar gresham ke prasiddh niyam ko sthaapit kiya, jiske anusaar kharaab mudra achhi mudra ko chalan se baahar kar deti hai. unhonne mudra ke sankhyaatmak siddhaant ka formula diya. koparaniks ke sujhaavon ne Poland ki sarkaar ko mudra ke sthaayitv mein sahaayata pradaan ki.

anukram

yogadaan

koparaniks ke antariksh ke baare mein saat niyam, jo unki kitaab mein darj hain, is prakaar hain :

  • sabhi khagoleeya pind kisi ek nishchit kendra ke parit: naheen hain
  • pruthvi ka kendra brahmaand ka kendra naheen hai; vah keval gurutv va chandrama ka kendra hai
  • sabhi gole (aakaasheeya pind) soorya ke parit: chakkar lagaate hain. is prakaar soorya hi brahmaand ka kendra hai
  • pruthvi ki soorya se doori, pruthvi ki aakaash ki seema se doori ki tulana mein bahut kam hai
  • aakaash mein ham jo bhi gatiyaan dekhte hain vah daraasal pruthvi ki gati ke kaaran hota hai. (aanshik roop se satya)
  • jo bhi ham soorya ki gati dekhte hain, vah daraasal pruthvi ki gati hoti hai
  • jo bhi grahon ki gati hamein dikhaai deti hai, uske peechhe bhi pruthvi ki gati hi jimmedaar hoti hai

vishesh baat yeh hai ki koparaniks ne ye nishkarsh bina kisi prakaashik yantr ke upayog ke praapt kiye. vah ghanton nangi aaainkhon se antariksh ko nihaarata rahata tha aur ganiteeya gananaaon dvaara sahi nishkarsh praapt karne ki koshish karta rahata tha. baad mein gaililiyo ne jab dooradarshi ka aavishkaar kiya to uske nishkarshon ki pushti hui.

baahari kadiyaaain

praathamik srot

saamaanya

di rivolooshans ke baare mein

anya