nijaamuddeen auliya

hajrat nijaamuddeen auliya (1236-1325) chishti gharaane ke chauthe sant the. is soofi sant ne vairaagya aur sahanasheelata ki misaal pesh ki, kaha jaata hai ki 1303 mein inke kehne par mugal sena ne hamla rok diya tha, is prakaar ye sabhi dharmon ke logon mein lokapriya ban gaye. hajarat saahab ne 92 varsh ki aayu mein praan tyaage aur usi varsh unke makabare ka nirmaan aarambh ho gaya, kintu iska naveeneekaran 1562 tak hota raha. dargaah mein sangamaramar patthar se bana ek chhota vargaakaar kaksh hai, iske sangamaramari gunbad par kaale rang ki lakeerein hain. makabara chaaron or se madar of parl kenaupi aur meharaabon se ghira hai, jo jhilmilaati chaadaron se dhaki rahati hain. yeh islaamik vaastukala ka ek vishuddh udaaharan hai. dargaah mein pravesh karte samay sir aur kandhe dhake rakhana anivaarya hai. dhaarmik geet aur sangeet ibaadat ki soofi parampara ka atoot hissa hain. dargaah mein jaane ke liye saayankaal 5 se 7 baje ke beech ka samay sarvashreshth hai, visheshakar somvaar ko, muslim avakaashon aur tyauhaar ke dinon mein yahaan bheed rahati hai. in avsaron par kavvaal apne gaayan se shraddhaaluon ko dhaarmik unmaad se bhar dete hain. yeh dargaah nijaamuddeen railway station ke najadeek Mathura road se thodi doori par sthit hai. yahaan dukaanon par fool, lohabaan, topiyaan aadi mil jaati hain.

sant hone ke saath saath ve uchchakoti ke kavi bhi the. unke likhe holi aur faag aam logon mein aaj bhi lokapriya hain. ameer khusaro, hajrat nijaamuddeen ke sabse prasiddh shishya the, jinka pratham urdoo shaayar tatha uttar Bhaarat mein prachalit shaastreeya sangeet ki ek vidha khyaal ke janak ke roop mein sammaan kiya jaata hai. khusaro ka laal patthar se bana makabara unke guru ke makabare ke saamane hi sthit hai. isliye hajarat nijaamuddeen aur ameer khusaro ki barasi par dargaah mein do sarvaadhik mahatvapoorn urs (mele) aayojit kiye jaate hain.

jeevan ki pramukh ghatnaaen

unke vishay mein kaha jaata hai ki unhonne Delhi ke saat sultaanau ka shaasan dekha tha lekin kabhi kisi ke darbaar me nahi gaye the na hi sultaan ko apne yahaaain aane dete the, yadi aata to ve doosare raaste se ghar se nikal jaate the. unhonne gayaasuddeen tugalak se kaha tha hunooj Delhi doorast aur vo Delhi lautane se pehle hi mar gaya tha.[1]

sandarbh