nichli subanasiri jila

nichli subanasiri bhaarateeya raajya arunaachal pradesh ka ek jila hai. jile ka mukhyaalaya jiro hai. nichla subaansiri aroonaachal pradesh ka bahut hi khoobsoorat jila hai. apni praakrutik sundarata ke liye yeh lokapriya hai. yahaan par anek jungle, nadiyaan aur ghaatiyaan hain. inke khoobsoorat drushya dekhna paryatakon ko bahut pasand aata hai. yeh jungle bahut hi khoobsoorat hain aur in jangalon mein paryatak vanya jeevan ke behatareen drushya dekh sakte hain. in jangalon mein paryatak cheeta, teinduaa, billi, bhaaloo, suar aur hiran dekh sakte hain. jangalon ke alaava paryatak yahaan par anek khoobsoorat nadiyon ko bhi dekh sakte hain. in nadiyon mein paryatak vaatar sportas ka aanand le sakte hain. yahaan par paryatak kai chotiyaan bhi dekh sakte hain. saleen iski sabse pramukh choti hai. nichla subaansiri ka mukhyaalaya jeero mein sthit hai. yeh mukhyaalaya bhi bahut khoobsoorat hai. yahaan par mukhyat: dhaan ki kheti ki jaati hai. dhaan ki kheti ke alaava yahaan bade paimaane par machhali paalan bhi kiya jaata hai. sthaaneeya nivaasiyon ko apaataani naam se jaana jaata hai. yeh prakruti ke devata ki pooja karte hain. in logon ka mukhya kaam-dhandha krushi, hast nirmit vastuen aur hathakaragha udyog hai. inki sanskruti bhi kaafi rang-birangi hai. paryatakon ko inki sanskruti bahut pasand aati hai. varsh mein yahaan par anek utsav bhi manaae jaate hain. in utsavon mein myaako, muroong aur dri pramukh hain. paryatak chaahein to in utsavon mein bhaag bhi le sakte hain.

anukram

pramukh aakarshan

kile paakho

kile paakho yahaan ka lokapriya paryatan sthal hai. yahaan ki soobah badi soohaavani hoti hai aur paryatak yahaan par anek khoobsoorat pakshiyon aur sooryodaya ke khoobsoorat drushya dekh sakte hain. in pakshiyon ke alaava paryatak yahaan par himaalaya ki barf se dhki khoobsoorat chotiyon ko bhi dekh sakte hain. in chotiyon ko naaime pemboo ke naam se jaana jaata hai. kile paakho jeero se 7 kimi. ki doori par sthit hai.

paain groov

yeh jeero se 3 kimi. ki doori par sthit hai. yahaan par paryatak paain ke vrukshon ke khoobsoorat drushya dekh sakte hain. iski sthaapana December 1961 E. mein ki gayi thi.

mide

mide mein paryatak daityaakaar satani pisha ko dekh sakte hain. yeh paain ka vruksh hai aur apaataani ghaati mein sthit hai. iske tane ka vyaas lagbhag 7 mi. hai. yeh jeero se 2 kimi. ki doori par sthit hai.

jeero pootu

yeh ek pahaadi hai aur ise jeero pootu ke alaava army pootu ke naam se bhi jaana jaata hai. aajaadi ke baad yahaan par aroonaachal pradesh ke pehle prashaasanik kendra ki sthaapana ki gayi thi. iske baad chhathe dashak mein yahaan par sena ke camp ka nirmaan bhi kiya gaya. yahaan se poore jile ke khoobsoorat drushya dekhe ja sakte hain. is pahaadi ki taraai mein havaai adde ka nirmaan bhi kiya gaya hai.

dolo maando

hapoli se 2 kimi. ki doori par sthit dolo-maando dolo aur maando ke prem-sambandh ke liye prasiddh hai. yeh bahut khoobsoorat hai. yahaan se jeero aur hapoli shahar ke khoobsoorat drushya dekhe ja sakte hain.

di.I.si.

iska poora naam distrikt indastreej sentar hai. yeh jeero se 1 kimi. ki doori par sthit hai. yahaan par paryatak sthaaneeya nivaasiyon dvaara taiyaar ki gayi hastanirmit vastuen aur anya kai khoobsoorat vastuen dekh aur khareed sakte hain.

taareen machhali firm

yeh machhali firm hapoli se 3.5 kimi. ki doori par sthit hai aur bahut khoobsoorat hai. paryatakon ko yeh firm bahut pasand aata hai. yahaan par paryatak anek prajaatiyon ki khoobsoorat machhilyon ko dekh sakte hain.

teli vanya jeev abhyaaran

jeero se 32 kimi. ki doori par par sthit teli vanya jeev abhyaaran bahut khoobsoorat hai. is abhyaaran mein paryatak kai prajaatiyon ke khoobsoorat ped-paudhe dekh sakte hain. yeh abhyaaran apne sadaabahaar aur ooshn katibandheeya vanon ke liye prasiddh hai. iske alaava yahaan par baans ke jhund bhi dekhe ja sakte hain.

sandarbh

baahari sootr