neel nadi

neel
Nile River and delta from orbit.jpg
vyutapatti neel naam yoonaani bhaasha ke shabd neelos (Νaaεaaῖaaλaaοaaς) se nikla hai.
lanbaai 6650
nadeemukh ki ooainchaai 0
ausat pravaah 2830
jalasambhar kshetr 3400000

sansaar ki sabse lambi nadi neel hai jo Africa ki sabse badi jheel Victoria se nikalkar vistrut sahaara marusthal ke poorvi bhaag ko paar karti hui uttar mein bhoomadhyasaagar mein utar padti hai. yeh bhoomadhya rekha ke nikat bhaari varsha vaale kshetron se nikalkar dakshin se uttar kramash: yugaanda, ithiyopiya, soodaan evam misr se hokar bahate hue kaafi lambi ghaati banaati hai jiske donon or ki bhoomi patali patti ke rup mein shasyashyaamala dikhti hai. yeh patti sansaar ka sabse bada maroodyaan hai.[1] neel nadi ki ghaati ek sainkari patti si hai jiske adhikaansh bhaag ki chaudaai 16 kilometer se adhik naheen hai, kaheen-kaheen to iski chaudaai 200 meter se bhi kam hai. iski kai sahaayak nadiyaaain hain jinmein shvet neel evam neeli neel mukhya hain. apne muhaane par yeh 160 kilometer lamba tatha 240 kilometer chauda vishaal delta banaati hai.[2] ghaati ka saamaanya dhaal dakshin se uttar ki or hai. misr ki praacheen sabhyata ka vikaas isi nadi ki ghaati mein hua hai. isi nadi par misr desh ka prasiddh asvaan baaaindh banaaya gaya hai.

neel nadi ki ghaati ka dakshini bhaag bhoomadhya rekha ke sameep sthit hai, at: vahaaain bhoomadhyarekheeya jalavaayu paayi jaati hai. yahaaain varsh bhar ooaincha taapamaan rahata hai tatha varsha bhi varsh bhar hoti hai. vaarshik varsha ka ausat 212 se. mi. hai. uchch taapakram tatha adhik varsha ke kaaran yahaaain bhoomadhyarekheeya sadaabahaar ke van paaye jaate hain. neel nadi ke madhyavarti bhaag mein savaana tulya jalavaayu paayi jaati hai jo ushn parantu kuchh visham hai evam varsha ki maatra apekshaakrut kam hai. is pradesh mein savaana naamak ushn katibndheeya ghaas ka maidaan paaya jaata hai. yahaaain paaye jaane vaale gond dene vaale pedo ke kaaran soodaan vishv ka sabse bada gond utpaadak desh hai. uttari bhaag mein varsha ke abhaav mein khajoor, kainteeli jhaadeeyaaain evam babool aadi marusthaleeya vruksh milte hain. uttar ke delta kshetr mein bhoomadhyasaagareeya jalavaayu paayi jaati hai jahaaain varsha mukhyat: jaade mein hoti hai.

anukram

chitr deergha

media

teeka tippani

'misr hi neel hai aur neel hi misr hai' (Egypt is Nile and Nile is Egypt)- herodotas

sandarbh

  1. prasaad, suresh prasaad (July 1995). bhautik aur praadeshik bhoogol. Patna: bhaarati bhavan. pa॰ 118.
  2. tivaari, vijay shankar (July 2004). aalok bhoo-darshan. Calcutta: nirmal prakaashan. pa॰ 67.