navaraatri

Durga Puja 2012.JPG
navaraatri
aadhikaarik naam navaraatri
anya naam naraate, navaraatr
anuyaayi hindu, bhaarateeya, bhaarateeya pravaasi
aarambh chaitr maah aur Ashwin maah[1]
tithi pratipda se navami tithi tak
samaan parv shivraatri

navaraatri ek hindu parv hai. navaraatri ek sanskrut shabd hai, jiska arth hota hai 'nau raatein'. in nau raaton aur das dinon ke dauraan, shakti / devi ke nau roopon ki pooja ki jaati hai. dasavaaain din dashahara ke naam se prasiddh hai. navaraatri varsh mein chaar baar aata hai. paush, chaitr,aashaadh,Ashwin pratipda se navami tak manaaya jaata hai. navaraatri ke nau raaton mein teen deviyon - mahaalakshmi, mahaasarasvati ya sarasvati aur durga ke nau svarupon ki pooja hoti hai jinhein navadurga kehte hain. in nau raaton aur das dinon ke dauraan, shakti / devi ke nau roopon ki pooja ki jaati hai. durga ka matlab jeevan ke dukh kॊ hataanevaali hota hai. navaraatri ek mahatvapoorn pramukh tyohaar hai jise poore Bhaarat mein mahaan utsaah ke saath manaaya jaata hai.

nau deviyaaain hai :-

shakti ki upaasana ka parv shaaradeeya navaraatr pratipda se navami tak nishchit nau tithi, nau nakshatr, nau shaktiyon ki navadha bhakti ke saath sanaatan kaal se manaaya ja raha hai. sarvapratham shreeraamachandraji ne is shaaradeeya navaraatri pooja ka praarambh samudra tat par kiya tha aur uske baad dasvein din lanka vijay ke liye prasthaan kiya aur vijay praapt ki. tab se asatya, adharm par satya, dharm ki jeet ka parv dashahara manaaya jaane laga. aadishkti ke har roop ki navaraatr ke nau dinon mein kramash: alag-alag pooja ki jaati hai. maaain durga ki nauveen shakti ka naam siddhidaatri hai. ye sabhi prakaar ki siddhiyaaain dene waali hain. inka vaahan Singh hai aur kamal pushp par hi aaseen hoti hain. navaraatri ke nauvein din inki upaasana ki jaati hai.

navadurga aur das mahaavidyaaon mein kaali hi pratham pramukh hain. Bhagwan Shiv ki shaktiyon mein ugr aur saumya, do roopon mein anek roop dhaaran karne waali dashamahaavidya anant siddhiyaaain pradaan karne mein samarth hain. dasvein sthaan par kamala vaishnavi shakti hain, jo praakrutik sampattiyon ki adhishthaatri devi lakshmi hain. devata, maanav, daanav sabhi inki krupa ke bina pangu hain, isliye aagam-nigam donon mein inki upaasana samaan roop se varnit hai. sabhi devata, raakshas, manushya, gandharv inki krupa-prasaad ke liye laalaayit rahate hain.

Ahmedabad ka garaba nrutya

navaraatri Bhaarat ke vibhinn bhaagon mein alag dhang se manaayi jaati hai. Gujarat mein is tyohaar ko bade paimaane se manaaya jaata hai. Gujarat mein navaraatri samaaroh daandiya aur garaba ke roop mein jaan padata hai. yeh poori raat bhar chalta hai. daandiya ka anubhav bada hi asaadhaaran hai. devi ke sammaan mein bhakti pradarshan ke roop mein garaba, 'aarti' se pehle kiya jaata hai aur daandiya samaaroh uske baad. pashchim Bengal ke raajya mein bangaaliyon ke mukhya tyauhaaro mein durga pooja bangaali calendar mein, sabse alankrut roop mein ubhara hai. is adbhut utsav ka jashn neeche dakshin, Mysore ke raajasi quarter ko poore maheene prakaashit karke manaaya jaata hai.

anukram

mahatva

navaraatri utsav devi anba (vidyut) ka pratinidhitv hai. vasant ki shuruaat aur sharad ritu ki shuruaat, jalavaayu aur sooraj ke prabhaavon ka mahatvapoorn sangam maana jaata hai. in do samay maan durga ki pooja ke liye pavitra avsar maane jaate hai. tyohaar ki tithiyaaain chandra calendar ke anusaar nirdhaarit hoti hain. navaraatri parv, maaain-durga ki avadhaarana bhakti aur paramaatma ki shakti (udaatt, param, param rachanaatmak oorja) ki pooja ka sabse shubh aur anokha avadhi maana jaata hai. yeh pooja vaidik yug se pehle, praagaitihaasik kaal se hai. rishi ke vaidik yug ke baad se, navaraatri ke dauraan ki bhakti prathaaon mein se mukhya roop gaayatri saadhana ka hain.

navaraatri ke pehle teen din

navaraatri ke pehle teen din devi durga ki pooja karne ke liye samarpit kiye gaye hain. yeh pooja usaki oorja aur shakti ki ki jaati hai. pratyek din durga ke ek alag roop ko samarpit hai. tyohaar ke pehle din baalikaaon ki pooja ki jaati hai. doosare din yuvati ki pooja ki jaati hai. teesare din jo mahila paripkvata ke charan mein pahunch gayi hai usaki pooja ki jaati hai. devi durga ke vinaashakaari pahalu sab buraai pravruttiyon par vijay praapt karne ke pratibaddhata ke prateek hai.

navaraatri ke chautha se chhathe din

devi ki aarti

vyakti jab ahankaar, krodh, vaasana aur anya pashu pravrutti ki buraai pravruttiyon par vijay praapt kar leta hai, vah ek shoonya ka anubhav karta hai. yeh shoonya aadhyaatmik dhan se bhar jaata hai. prayojan ke liye, vyakti sabhi bhautikvaadi, aadhyaatmik dhan aur samruddhi praapt karne ke liye devi lakshmi ki pooja karta hai. navaraatri ke chauthe, paanchavein aur chhathe din lakshmi- samruddhi aur shaanti ki devi, ki pooja karne ke liye samarpit hai. shaayad vyakti buri pravruttiyon aur dhan par vijay praapt kar leta hai, par vah abhi sachche gyaan se vanchit hai. gyaan ek maanaveeya jeevan jeene ke liye aavashyak hai bhale hi vah satta aur dhan ke saath samruddh hai. isliye, navaraatri ke paanchavein din devi sarasvati ki pooja ki jaati hai. sabhi pustakon aur anya saahitya saamagreeyo ko ek sthaan par ikattha kar diya jaata hain aur ek deeya devi aahvaan aur aasheervaad lene ke liye, devata ke saamane jalaaya jaata hai.

navaraatri ka saatavaan aur aathavaan din

saatavein din, kala aur gyaan ki devi, sarasvati, ki pooja ki hai. praarthanaayein, aadhyaatmik gyaan ki talaash ke uddeshya ke saath ki jaati hain. aathave din par ek 'yagya' kiya jaata hai. yeh ek balidaan hai jo devi durga ko sammaan tatha unako vida karta hai.

navaraatri ka nauvaan din

nauva din navaraatri samaaroh ka antim din hai. yeh mahaanavami ke naam se bhi jaana jaata hai. is din par, kanya poojan hota hai. un nau javaan ladkiyon ki pooja hoti hai jo abhi tak yauvan ki avastha tak naheen pahuainchi hai. in nau ladkiyon ko devi durga ke nau roopon ka prateek maana jaata hai. ladkiyon ka sammaan tatha svaagat karne ke liye unke pair dhoe jaate hain. pooja ke ant mein ladkiyon ko upahaar ke roop mein nae kapde pesh kiye jaate hain.

pramukh katha

dashahare par raavan ka jalana

lanka-yuddh mein brahmaaji ne shreeraam se raavan vadh ke liye chandi devi ka poojan kar devi ko prasann karne ko kaha aur bataae anusaar chandi poojan aur havan hetu durlabh ek sau aath neelakamal ki vyavastha ki gayi. vaheen doosari or raavan ne bhi amarata ke lobh mein vijay kaamna se chandi paath praarambh kiya. yeh baat Indra Dave ne pavan Dave ke maadhyam se shreeraam ke paas pahuainchaai aur paraamarsh diya ki chandi paath yathaasabhanv poorn hone diya jaae. idhar havan saamagri mein pooja sthal se ek neelakamal raavan ki maayaavi shakti se gaayab ho gaya aur Ram ka sankalp tootata-sa najar aane laga. bhaya is baat ka tha ki devi maaain rusht na ho jaaeain. durlabh neelakamal ki vyavastha tatkaal asambhav thi, tab Bhagwan Ram ko sahaj hi smaran hua ki mujhe log 'kamalanayan navakanch lochan' kehte hain, to kyon na sankalp poorti hetu ek netr arpit kar diya jaae aur prabhu Ram jaise hi tooneer se ek baan nikaalkar apna netr nikaalne ke liye taiyaar hue, tab devi ne prakat ho, haath pakadkar kaha- Ram main prasann hooain aur vijyashri ka aasheervaad diya. vaheen raavan ke chandi paath mein yagya kar rahe braahmanon ki seva mein braahman baalak ka roop dhar kar hanumaanaji seva mein jut gaye. ni:svaarth seva dekhkar braahmanon ne hanumaanaji se var maaaingane ko kaha. is par hanumaan ne vinmrataapoorvak kaha- prabhu, aap prasann hain to jis mantra se yagya kar rahe hain, usaka ek akshar mere kehne se badal deejiye. braahman is rahasya ko samajh naheen sake aur tathaastu kah diya. mantra mein jayaadevi... bhoortihrini mein 'h' ke sthaan par 'k' uchchaarit karein, yahi meri ichha hai. bhoortihrini yaani ki praaniyon ki peeda harane waali aur 'karini' ka arth ho gaya praaniyon ko peedit karne waali, jisse devi rusht ho gain aur raavan ka sarvanaash karva diya. hanumaanaji mahaaraaj ne shlok mein 'h' ki jagah 'k' karavaakar raavan ke yagya ki disha hi badal di.

anya kathaaen

is parv se judi ek anya katha anusaar devi durga ne ek bhains roopi asur arthaat mahishaasur ka vadh kiya tha. pauraanik kathaaon ke anusaar mahishaasur ke ekaagr dhyaan se baadhya hokar devataaon ne use Ajay hone ka varadaan de diya. usako varadaan dene ke baad devataaon ko chinta hui ki vah ab apni shakti ka galat prayog karega. aur pratyaashit pratifl svaroop mahishaasur ne narak ka vistaar svarg ke dwaar tak kar diya aur uske is krutya ko dekh devata vismaya ki sthiti mein aa gaye. mahishaasur ne soorya, indr, agni, vaayu, chandrama, yam, varun aur anya devataaon ke sabhi adhikaar chheen liye hain aur swayam svargalok ka maalik ban baitha. devataaon ko mahishaasur ke prakop se pruthvi par vichran karna pad raha hai.[2] tab mahishaasur ke is dussaahas se krodhit hokar devataaon ne devi durga ki rachana ki. aisa maana jaata hai ki devi durga ke nirmaan mein saare devataaon ka ek samaan bal lagaaya gaya tha. mahishaasur ka naash karne ke liye sabhi devataaon ne apne apne astr devi durga ko diye the aur kaha jaata hai ki in devataaon ke sammilit prayaas se devi durga aur balavaan ho gain thi. in nau din devi-mahishaasur sangraam hua aur antat: mahishaasur-vadh kar mahishaasur mardini kahalaayeen.[3][4]

dhaarmik kriya

nirmaanaadheen moortiyaan

chaumaase mein jo kaarya sthagit kiye gaye hote hain, unke aarambh ke liye saadhan isi din se jutaae jaate hain. kshatriyon ka yeh bahut bada parv hai. is din braahman sarasvati-poojan tatha kshatriya shastr-poojan aarambh karte hain. vijyaadashami ya dashahara ek raashtreeya parv hai. arthaat aashvin shukl dashami ko saayankaal taara udaya hone ke samay 'vijyakaal' rahata hai.[k] yeh sabhi kaaryon ko siddh karta hai. aashvin shukl dashami poorvaviddha nishiddh, paraviddha shuddh aur shravan nakshatrayukt sooryodayavyaapini sarvashreshth hoti hai. apaharan kaal, shravan nakshatr tatha dashami ka praarambh vijay yaatra ka muhoort maana gaya hai. durga-visrjan, aparaajita poojan, vijay-prayaag, shami poojan tatha navaraatr-paaran is parv ke mahaan karm hain. is din sandhya ke samay neelakanth pakshi ka darshan shubh maana jaata hai. kshatriya/raajapooton is din praat: snaanaadi nitya karm se nivrutt hokar sankalp mantra lete hain.[kh] iske pashchaat devataaon, gurujan, astr-shastr, ashv aadi ke yathaavidhi poojan ki parampara hai.[5] navaraatri ke dauraan kuchh bhakton upavaas aur praarthana, svaasthya aur samruddhi ke sanrakshan ke liye rakhate hain. bhakt is vrat ke samay maans, sharaab, anaaj, gehoon aur pyaaj nahi khaate. navaraatri aur mausami parivartan ke kaal ke dauraan anaaj aam taur par parahej kar diya jaate hai kyonki maanate hai ki anaaj nakaaraatmak oorja ko aakarshit karta hain. navaraatri aatmanireekshan aur shuddhi ka avadhi hai aur paaramparik roop se nae udyam shuroo karne ke liye ek shubh aur dhaarmik samay hai.

yeh bhi dekhein

  • navadurga
  • dashahara
  • navaraatri vrat ki mahima
  • navaraatri - mausam aur jeevan mein badlaav ki ghadi

teeka tippani

k. ^ aashvinsya site pakshe dashamyaan taarakodaye.
s kaalo vijyo jnyaey: sarvakaaryaarthasiddhaye.

kh. ^ mam kshemaarogyaadisiddh‌aayarthan yaatraayaan vijyasiddh‌aayarthan
ganapatimaatrukaamaargadevataaparaajitaashameepoojanaani karishye.

sandarbh

  1. "akhand manokaamana navaraatr jyoti kalash". Archived from the original on 23 October 2013. https://web.archive.org/web/20121023232423/http://www.mahamayaratanpur.com/hindi/kalash.htm. . shri mahaamaaya devi mandir, ratanapur ke jaalasthal se
  2. "devataaon ke tej se janmeen 'mahishaasur mardini'" (hindi mein) (echateeem). navabhaarat times. pp. 1. http://navbharattimes.indiatimes.com/articleshow/3557373.cms. abhigman tithi: 2008.
  3. Joshi, pan.keval aanand. "dashahara ki pauraanik katha" (hindi mein) (echateeem). bhaaskar dot com. pp. 1. http://www.bhaskar.com/spotlight/dussehra/200710190710191643_dassera_mythological.html. abhigman tithi: 2007.
  4. devi durga-lokalaaon mein chitr abhivyakti par
  5. "dashahara poojan" (hindi mein) (echateeem). web duniya. pp. 02. http://hindi.webduniya.com/religion/occasion/vijayadashami/0710/18/1071018066_1.htm. abhigman tithi: 2007.

baahari kadiyaaain