naushaad

naushaad Ali
prushthabhoomi ki jaankaari
janm 25 December 1919
mrutyu 5 May, 2006 (aayu 86)
shaili shaastreeya
hindi film sangeet
sakriya varsh 1940–2005

naushaad Ali (1919-2006) hindi filmon ke ek prasiddh sangeetakaar the. pehli film mein sangeet dene ke 64 saal baad tak apne saaj ka jaadoo bikherate rahane ke baavajood naushaad ne keval 67 filmon mein hi sangeet diya, lekin unka kaushal is baat ki jeeti jaagati misaal hai ki gunavatta sankhyaabal se kaheen aage hoti hai.

anukram

jeevan

naushaad ka janm 25 December 1919 ko Lucknow mein munshi vaahid Ali ke ghar mein hua tha. vah 17 saal ki umr mein hi apni kismat aajmaane ke liye Mumbai kooch kar gaye the. shuruaati sangharshapoorn dinon mein unhein ustaad Mushtaq husain Khan, ustaad jhande Khan aur pandit khem chandr prakaash jaise guni ustaadon ki sohabat naseeb huyi.

sangeet

unhein pehli baar svatantr roop se 1940 mein 'prem nagar' mein sangeet dene ka avsar mila, lekin unki apni pehchaan bani 1944 mein pradarshit hui 'ratan' se jismein johara baai ambaale waali, ameer baai karnaataki, karan deevaan aur shyaam ke gaae geet bahut lokapriya hue aur yaheen se shuroo hua kaamayaabi ka aisa safar jo kam logon ke hisse hi aata hai.

unhonne chhote parde ke liye 'the sord of teepoo sultaan' aur 'Akbar the great' jaise dhaaraavaahik mein bhi sangeet diya. baharahaal naushaad saahab ko apni aakhiri film ke super flaap hone ka behad afsos raha. yeh film thi sau karod ki laagat se banane waali Akbar Khan ki Tajmahal jo release hote hi aundhe munh gir gayi. mugale aajam ko jab rangeen kiya gaya to unhein behad khushi hui.

filmi safr

andaaj, aan, madar India, anmol ghadi, baijoo baavara, amar, station master, shaarada, kohinoor, udn khatola, deevaana, dillagi, dard, daastaan, shabaab, baabul, mugl-A-aazam, dulaari, shaahajahaan, leedar, sangharsh, mere mahaboob, saaj aur aavaaj, dil diya dard liya, Ram aur shyaam, ganga jamuna, aadmi, ganvaar, saathi, taangevaala, paalaki, aaina, dharm kaanta, paakeeja (gulaam mohammad ke saath sanyukt roop se), san of India, love end gaad sahit anya kai filmon mein unhonne apne sangeet se logon ko jhoomane par majaboor kiya.

maaraftun nagamaat jaisi sangeet ki apratim pustak ke lekhak thaakur navaab Ali Khan aur navaab sanjhoo saahab se prabhaavit rahe naushaad ne mumbai mein mili bepanaah kaamayaabiyon ke baavajood Lucknow se apna rishta kaayam rakha. mumbai mein bhi naushaad saahab ne ek chhota sa Lucknow basa rakha tha jismein unke ham pyaala ham nivaala the- mashahoor patakatha aur samvaad lekhak vajaahat mirja changeji, Ali raja aur aaga jaani Kashmiri (bedil lakhanavi), mashahoor film nirmaata sulataan Ahmad aur mugale aajam mein sangataraash ki bhoomika nibhaane vaale hasan Ali 'Kumar'.

yeh baat kam logon ko hi maaloom hai ki naushaad saahab shaayar bhi the aur unka deevaan 'aathavaan sur' naam se prakaashit hua. paanch May ko 2006 ko is fani duniya ko alvida kah gaye naushaad saahab ko Lucknow se behad lagaav tha aur isse unki khud ki in panktiyon se samjha ja sakta hai-

rang naya hai lekin ghar ye puraana hai

ye koocha mera jaana pahachaana hai

kya jaane kyoon ud gaye pankshi pedon se

bhari bahaaron mein gulashan veeraana hai

baahari kadiyaaain