nauchandi mela


nauchandi mela uttar pradesh ke prasiddh melon me se ek hai. nauchandi mela Meerut mein prati varsh lagta hai. yeh mela Meerut ki shaan hai.yahaan ka aitihaasik nauchandi mela hindu – muslim ekta ka prateek hai. hajarat baale miyaan ki dargaah evam navachandi devi (nauchandi devi) ka mandir ek doosare ke nikat hi sthit hain. jahaaain mandir mein bhajan keertan hote rahate hain vaheen dargaah par kavvaali aadi hoti rahati hai. mele ke dauraan mandir ke ghanton ke saath ajaan ki aavaaj ek saampradaayik adhyaatm ki pratidhvani deti hai. nauchandi mela pratyek varsh nauchandi maidaan mein lagta hai. iski khaasiyat hai ki nauchandi mela keval raat mein lagta hai. din mein maidaan bilkul khaali hota hai. yeh mela chaitr maas ke navaraatri tyauhaar se ek saptaah pehle se lag jaata hai. lagbhag holi ke ek saptaah baad. aur ek maah tak chalta hai. nauchandi mele ke naam se yahaan ek train bhi chalti hai nauchandi express. yeh Meerut ko rajdhani Lucknow se jodne waali ekamaatr train hai.