narottamadaas

narottamadaas hindi ke pramukh saahityakaar the.

mahaakavi narottamadaas

janm samvat va sthaan - 1550 ke lagbhag jila seetaapur

mrutyu - samvat 1605 ke lagbhag

rachanaaen - sudaama charit, dhruv-charit, vichaar maala

varnya vishay - Krishna aur sudaama ki aadarsh mitrata, daridrata aur bhaavukata ka safal chitran

bhaasha - pravaahapoorn saras braj bhaasha

shaili - kaavyaatmak naatya shaili

chhand - doha, kavitt, savaiya, kundali

anukram

jeevan

inka janm samvat 1550 vikram (tadanusaar 1493 isavi) ke lagbhag vartamaan uttarapradesh ke seetaapur jile mein hua aur mrutyu samvat 1605 (tadanusaar 1542 isavi) mein hui. inki bhaasha braj hai. hindi saahitya mein aise log virle hi hain jinhonne maatr ek ya do rachanaaon ke aadhaar par hindi saahitya mein apna sthaan sunishchit kiya hai. ek aise hi kavi hain, uttar pradesh ke seetaapur janapad mein janme kavi narottamadaas, jinka ekamaatr khand-kaavya 'sudaama charit' (brajabhaasha mein) milta hai jo hindi saahitya ki amoolya dharohar maani jaati hai. Shiv Singh saroj mein samvat 1602 tak inke jeevit hone ki baat kahi gayi hai. unhe thaakur Mahasaya ke roop mein bhi jaana jaata tha kaha jaata hai ki narottam das raaja Krishnananda datta aur naaraayani devi ke beta the. narottam das sabse achha apni bhakti kavita ke liye jaana jaate hai jismein vah bhaavanaatmak roop se raadha aur Krishna ki or se teevr bhaavanaaon ka varnan. shaili - kaavyaatmak naatya shaili chhand - doha, kavitt, savaiya, kundali varnya vishay - Krishna aur sudaama ki aadarsh mitrata, daridrata aur bhaavukata ka safal chitran

iske atirikt inke sambandh mein anya pramaanik abhilekhon mein George griyrsan ka adhyayan hai, jismein unhonne mahaakavi ka janmakaal samvat 1610 maana hai.

vastut: inke janmakaal ke sambandh mein anek vidvaanon ne apne -apne mat pragat kiye hain parantu 'Shiv Singh seingar' va 'George griyrsan' ke mat adhik sameecheen va pramaanit prateet hote hai jiske aadhaar par sudaama charit ka rachana kaal samvat 1582 mein na hokar san 1582 arthaat samvat 1636 hota hai.

aachaarya hajaari prasaad Dwivedi ne 'hindi saahitya' mein narottamadaas ke janm ka ullekh samvat 1545 mein hona sveekaar kiya hai. is prakaar anek vidvaanon ke maton ke aadhaar par inke jeevanakaal ka nirdhaaran upalabdh saakshyon ke aalok mein 1493 i0 se 1582 i0 kiya gaya hai. kavi ka krutitv is prakaar hai.

krutiyaaain

  • sudaama charit, khand kaabya (brajabhaasha mein sanpaadit sankalan)

sudaama charit ke sambandh mein aachaarya raamachandr shukl ne kaha hai:- 'yadyapi yeh chhota hai par iski rachana bahut saras aur hrudayagraahini hai aur kavi ki bhaavukata ka parichay deti hai bhaasha bhi bahut parimaarjit hai aur vyavasthit hai. bahutere kaviyon k samaan arabi ke shabd aur vaakya ismein naheen hai.'


  • dhruv-charit, 28 chhand rasavati patrika mein 1968 ank mein prakaashit

dau॰ Ramkumar varma ne narottamadaas ke kaavya ke sandarbh mein likha hai:- 'katha sangathan,' 'naatakeeyata', 'vidhaan, bhaav, bhaasha, dvandv' aadi sabhi drushtiyon se narottamadaas krut sudaama charit shreshth rachana hai.'

  • naam-sankeertan, ab tak apraapt, (praamaanikta ka abhaav)
  • vichaaramaala, ab tak apraapt, (praamaanikta ka abhaav)
  • sudaama charit inka mukhya granth hai.

inhein_bhee_dekhein

  • pan0 ganesh bihaari mishr ki mishrabandhu vinod ke anusaar 1900 ki khoj mein inki kuchh anya rachanaaon 'vichaar maala' tatha 'dhruv-charit' aur 'naam-sankeertan' ke sambandh mein bhi jaanakaariyaaain milte hain parantu is sambandh mein ab tak praamaanikta ka abhaav hai.

naagari prachaarini sabha, Varanasi, ki ek khoj report mein bhi 'vichaaramaala' va 'naam-sankeertan' ki anupalabdhata ka varnan hai. 'dhruv-charit' aanshik roop se upalabdh hai jiske 28 chhand 'rasavati' patrika mein 1968 ank mein prakaashit hue.

baahari kadiyaaain

sandarbh

  • dau॰ nagendr ne apne grath 'reetikaaleen kaviyon ki ki saamaanya visheshataaeain, khand -2, adhyaaya- 4' mein sabse pehle 'savaiyon' ka prayog karne vaale kaviyon ki shreni mein nottamadaas ko rakha hein 'kavitt' (ghanaakshari) ka prayog bhi sarvapratham narottamadaas ne hi kiya tha. yeh vidha Akbar ke samakaaleen anya kaviyon ne apanaayi thi.
  • sidhauli patrakaar sangh ke adhyaksh shri haridyaal avasthi ne narottamadaas ki hastalikhit 'sudaama charit' ke 9 prushth praapt karne ka bhi daava kiya hai parantu yeh hastalikhit kruti Lucknow vishvavidyaalaya ke poorv kulapati ke paas kaafi samay tak praamaanikta ki pareekshan ke liye padi rahi, parantu nirnaya na ho saka.
  • in panktiyon ke lekhak ke aadaraneeya svargeeya pitaamah tatha aadaraneeya pitaashri ko baadi ke sannikt sthit gram alleepur ka mool nivaasi hone ke kaaran is mahaan kavi ke janmasthal par angrejon ke samay se chalne vaale ekamaatr vidyaalaya se shiksha praapt karne ka saubhaagya mila hai jisse vahaaain prachalit janashrutiyon ko niktata se sunane ka avsar praapt hua hai. vahaan prachalit janashrutiyon ke aadhaar par yeh gyaat hua hai ki ye kaanyakubj braahaman the.

inhein bhi dekhein