narmada nadi

narmada aur Bhaarat ki anya nadiyaaain
narmada nadi ka pravaah kshetr

narmada madhya Bhaarat ke madhya pradesh aur Gujarat raajya mein bahne waali ek pramukh nadi hai. mahaakaal parvat ke amarakantak shikhar se narmada nadi ki utpatti hui hai. iski lambaai praay: 1310 kilometer hai. yeh nadi pashchim ki taraf jaakar khambaat ki khaadi mein girti hai. is nadi ke kinaare basa shahar jabalapur ullekhaneeya hai. is nadi ke muhaane par delta naheen hai. jabalapur ke nikat bhedaaghaat ka narmada jalaprapaat kaafi prasiddh hai. is nadi ke kinaare amarakantak, nemaavar, shuklateerth aadi prasiddh teerthasthaan hain jahaaain kaafi door-door se yaatri aate rahate hain. narmada nadi ko hi uttari aur dakshini Bhaarat ki seemaarekha maana jaata hai.

anukram

udgam evam maarg

narmada nadi Bhaarat mein vindhyaachal aur satapuda parvatashreniyon ke poorvi sandhisthal par Madhya Pradesh ke amarakantak naamak sthaan se niklati hai. yeh vindhyaachal aur satapuda ke beechobeech pashchim disha ki or pravaahit hoti hai tatha mandala aur jabalapur, hoshangaabaad se hokar gujarati hai. udgam se lekar muhaane tak iski kul lanbaai praay: 1310 kilometer hai. yeh saagaratal se 3000 feet ki ooainchaai par sthit amarakantak (sthiti: 22 degree 41 minute uttari akshaansh tatha 81 degree 48mint poorvi deshaantar) naamak sthaan ke ek kund se niklati hai. yeh kund mandiron ke samoohon se ghira hai. anoopapur jile (poorv mein shahadol jile) mein 40 meal bahne ke baad yeh mandala ki or bahti hai. mandala ke baad uttar ki or ek sainkara chaap banaati hui yeh jabalapur ki or mud jaati hai. iske baad 30 feet ooainche dhuainaadhaar naamak prapaat ko paar kar yeh do meal tak ek sankare maarg se hokar bahne ke baad jalodh mitti ke urvar maidaan mein pravesh karti hai, jise "narmadaaghaati" kehte hain. yeh ghaati vindhya aur saatapuda pahaadiyon ke madhya mein sthit hai. jabalapur aur hoshangaabaad ke beech iske kinaare 40f tak ooainche hain. isi beech mein ek 340f ooaincha prapaat bhi hai. pahaadiyon se baahar aane ke baad pun: yeh ek khule maidaan mein pravesh karti hai. isi sthaan par aage omakaareshvar evam maheshvar naamak nagar iske kinaare base hai. yahaaain uttari kinaare par kai mandir, mahal evam snaanaghaat bane hue hain. iske baad yeh bharuch pahuainch kar ant mein khanbhaat ki khaadi mein gir jaati hai.yeh mapr ki jeevanarekha hai .

narmada nadi ka apavaahakshetr lagbhag 36,000 varg meal hai. iski pramukh sahaayak nadiyaaain banjaar, sher aur shakkar, tava, ganjaal aur chhota tava aadi hain, jo kramash: mandala, narasinhapur evam hoshangaabaad jile mein isse milti hain. yeh muhaane se 30 meal andar tak 70 tan ke jahaajon ke chalaane yogya rahati hai. jvaar ka prabhaav ismein 55 meal andar tak rahata hai. kinaare ooainche-ooainche hone ke kaaran yeh sinchaai ke ayogya hai. mahaabhaarat aur raamaayan granthon mein ise "reva" ke naam se pukaara gaya hai, at: yahaaain ke nivaasi ise ganga se bhi pavitra maanate hain. log aisa maanate hain ki saal mein ek baar ganga svayam ek kaali gaaya ke roop mein aakar ismein snaan karti evam apne paapon se mukt ho shvet hokar lautati hai.

hindu dharm mein mahatva

jabalapur mein narmada

narmada, samooche vishv mein divya va rahasyamayi nadi hai, iski mahima ka varnan chaaron vedon ki vyaakhya mein shri vishnu ke avataar vedavyaas ji ne skand puraan ke revaakhand mein kiya hai. is nadi ka praakatya hi, vishnu dvaara avataaron mein kiye raakshas-vadh ke praayashchit ke liye hi prabhu Shiv dvaara amarakantak (jila shahadol, Madhya Pradesh jabalapur-vilaasapur rel laain-udisa Madhya Pradesh kaki seema par) ke maikal parvat par krupa saagar Bhagwan shankar dvaara 12 varsh ki divya kanya ke roop mein kiya gaya. mahaaroopavati hone ke kaaran vishnu aadi devataaon ne is kanya ka naamakaran narmada kiya. is divya kanya narmada ne uttar vaahini ganga ke tat par kaashi ke panchakroshi kshetr mein 10,000 divya varshon tak tapasya karke prabhu Shiv se nimn aise varadaan praapt kiye jo ki anya kisi nadi aur teerth ke paas naheen hai :'

pralaya mein bhi mera naash na ho. main vishv mein ekamaatr paap-naashini prasiddh hoooain, yeh avadhi ab samaapt ho chuki hai. mera har paashaan (narmadeshvar) shivling ke roop mein bina praan-pratishtha ke poojit ho. vishv mein har Shiv-mandir mein isi divya nadi ke narmadeshvar shivling viraajamaan hai. kai log jo is rahasya ko naheen jaante ve doosare paashaan se nirmit shivling sthaapit karte hain aise shivling bhi sthaapit kiye ja sakte hain parantu unki praan-pratishtha anivaarya hai. jabki shri narmadeshvar shivling bina praan ke poojit hai. mere (narmada) ke tat par Shiv-paarvati sahit sabhi devata nivaas karein.

sabhi devata, rishi muni, ganesh, kaartikeya, Ram, Lakshman, hanumaan aadi ne narmada tat par hi tapasya karke siddhiyaaain praapt ki. divya nadi narmada ke dakshin tat par soorya dvaara tapasya karke aadityeshvar teerth sthaapit hai. is teerth par (akaal padne par) rishiyon dvaara tapasya ki. unki tapasya se prasann hokar divya nadi narmada 12 varsh ki kanya ke roop mein prakat ho gayi tab rishiyon ne narmada ki stuti ki. tab narmada rishiyon se boli ki mere (narmada ke) tat par dehadhaari sadguroo se deeksha lekar tapasya karne par hi prabhu Shiv ki poorn krupa praapt hoti hai. is aadityeshvar teerth par hamaara aashram apne bhakton ke anushthaan karta hai.

granthon mein ullekh

vaidik saahitya mein narmada ke vishay mein koi spasht sanket naheen milta.

raamaayan tatha mahaabhaarat aur paravarti granthon mein is nadi ke vishay mein anek ullekh hain. pauraanik anushruti ke anusaar narmada ki ek nahar kisi somavanshi raaja ne nikaali thi jisse usaka naam somodbhava bhi pad gaya tha. guptakaaleen amarakosh mein bhi narmada ko 'somodbhava' kaha hai. kaalidaas ne bhi narmada ko somaprabhava kaha hai. raghuvansh mein narmada ka ullekh hai. meghadoot mein reva ya narmada ka sundar varnan hai. vishv mein narmada hi ek aisi nadi hai jiski parikrama ki jaati hai aur puraanon ke anusaar jahaaain ganga mein snaan se jo fal milta hai narmada ke darshan maatr se hi us fal ki praapti hoti hai. narmada nadi pure Bhaarat ki pramukh nadiyon mein se ek hi hai jo poorv se pashchim ki or bahti hai.

baahari kadiyaaain

sandarbh