narasinh chintaaman Kelkar

narasinhan chintaaman Kelkar ya taatyaasaaheb Kelkar (24 August, 1872- 14 October, 1947) ek ullekhaaneeya saahityakaar the jinhein 'saahitya-samraat' ki upaadhi se alankrut kiya gaya tha. ye kesari-mahaaratt samaachaar-patra ke 41 varshon tak sampaadak rahe the. iske saath hi ye kesari nyaas ke nyaasi (trasti) bhi the.

inhonne kala snaatak va vidhi snaatak kiya tha. baad mein inhonne sataara mein vakaalat ki. inko lokamaanya tilk dvaara 1869 mein Mumbai bulaaya gaya tha. 1916 mein inhonne tilk k saathavein janmadivs ke aayojan ke liye sakriya bhaag liya, va ek lakh rupae ka chanda jama kiya. 1920 mein tilk ki mrutyu uparaant Congress mein tilk samarthakon ke agrani rahe. ye 1924-1929 tak vaaisarauya parishad ke sadasya bhi rahe the. ye akhil bhaarateeya hindu mahaasabha ke do baar adhyaksh nirvaachit hue (1928-jabalapur satr evam 1932-Delhi satr).

parichay

narasinh chintaamani Kelkar ka janm mirj (Maharashtra) mein hua tha. haaiskool aur kaalej mein unhone angreji evam sanskrut saahitya ka vishesh adhyayan kiya aur unki saahityik pratibha pallavit hui. bi. A., L-L. bi. hone ke pashchaat‌ ve lokamaanya tilk ke angreji samaachaar patra maraatha ke sampaadak hue. is prakaar san‌ 1947 tak ve maraatha, kesari tatha sahyaadri (maasikpatr) jaise lokapriya evam praudh samaachaarapatron ke sampaadak rahe.

ve na keval vyavasaayi sampaadak varan‌ savyasaachi saahityik bhi the. sanpaadan karte hue unhonne maalaakaar chiploonakar ki praudh nibandhashaili ka utkarsh kiya. inhonne nibandh, jeevani, naatak, itihaas, saahityashaastr, upanyaas, vinod, yaatraavarnan aadi anek saahityaroopon mein apni praudh krutiyon dvaara achha yog diya. inki nibandharachana itni vividh, vipul aur kalaapoorn hai ki maraathi mein kadaachit‌ hi kisi ek vyakti ne inki takkar ka nibandhapranayan kiya ho. inki nibandharachana lagbhag paaainch hajaar prushthon ki hai.

inke 1. gaireebaaldi charitra 2. aayarish deshabhakton ke charitra, 3. lokamaanya tilk ka trikhandaatmak bruhat‌ charitra (lagbhag teen hajaar prushthon ka) aur 4. aatmakahaani (lagbhag aath sau prushthon ki) ki rachanaakar charitrasaahitya ko khoob sampann kiya. inka aitihaasik sanshodhanayukt maraathe va ingraj granth pathaneeya aur sangrahaneeya hai. vaise hi 'subhaashit aur vinod' naamak praudh granth ka pranayaan kar inhonne haasya ras ka shaastreeya shaili se pratipaadan kiya hai.

Kelkar safal sameekshak bhi the. inhonne lagbhag sau bhinn prakaar ke granthon ke maarmik parichay likhe aur beeson granthon ki udbodhak samaalochanaaeain keen. ve maraathi ke doosare saahityasamraat kahe jaate hain. apne saamarthya ke anusaar inhonne desh seva mein bhi yog diya. 1947 E. mein inka nidhan hua.

baahari kadiyaaain