nahush

bhagavaan vishnu ke naabhikmal se brahma utpann hue. brahmaaji se atri, atri se chandrama, chandrama se budh aur budh se ilaanandan puroorava ka janm hua. puroorava se aayu, aayu se raaja nahush aur nahush ke chh: putron yaati yayaati sayaati ayaati viyaati tatha kruti utpann hue. nahush ne svarg par bhi raaj kiya tha.

nahush prasiddh chandravanshi raaja pururava ka pautr tha. vruttaasur ka vadh karne ke kaaran indr ko brahmahatya ka dosh laga aur ve is mahaadosh ke kaaran svarg chhodkar kisi agyaat sthaan mein ja chhupe. indraasan khaali na rahane paaye isaliye devataaon ne milkar pruthvi ke dharmaatma raaja nahush ko indr ke pad par aaseen kar diya. nahush ab samast devata, rishi aur gandharvon se shakti praapt kar svarg ka bhog karne lage. akasmaat ek din unki drushti indr ki saadhvi patni shachi par padi. shachi ko dekhte hi ve kaamaandh ho uthe aur use praapt karne ka har sambhav prayatn karne lage. jab shachi ko nahush ki buri neeyat ka aabhaas hua to vah bhayabheet hokar Dave-guru bruhaspati ke sharan mein ja pahuainchi aur nahush ki kaamechha ke vishay mein bataate huye kaha, “ahe gurudev! ab aap hi mere sateetv ki raksha karein.” guru bruhaspati ne saantvana di, “ahe indraani! tum chinta na karo. yahaaain mere paas rah kar tum sabhi prakaar se surakshit ho.” is prakaar shachi gurudev ke paas rahane lagi aur bruhaspati indr ki khoj karavaane lage. ant mein agnidev ne ek kamal ki naal mein sookshm roop dhaaran karke chhupe huye indr ko khoj nikaala aur unhein devaguru bruhaspati ke paas le aaye. indr par lage brahmahatya ke dosh ke nivaaranaarth Dave-guru bruhaspati ne unase ashvamegh yagya karavaaya. us yagya se indr par laga brahmahatya ka dosh chaar bhaagon mein baint gaya. 1. ek bhaag vruksh ko diya gaya jisne gond ka roop dhaaran kar liya. 2. doosare bhaag ko nadiyon ko diya gaya jisne fen ka roop dhaaran kar liya. 3. teesare bhaag ko pruthvi ko diya gaya jisne parvaton ka roop dhaaran kar liya aur 4. chautha bhaag striyon ko praapt hua jisse ve rajasvala hone lageen. is prakaar indr ka brahmahatya ke dosh ka nivaaran ho jaane par ve pun: shakti sampann ho gaye kintu indraasan par nahush ke hone ke kaaran unki poorn shakti vaapas na mil pai. isaliye unhonne apni patni shachi se kaha ki tum nahush ko aaj raat mein milne ka sanket de do kintu yeh kehna ki vah tumase milne ke liye saptarshiyon ki paalaki par baith kar aaye. shachi ke sanket ke anusaar raatri mein nahush saptarshiyon ki paalaki par baith kar shachi se milne ke liye jaane laga. saptarshiyon ko dheere-dheere chalte dekh kar usane 'sarp-sarp' (sheegra chalo) kah kar agastya muni ko ek laat maari. is par agastya muni ne krodhit hokar use shaap de diya, “amoorkh! tera dharm nasht ho aur too das hajaar varshon tak sarpayoni mein pada rahe.” rishi ke shaap dete hi nahush sarp ban kar pruthvi par gir pada aur devaraaj indr ko unka indraasan pun: praapt ho gaya. yayaati ikshvaaku vansh ke raaja nahush ke chh: putr the – yaati, yayaati, sayaati, ayaati, viyaati tatha kruti. yaati paramajnyaaani the tatha raajya, lakshmi aadi se virkt rahate the isaliye raaja nahush ne apne dviteeya putr yayaati ka raajyabhishke kar diya. unheen dinon ki baat hai ki ek baar daityaraaj vrushaparva ki putri sharmishtha apni sakhiyon ke saath apne udyaan mein ghoom rahi thi. unke saath mein guru shukraachaarya ki putri devayaani bhi thi. sharmishtha ati maanini tatha ati sundari raajaputri thi kintu roop laavanya mein devayaani bhi kisi prakaar kam naheen thi. ve sab ki sab us udyaan ke ek jalaashaya mein, apne vastr utaar kar snaan karne lageen. usi samay Bhagwan shankar paarvati ke saath udhar se nikle. Bhagwan shankar ko aate dekh ve sabhi kanyaaeain lajjaavash jal meain se nikli aur daud kar apne- apne vastr pahanane lageen. sheeghrata mein sharmishtha ne bhoolavash devayaani ke vastr pahan liye. is par devayaani ati krodhit hokar sharmishtha se boli, “are sharmishtha! ek asur putri hokar toone braahman kanya ka vastr dhaaran karne ka saahas kaise kiya? toone mere vastr dhaaran karke mera apamaan kiya hai.” devayaani ne sharmishtha ko is prakaar se aur bhi anek apashabd kahe. devayaani ke apashabdon ko sunakar sharmishtha apne apamaan se tilmila gayi aur devayaani ke vastr chheen kar use ek kueain mein dhakel diya. devayaani ko kueain mein dhakel kar sharmishtha ke chale jaane ke pashchaat daivavash raaja yayaati shikaar khelte huye vahaaain par aa pahuainche. apni pyaas bujhaane ke liye ve kueain ke nikat gaye aur us kueain mein vastraheen devayaani ko dekha. unhonne devayaani ke deh ko dhainkane ke liye apna dupatta us par daal diya aur usaka haath pakadkar use kueain se baahar nikaala. is par devayaani ne premapoorvak raaja yayaati se kaha, “ahe aarya! aapne mera haath pakada hai at: main aapko apne pati roop mein sveekaar karti hooain. he veerashreshth! yadyapi main braahman putri hooain kintu vruhaspati ke putr kach ke shaapa¹ ke kaaran mera vivaah braahman Kumar ke saath naheen ho sakta. isaliye aap mujhe apne praarabdh ka bhog samajh kar sveekaar keejiye.” yayaati ne prasann hokar devayaani ke is prastaav ko sveekaar kar liya. devayaani vahaaain se apne pita shukraachaarya ke paas I tatha unase samast vruttaant kaha. sharmishtha ke kiye huye karm par shukraachaarya ko atyant krodh aaya aur ve daityon se vimukh ho gaye. is par daityaraaj vrushaparva apne gurudev ke paas aakar anek prakaar se anunaya-vinaya karne lage.

 is prakaar anunaya-vinaya kiye jaane se

shukraachaarya ka krodh kuchh shaant hua aur ve bole, “ahe raajan! mujhe tumase kisi prakaar ki aprasannata naheen hai kintu meri putri devayaani atyant rusht hai. yadi tum use prasann kar sako to main pun: tumhaara saath dene lagooainga.”

 vrushaparva ne devayaani ko prasann karne ke liye

usase kaha, “ahe putri! tum jo kuchh bhi maaaingogi main tumhein vah pradaan karooainga.” devayaani boli, “ahe daityaraaj! mujhe aapki putri sharmishtha daasi ke roop mein chaahiye.” apne parivaar par aaye sankat ko taalane ke liye sharmishtha ne devayaani ki daasi banana sveekaar kar liya. shukraachaarya ne apni putri devayaani ka vivaah raaja yayaati ke saath kar diya. sharmishtha bhi devayaani ke saath usaki daasi ke roop mein yayaati ke bhavan mein aa gayi. kuchh kaal uparaant devayaani ke putravati hone par sharmishtha ne bhi putrotpatti ki kaamna se raaja yayaati se pranaya nivedan kiya jise yayaati ne sveekaar kar liya.

 raaja yayaati ke devayaani se do putr yadu

tatha tuvarsu aur sharmishtha se teen putr druhya, anu tatha puru huye. jab devayaani ko yayaati tatha sharmishtha ke sambandh ke vishay mein pata chala to vah krodhit hokar apne pita ke paas chali gayi. shukraachaarya ne raaja yayaati ko bulavaakar kaha, “are yayaati! too stri lampat, mand buddhi tatha kroor hai. isaliye main tujhe shaap deta hooain tujhe tatkaal vruddhaavastha praapt ho.” unke shaap se bhayabheet ho raaja yayaati anunaya karte huye bole, “ahe brahmadev! aapki putri ke saath vishay bhog karte huye abhi meri trupti naheen hui hai. is shaap ke kaaran to aapki putri ka bhi ahit hai.” tab kuchh vichaar kar ke shukrachaarya ji ne kaha, “aachha! yadi koi tujhe prasannataapoorvak apni yauvanaavastha de to tum uske saath apni vruddhaavastha ko badal sakte ho.” iske pashchaat raaja yayaati ne apne jyeshth putr se kaha, “avats yadu! tum apne naana ke dvaara di gayi meri is vruddhaavastha ko lekar apni yuvaavastha mujhe de do.” is par yadu bola, “ahe pitaaji! asamaya mein I vruddhaavastha ko lekar main jeevit naheen rahana chaahata. isaliye main aapki vruddhaavastha ko naheen le sakta.” yayaati ne apne shesh putron se bhi isi prakaar ki maaaing ki kintu sabse chhote putr puru ko chhod kar anya putron ne unki maaaing ko thukara diya. puru apne pita ko apni yuvaavastha saharsh pradaan kar diya. pun: yuva ho jaane par raaja yayaati ne yadu se kaha, “atoone jyeshth putr hokar bhi apne pita ke prati apne kartavya ko poorn naheen kiya. at: main tujhe raajyaadhikaar se vanchit karke apna raajya puru ko deta hooain. main tujhe shaap bhi deta hooain ki tera vansh sadaiv raajavanshiyon ke dvaara bahishkrut rahega.” raaja yayaati ke isi putr yadu ke vansh mein shri Krishna ka avataar hua. raaja yayaati ek sahastr varsh tak bhog lipsa mein lipt rahe kintu unhein trupti naheen mili. vishay vaasana se trupti na milne par unhein unase ghruna ho gayi aur unhon ne puru ki yuvaavastha vaapas lauta kar vairaagya dhaaran kar liya. yayaati ko vaastavikta ka gyaan praapt hua aur unhone kaha– bhoga na bhukta vayamev bhuktaa: tapo na taptan vayamev taptaa:. kaalo na yaato vayamev yaataa: trushna na jeerna vayamev jeernaa:. arthaat- humne bhog naheen bhugate, balki bhogon ne hi hamein bhugata hai; humne tap naheen kiya, balki ham swayam hi tapt ho gaye hain; kaal samaapt naheen hua ham hi samaapt ho gaye; trushna jeern naheen hui, par ham hi jeern hue hain ! 1. vruhaspati ke putr kach guru shukraachaarya ke aashram mein rah kar sanyajeevani vidya seekhane aaye the. devayaani ne un par mohit hokar unke saamane apna pranaya nivedan kiya tha kintu guruputri hone ke kaaran kach ne uske pranaya nivedan ko asveekaar kar diya. is par devayaani ne rusht hokar kach ko apni padhi hui vidya ko bhool jaane ka shaap diya. kach ne bhi devayaani ko shaap de diya ki use koi bhi braahman patni ke roop mein sveekaar naheen karega.