nagareeya kshetr

bruhattar tokyo kshetr, vishv ka sabse vishaal nagareeya kshetr hai, jiski janasankhya lagbhag 3.5 karod hai.
2006 mein kam se kam das lakh janasankhya vaale nagareeya kshetr. san 1800 mein vishv ki keval 3% janasankhya nagaron mein nivaas karti thi aur beesaveen sadi ke ant tak yeh aaainkada 47% pahuainch gaya tha. 2010 mein Bhaarat ki 30.1% janasankhya nagareeya kshetron mein nivaas karti thi jo vishv ausat se kam tha.[1]
nagareeya paryaavaran mein rahane waali janasankhya ko pratishat mein darshaata ek vishv maanachitr.

nagareeya kshetr ka arth ek aise kshetr se hota hai jahaaain par janasankhya ghanatv aur manaveeya kriyaakalaap us kshetr ke aaspaas ke kshetron se adhik hota hai. nagareeya kshetr aamtaur par nagaron, kasbon, ya upanagareeya vistaaron ko sammilit kiya jaata hai lekin ismein graameen kshetron ko sammilit naheen kiya jaata.

nagareeya kshetron ka nirmaan aur aage ka vikaas nagareekaran dvaara kiya jaata hai. nagareeya kshetr ke vistaar ka maapan janasankhya ghanatv aur avyavasthit failaav ke vishleshan ke liye aur nagareeya aur graameen janasankhya ke nirdhaaran ke liye kiya jaata hai.

anukram

deshaanusaar paribhaasha

cheen

cheen mein, nagareeya kshetr ek nagareeya jila, nagar ya kasba hota hai jiska janasankhya ghanatv 1,500 kimi2 ya adhik hota hai. nagareeya jilon, jinka janasankhya ghanatv is sankhya se kam hai, ke liye keval un galiyon, kasba sthalon aur bagal ke gaaainvon ko nagareeya janasankhya mein gina jaata hai.

Bhaarat

Bhaarat ki 2011 ki janaganana ke liye nagareeya kshetr ki paribhaasha is prakaar thi:

  • ek nagar paalika, nigam, chhaavani board ya adhisoochit nagar kshetr samiti, aadi ke sabhi sthaan.
  • anya sabhi kshetr jo nimnalikhit maanadand ko poora karte hain:
    • kam se kam 5,000 ki janasankhya.
    • kaamkaaji purush janasankhya ka kam se kam 75% akrushi kaaryon mein sanlagn.
    • janasankhya ghanatv kam se kam 400 vyakti prati varg kimi.

sanyukt raajya America

America mein nagareeya kshetron ki do shreniyaaain hain. nagareeyakrut kshetr us nagareeya kshetr ko nirdisht karta hai jahaaain 50,000 ya adhik log nivaas karte hain. pachaas hajaar se kam logon vaale kshetron ko nagareeya samooh kaha jaata hai. America mein nagareeya kshetr sabse pehle 1950 ki janaganana mein ankit kiye gaye the, jabki nagareeya samooh 2000 ki janaganana mein. America mein kul milaakar 1,371 nagareeya kshetr aur nagareeya samooh hain jinmein 10,000 ya adhik log hain.

sandarbh

baahari kadiyaaain