nadi

nadi bhootal par pravaahit ek jaladhaara hai jiska srot praay: koi jheel, himnad, jharana ya baarish ka paani hota hai tatha kisi saagar athva jheel mein girti hai. nadi shabd sanskrut ke nady: se aaya hai. sanskrut mein hi ise sarita bhi kehte hain. nadi do prakaar ki hoti hai- sadaaneera ya barasaati. sadaaneera nadiyon ka srot jheel, jharana athva himnad hota hai aur varsh bhar jalapoorn rahati hain, jabki barasaati nadiyaan barasaat ke paani par nirbhar karti hain. ganga, yamuna, kaaveri, brahmaputr, amejn, neel aadi sadaaneera nadiyaan hain. nadi ke saath manushya ka gahra sambandh hai. nadiyon se keval fasal hi naheen upajaai jaati hai balki ve sabhyata ko janm deti hain apitu usaka laalan-paalan bhi karti hain. isliye manushya hamesha nadi ko devi ke roop mein dekhta aaya hai.