naana saaheb

apne rakshakon ke saath naana saaheb

naana saaheb (janm 1824 - 1857 ke pashchaat se gaayab) san 1857 ke bhaarateeya svatantrata ke pratham sangraam ke shilpkaar the. unka mool naam 'dhondoopant' tha. svatantrata sangraam mein naana saaheb ne Kanpur mein angrejon ke viruddh vidrohiyon ka netrutv kiya.

jeevan vrutaant

naana saaheb ka bithoor sthit kila, jo ki ab unka smaarak hai

(dhoondhoopant) naana saahab ne san 1824 mein venugraam nivaasi maadhavanaaraayan Rao ke ghar janm liya tha. inke pita peshava baajeeraav dviteeya ke sagotr bhaai the. peshava ne baalak naanaaraav ko apna dattak putr sveekaar kiya aur unki shiksha deeksha ka yathesht prabandh kiya. unhein haathi ghode ki savaari, talavaar va bandook chalaane ki vidhi sikhaai gayi aur kai bhaashaaon ka achha gyaan bhi karaaya gaya.

28 January san 1851 ko peshava ka svargavaas ho gaya. naanaaraav ne badi shaan ke saath peshava ka antim sanskaar kiya. divangat peshava ke uttaraadhikaar ka prashn utha. company ke shaasan ne vithoor sthit commissioner ko yeh aadesh diya ki vah naanaaraav ko yeh soochana de ki shaasan ne unhein keval peshavaai dhan sampatti ka hi uttaraadhikaari maana hai na ki peshava ki upaadhi ka ya usase sanlagn raajanaitik va vyaktigat suvidhaaon ka. etadarth peshava ki gaddi praapt karne ke sambandh mein va koi samaaroh ya pradarshan na karein. parantu mahatvaakaankshi naanaaraav ne saari sampatti ko apne haath mein lekar peshava ke shastraagaar par bhi adhikaar kar liya. thode hi dinon mein naanaaraav ne peshava ki sabhi upaadhiyon ko dhaaran kar liya. turant hi unhonne british sarkaar ko aavedanapatr diya aur peshavaai peinshan ke chaaloo karaane ki nyaayochit maaaing ki. saath hi unhonne apne vakeel ke saath khareeta aadi bhi bheja jo kaanapoor ke collector ne vaapas kar diya tatha unhein soochit karaaya ki sarkaar unki peshavaai upaadhiyon ko sveekaar naheen karti. naanaaraav dhoondhoopant ko isse bada kasht hua kyonki unhein anek aashriton ka bharan poshan karna tha. naana saahab ne peinshan paane ke liye laard dalahauji se likhaapadhi ki, kintu jab usane bhi inkaar kar diya to unhonne ajeemulla khaaain ko apna vakeel niyukt kar mahaaraani Victoria ke paas bheja. ajeemulla ne anek prayatn kiye par asafal rahe. lautate samay unhonne France, Italy tatha roos aadi ki yaatra ki. vaapas aakar ajeemulla ne naana saahab ko apni vifalta, angrejon ki vaastavik paristhiti tatha Europe ke svaadheenata aandolanon ka gyaan karaaya.

naanaaraav dhoondhoopant ko angrej sarkaar ke rukh se bada kasht hua. ve chup baithanevaale na the. unhonne isi samay teerthayaatra praarambh ki. naana saahab ka is umar mein teerthayaatra par niklana kuchh rahasyaatmak sa jaan padta hai. san 1857 mein vah kaalpi, Delhi tatha Lucknow gaye. kaalpi mein aapne Bihar ke prasiddh kuainvar Singh se bheint ki aur bhaavi kraanti ki kalpana ki. jab Meerut mein kraanti ka shreeganesh hua to naana saahab ne badi veerata aur dakshata se kraanti ki senaaon ka kabhi gupt roop se aur kabhi prakat roop se netrutv kiya. kraanti praarambh hote hi unke anuyaayiyon ne angreji khajaane se saadhe aath lakh rupaya aur kuchh yuddhasaamagri praapt ki. Kanpur ke angrej ek gadh mein kaid ho gaye aur kraantikaariyon ne vahaaain par bhaarateeya dhvaja faharaai. sabhi kraantikaari Delhi jaane ko Kanpur mein ekatr hue. naana saahab ne unka netrutv kiya aur Delhi jaane se unhein rok liya kyonki vahaaain jaakar ve aur khatra hi mol lete. kalyaanapur se hi naana saahab ne yuddh ki ghoshana ki. apne sainikon ka unhonne kai tukadiyon mein baaainta. jab sab angrej Kanpur ke sateechaura ghaat se naavon par ja rahe the to kraantikaariyon ne unapar goliyaaain chalaain aur unamein se bahut se maare gaye. angrej itihaasakaar iske liye naana ke hi doshi maanate hain parantu uske paksh mein yathesht pramaan naheen milta.

1 July 1857 ko jab Kanpur se angrejon ne prasthaan kiya to naana saahab ne poorn svatantrata ki ghoshana ki tatha peshava ki upaadhi bhi dhaaran ki. naana saahab ka adamya saahas kabhi bhi kam naheen hua aur unhonne kraantikaari senaaon ka baraabar netrutv kiya. fatehapur tatha aang aadi ke sthaanon mein naana ke dal se aur angrejon mein bheeshan yuddh hue. kabhi kraantikaari jeete to kabhi angrej. tathaapi angrej badhte aa rahe the. iske anantar naana saahab ne angrejon senaaon ko badhte dekh naana saahab ne ganga nadi paar ki aur Lucknow ko prasthaan kiya. naana saahab ek baar fir kaanapoor laute aur vahaaain aakar unhonne angreji sena ne Kanpur va Lucknow ke beech ke maarg ko apne adhikaar mein kar liya to naana saahab avadh chhodkar ruhelakhand ki or chale gaye. ruhelakhand pahuainchakar unhonne Khan bahaadur khaan ko apna sahayog diya. ab tak angrejon ne yeh samajh liya tha ki jab tak naana saahab pakade naheen jaate, viplav naheen dabaaya ja sakta. jab bareli mein bhi kraantikaariyon ki haar hui tab naana saahab ne mahaaraana prataap ki bhaaainti anek kasht sahe parantu unhonne firangiyon aur unke mitron ke sanmukh aatmasamarpan naheen. angrej sarkaar ne naana saahab ko pakadvaane ke nimitt bade bade inaam ghoshit kiye kintu ve nishfal rahe. sachmuch naana saahab ka tyaag evam svaatantrya, unki veerata aur sainik yogyata unhein bhaarateeya itihaas ke ek pramukh vyakti ke aasan par bitha deti hai.

inhein bhi dekhein


baahari kadiyaaain