naamakaran sanskaar

baalak ka naam usaki pehchaan ke liye naheen rakha jaata. manovijnyaaan evam akshar-vigyaan ke jaankaaron ka mat hai ki naam ka prabhaav vyakti ke sthool-sookshm vyaktitv par gaharaai se padta rahata hai. naam soch-samajhakar to rakha hi jaaya, uske saath naam roshan karne vaale gunon ke vikaas ke prati jaagruk raha jaaya, yeh jaroori hai. hindu dharm mein naamakaran sanskaar mein is uddeshya ka bodh karaane vaale shreshth sootr samaahit rahate hain.

anukram

sanskaar prayojan

naamakaran shishu janm ke baad pehla sanskaar kaha ja sakta hai. yon to janm ke turant baad hi jaatakarm sanskaar ka vidhaan hai, kintu vartamaan paristhitiyon mein vah vyavahaar mein naheen deekhata. apni paddhati mein uske tattv ko bhi naamakaran ke saath samaahit kar liya gaya hai. is sanskaar ke maadhyam se shishu roop mein avatarit jeevaatma ko kalyaanakaari yajnyaeeya vaataavaran ka laabh pahainuchaane ka satprayaas kiya jaata hai. jeev ke poorv sanchit sanskaaron mein jo heen hon, unase mukt karaana, jo shreshth hon, unka aabhaar maanana-abheesht hota hai. naamakaran sanskaar ke samay shishu ke andar maulik kalyaanakaari pravruttiyon, aakaankshaaon ke sthaapan, jaagaran ke sootron par vichaar karte hue unke anuroop vaataavaran banaana chaahiye. shishu kanya hai ya putr, iske bhedabhaav ko sthaan naheen dena chaahiye. bhaarateeya sanskruti mein kaheen bhi is prakaar ka bhed naheen hai. sheelavati kanya ko das putron ke baraabar kaha gaya hai. 'dash putr-sama kanya yasya sheelavati suta.' iske vipreet putr bhi kul dharm ko nasht karne wala ho sakta hai. 'jimi kapoot ke oopaje kul saddharm nasaahin.' isliye putr ya kanya jo bhi ho, uske bheetar ke avaanchhaneeya sanskaaron ka nivaaran karke shreshthatam ki disha mein pravaah paida karne ki drushti se naamakaran sanskaar karaaya jaana chaahiye. yeh sanskaar karaate samay shishu ke abhibhaavakon aur upasthit vyaktiyon ke man mein shishu ko janm dene ke atirikt unhein shreshth vyaktitv sampann banaane ke mahattv ka bodh hota hai. bhaav bhare vaataavaran mein praapt sootron ko kriyaanvit karne ka utsaah jaagata hai. aamtaur se yeh sanskaar janm ke dasvein din kiya jaata hai. us din janm sootika ka nivaaran-shuddhikran bhi kiya jaata hai. yeh prasooti kaarya ghar mein hi hua ho, to us kaksh ko leep-potakar, dhokar svachh karna chaahiye. shishu tatha maata ko bhi snaan karaake naye svachh vastr pahanaaye jaate hain. usi ke saath yagya evam sanskaar ka kram vaataavaran mein divyata gholakar abhisht uddeshya ki poorti karta hai. yadi dasvein din kisi kaaran naamakaran sanskaar na kiya ja sake. to anya kisi din, baad mein bhi use sampann kara lena chaahiye. ghar par, prajnyaa sansthaanon athva yagya sthalon par bhi yeh sanskaar karaaya jaana uchit hai.

vishesh vyavastha

yagya poojan ki saamaanya vyavastha ke saath hi naamakaran sanskaar ke liye vishesh roop se in vyavasthaaon par dhyaan dena chaahiye.

  1. yadi dasvein din naamakaran ghar mein hi karaaya ja raha hai, to vahaaain sayam par svachhata ka kaarya poora kar liya jaae tatha shishu evam maata ko samay par sanskaar ke liye taiyaar karaaya jaae.
  2. Abhishek ke liye kalash-pallav yukt ho tatha kalash ke kanth mein kalaava baaaindh ho, roli se Om, svastik aadi shubh chinh bane hon.
  3. shishu ki kamar mein baaaindhane ke liye mekhala sooti ya reshami dhaage ki bani hoti hai. na ho, to kalaava ke sootr ki bana leni chaahiye.
  4. madhu praashan ke liye shahad tatha chataane ke liye chaaaindi ki chammach. vah na ho, to chaaaindi ki salaai ya aaingoothi athva steel ki chammach aadi ka prayog kiya ja sakta hai.
  5. sanskaar ke samay jahaaain maata shishu ko lekar baithe, vaheen vedi ke paas thoda sa sthaan svachh karke, us par svastik chinh bana diya jaae. isi sthaan par baalak ko bhoomi sparsh karaaya jaae.
  6. naam ghoshana ke liye thaali, sundar takhti aadi ho. us par nirdhaarit naam pehle se sundar dhaङag se likha rahe. chandan roli se likhkar, us par chaaval tatha fool ki pankhudiyaaain chipkaakar, saaboodaane halake pakaakar, unamein raङag milaakar, unhein aksharon ke aakaar mein chipkaakar, slet ya takhti par raङag-birङagi khadiya ke raङagon se naam likhe ja sakte hain. thaali, tre ya takhti ko foolon se sajaakar us par ek svachh vastr dhakakar rakha jaae. naam ghoshana ke samay usaka anaavaran kiya jaae.
  7. vishesh aahuti ke liye kheer, mishtaann ya meva jise havan saamagri mein milaakar aahutiyaaain di ja sakein.
  8. shishu ko maaain ki god mein rahane diya jaae. pati uske baayeen or baithe. yadi shishu so raha ho ya shaant rahata hai, to maaain ki god mein praarambh se hi rahane diya jaae. anyatha koi anya use sambhaale, keval vishesh karmakaand ke samay use vahaaain laaya jaae. nirdhaarit kram se maङagalaacharan, shatkarm, sankalp, yajnyaopaveet parivartan, kalaava, tilk evam raksha-vidhaan tak ka kram poora karke vishesh karmakaand praarambh kiya jaae.

Abhishek

shikshan evam prerana

baalak to anek yoniyon mein bhraman karta hua maanav shareer mein aaya hai, isliye uske man par paashavik sanskaaron ki chhaaya rahani svaabhaavik hai. isko hataaya jaana aavashyak hai. yadi pashu pravrutti bani rahi, to manushya shareer ki visheshata hi kya rahi hai. jinke ant:karan mein maanaveeya aadarsho ke prati nishtha, bhaavana hai, unheen ko sachche arthon mein manushya kaha ja sakta hai. indiraya-paraayanata, svaarthaparata, niruddeshyata, bhavishya ke baare mein sochana, asanyam jaise doshon ko pashuvrutti kehte hain. iska jinmein baahulya hain, ve narapashu hai. apna navajaat shishu nar-pashu naheen rahana chaahiye, uske chir sanchit kusanskaaron ko door kiya hi jaana chaahiye. is parishodhan ke liye sanskaar mandap mein pravesh karte hi sarvapratham baalak ka Abhishek kiya jaata hai.

kriya aur bhaavana

sinchan ke liye taiyaar kalash mein mukhya kalash ka thoda-sa jal ya gangaajal milaaeain. mantr ke saath baalak ka sanskaar karaane vaalon tatha upakaranon par sinchan kiya jaae. bhaavana karein ki jo jeevaatma shishu ke roop mein ishvar pradatt suavasar ka laabh lene avatarit hui hai, usaka abhinndan kiya ja raha hai. ishvareeya yojana ke anuroop shishu mein uttaradaayitvon ke nirvaah ki kshamata paida karne ke liye shreshth sanskaaron tatha sat shaktiyon ke srot se, us par anudaanon ki vrushti ho rahi hai. upasthit sabhi parijan apni bhaavanaatmak sangati se us prakriya ko adhik praanavaan bana rahe hain.

  • Om aapo hishtha mayobhuv: ta nऽoorje dadhaatan, mahe ranaaya chakshase.
  • Om yo v: shivtamo ras:, tasya bhaajayateh n:. ushateeriv maatar:.
  • Om tasmaaऽarangamaamavo, yasya kshayaaya jinvath. aapo jan yatha ch n:. - 36.14-16

mekhala bandhan

shikshan aur prerana

sanskaar ke liye taiyaar mekhala shishu ki kamar mein baaaindhi jaati hai. ise kaheen-kaheen kaundhani, karadhani, chhoota aadi bhi kaha jaata hai. yeh katibddh rahane ka prateek hai. fauji javaan, police ke sipaahi kamar mein peti baaaindhakar apni duty poori karte hain. shareer suvidha ki drushti se usaki anupayogita bhi ho sakti hai; par bhaavana ki drushti se kamar mein baindhi hui peti, chusti, mustaidi, niraalasyata, sfoorti, taiyaari evam rkattavya-paalan ke liye tatparata ka pratinidhitv karti hai. yeh gun manushya ka praarambhik gun hai. yadi ismein kami rahe, to use gayi-gujri, deen-heen sthiti mein pade rahakar aviksit jeevan vyateet karna padega. aalasi, pramaadi vyakti apni pratibha evam kshamata ko yon hi barbaad karte rahate hain. dheela-pola svabhaav aadmi ko kaheen ka naheen rahane deta, uske sab kaam adhoore aur ast-vyast rahate hain, falasvaroop koi aashaajanak satparinaam bhi naheen mil paata. is dosh ko beejaankur bachche mein jamane na paae, iski saavadhaani rakhane ke liye jaagrukta evam tatparata ka pratinidhitv karne ke uddeshya se naamakaran sanskaar ke avsar par kamar mein mekhala baaaindh di jaati hai. abhibhaavak jab-jab is mekhala ko dekhein, tab-tab yeh smaran kar liya karein ki bachche ko aalasya pramaad ke dosh-rdugun se bachaaye rakhane ke liye unhein praan-pan se prayatan karna hai. jaise-jaise bachcha samajhdaar hota chale, vaise-vaise uske svabhaav mein mustaidi, shramasheelata evam kaam mein manoyogapoorvak jutne ka gun badhaate chalana chaahiye. is sambandh mein jo haani-laabh ho sakte hain, unhein bhi samay-samay par bataate-sikhaate, samajhaate rahana chaahiye.

kriya aur bhaavana

mantr ke saath shishu ke pita usaki kamar mein mekhala baaaindhein. bhaavana karein ki is sanskaarit sootr ke saath baalak mein tatparata, jaagrukta, sanyamasheelata jaisi satpravruttiyon ki sthaapana ki ja rahi hai.

Om iyan duruktan paribaadhamaana, varnan pavitran punateemऽaagaat. praanaapaanaabhyaan balamaadadhaana, svasaadevi subhaga mekhaleyam. -paara0gru0soo0 2.2.8

madhu praashan

shikshan aur prerana

ismein baalak ko nirdhaarit upakaran se shahad chataaya jaata hai. shahad chataane mein madhur bhaashan ki shiksha ka samaavesh hai. sajjanata ki pehchaan kisi vyakti ki vaani se hi hoti hai. shaaleenata ki parakh madhur, namr, priya, shishtata se bhari hui vaani ko sunakar hi ki ja sakti hai. isi gun ke aadhaar par doosaron ka sneh, sadbhaav evam sahayog praapt hota hai. vasheekaran mantr madhur bhaashan hi hota hai. koyal ki prashansa aur kaue ki ninda unka rang roop ekasa hone par vaani sambandhi antar ke kaaran hi hoti hai. chaaaindi-rajat safed, shubhr hoti hai. use pavitrata -nirvikaarita ka prateek maana jaata hai. pavitrata, nirvikaarita ke aadhaar par vaani mein madhurata ho, svaarthi-dhoorton jaisi na ho, isliye chaaaindi ka prateek prayukt hota hai.

kriya aur bhaavana

mantrochchaar ke saath thoda-sa shahad nirdhaarit upakaran se baalak ko chataaya jaae. ghar ke kisi bujurg ya upasthit samudaaya mein se kinheen charitra nishth sanbhraant vyakti dvaara bhi yeh kaarya karaaya ja sakta hai. bhaavana ki jaae ki sabhi upasthit parijanon ke bhaav sanyog se baalak ki jihva mein shubh, priya, hitkari, kalyaanaprad vaani ke sanskaar sthaapit kiye ja rahe hain.

Om prate dadaami madhuno ghrutasya, vedan savitra prasootan maghonaam. aayushmaan gupto devataabhi:, shatan jeev sharado loke asmin. - aashva0gru0soo0 1.15.1

soorya namaskaar

shikshan evam prerana

soorya gatisheelata, tejasvita prakaash evam ooshnata ka prateek hai. usaki kirnein is sansaar mein jeevan sanchaar karti hai. baalak mein bhi in gunon ka vikaas hona chaahiye. soorya nirntar chalta rahata hai, use vishraam ka avakaash naheen, apne rkattavya se ek kshan ke liye bhi vimukh naheen hota. na bahut jaldabaaji, utaavali karta hai aur na thakakar shithilta, udaaseenata, upeksha baratata hai. jo rkattavya nirdhaarit kar liya, us par poorn drudhta evam samasvarata ke saath chalta rahata hai. manushya ki kriya paddhati bhi yahi honi chaahiye. jo paksh chun liya, jo kaaryakram apna liya, usamein na to shithilta baratani chaahiye aur na hi adheer hokar utaavali, jaldi karni chaahiye. dhairya, sthirta aur drudh nishchaya ke saath nirntar aage chalte rahana hai. sooryadarshan ke saath baalak ko yeh preran di jaati hai ki use bhaavi jeevan mein aalasi, dheela-pola ya aniyamit naheen banana hai. niymitta, lagan, parishram ke dvaara hi vah kuchh kar sakega, isliye soorya ko vah dekhe aur usaki reeti-neeti ka anusaran kare. abhibhaavak shishu ke man-mastishk ke poorn vikaas ke liye uttam preranaaeain evam saadhan pradaan karte rahein.

kriya aur bhaavana

yadi soorya ko dekhne ki sthiti ho, to maata shishu ko baahar le jaakar soorya darshan karaae. soorya Dave ko namaskaar karein. kisi kaaran sanskaar ke samay soorya drushyamaan na ho, to unka dhyaan karke namaskaar karein. bhaavana ki jaae ki maaain apne sneh ke prabhaav se baalak mein tejasvita ke prati aakarshan paida kar rahi hai, baalak mein tejasvi jeevan ke prati sahaj anuraag paida ho raha hai. ise sab milkar sthir rakheinge, badhaate raheinge.

Om tachchakshurdevahitan purastaachhukramuchcharat. pashyem sharad: shatan, jeevem sharad: shat, shrunuyaam sharad: shatan, pr bravaam sharad: shatamadeenaa:, syaam sharad: shatan, bhooyashch sharad: shataat. -36.24

bhoomi poojan-sparshan

shikshan aur prerana

baalak ko sootak ke dinon mein jameen par naheen bithaate. naamakaran ke baad use bhoomi par bithaate hain, isse poorv dharati ka poojan kiya jaata hai. pratham baar us sampoojit bhoomi par baalak ko bithaate hain. bhoomi ko leepakar chauk poorate hain aur usaka akshat, pushp, gandh, dhoop aadi se poojan karte hain. bhoomi ko keval mitti hi na maankar use devabhoomi, janmabhoomi, dharati maata, bhaaratamaata maankar sadaiv uske prati apni shraddha-bhakti ka parichay dena chaahiye. vishv-maata, praani-maata, Bhaarat-maata, dharati-maata ka vahi sammaan hona chaahiye, jo shareer ko janm dene waali maata ka hota hai. apni sagi maata ki tarah maatrubhoomi ki seva ke liye bhi manushya ke man mein bhaavanaaeain rahani chaahiye. maatrubhoomi, vishv vasudha ki raksha aurar seva ke liye jisse tyaag evam prayatan ban sake, karna chaahiye. deshbhakti se matlab samaaj seva se hi hai. deshavaasi, saathi aur sahayogiyon ki suvidha ke liye kuchh kaarya karna chaahiye. apna pet paalne, apni hi unnati aur suvidha chaahane ki pravrutti ochhe logon mein pai jaati hai. shreshth vyakti apni aantarik mahaanata ke anuroop ghar tak hi apni mamata seemit naheen rakhate, varan use vyaapak banaate hain. sudooravarti vyakti bhi apne hi bandhubaandhav prateet hote hain aur 'vasudhaiv kutumbakam' ki nishtha jam jaati hai. aise deshbhakt vyakti samaaj seva evam lokamangal ke kaaryon ko apne niji laabh evam svaarth se bhi badhkar maanate hain, inheen ki yashogaatha is sansaar ko surakshit karti rahati hai. bhoomi sparsh karte hue baalak ko maatrubhoomi ki seva deshbhakti ki bhaavanaaeain jaagrat karne ki shiksha di jaati hai. dharati maata ki kshamaasheelata prasiddh hai. vah sabka bhaar apne oopar uthaati hai, apni chhaati mein ann, fal, ras, khanij aadi vividh-vidh padaarth upajaakar praaniyon ka paalan karti hai. log mal-mootr aadi se use ganda karte hain, to bhi rusht naheen hoti aur vah sab sahan karti hai. apna adhikaansh bhaag jal ki sheetalata se bhare rahati hai. vishaal sampada ki svaamini hone par itaraati naheen, purushaarthiyon ko udaarataapoorvak apni sampatti ka upahaar deti hai. apni sabhi santaanon ko godi mein lekar apni nishchit reeti-neeti ke anusaar gatisheel rahati hai. bheetari agni ko bheetar hi chhipi rahane deti hai aur baahar se thandi hi rahati hai. bhoomi mein se paudhe aahaar kheenchate aur badhte hain, parantu maali unki baadh ko sahi disha dene ke liye unki saaj-sainbhaal ke saath-saath kaat-chhaaaint bhi karta hai. maatrubhoomi ke anudaanon se baalak ke vikaas mein bhi maali jaisi saavadhaani abhibhaavakon ko baratani chaahiye.

kriya aur bhaavana

shishu ke maata-pita haath mein roli, akshat, pushp aadi lekar mantr ke saath bhoomi ka poojan karein. bhaavana ki jaae ki dharati maata se is kshetr mein baalak ke hit ke liye shreshth sanskaaron ko ghaneebhoot karne ki praarthana ki ja rahi hai. apne aavaahan-poojan se us punya-prakriya ko gati di ja rahi hai. mantr poora hone par poojan saamagri par chadhaai jaae.

Om mahi dyau: pruthivi ch na ऽ, iman yajnyaan mimikshataam. piprutaan no bhareemabhi:. Om pruthivyai nam:. aavaahayaami, sthaapayaami, poojayaami, dhyaayaami.

sparsh kriya aur bhaavana

maata baalak ko mantrochchaar ke saath us poojit bhoomi par lita de. sabhi log haath jodkar bhaavana karein ki jaise maaain apni god mein baalak ko apne sneh-pulakan ke saath jaane-anajaane mein shreshth pravrutti aur gahra santosh deti rahati hai, vaise hi maata vasundhara is baalak ko apna laal maankar god mein lekar dhanya bana rahi hai.

Om syona pruthivi no, bhavaanrukshara niveshani. yachha n: sharm saprathaa:. ap n: shoshuchadagham. - 35.21

naam ghoshana

shikshan evam prerana

yeh ek manovaigyaanik tathya hai ki manushya ko jis tarah ke naam se pukaara jaata hai, use usi prakaar ki chhoti si anubhooti hoti rahati hai. yadi kisi ko koodemal, ghooremal, nakachhidda, nattho, ghaseeta aadi naamon se pukaara jaayega, to usamein heenata ke bhaav hi jaayeinge. naam saarthak banaane ki kai halaki, abhilaashaaeain man mein jagati rahati hai. pukaarane vaale bhi kisi ke naam ke anuroop uske vyaktitv ki halki ya bhaari kalpana karte hain. isliye naam ka apna mahattv hai. use sundar hi chuna aur rakha jaae. baalak ka naam rakhate samay nimn baaton ka dhyaan rakhein.

  1. gunavaachak naam rakhe jaaeain, jaise- sundaralaal, satyaprakaash, dharmaveer, mrutyunjaya, vijyakumaar, tejasinh, shoorasinh, vidyaabhooshan, jnyaaanaprakaash, vidyaaraam aadi. isi prakaar baalikaaon ke naam-daya, kshama, prabha, karuna, premavati, susheela, maaya, shaanti, satyavati, pratibha, vidya aadi.
  2. mahaapurushon evam devataaon ke naam bhi bachchon ke naam rakhe ja sakte hain. jaise-raamaavataar, krushnachandr, shivkumaar, ganesh, savitaanandan, vishnuprasaad, Lakshman, bharat, yaajnyaavalkya, paaraashar, subhaash, raveendr, buddh, mahaaveer, harishchandr, dadheecha aadi. ladkiyon ke naam- kaushalya, sumitra, devaki, paarvati, damayanti, padmaavati, lakshmi, kamala, sarasvati, saavitri, gaayatri, madaalasa, seeta, urmila, anasooya aadi.
  3. praakrutik vibhootiyon ke naam par bhi bachchon ke naam rakhe ja sakte hain. jaise- rajaneekaant, arunakumaar, ratanaakar, Himachal, ghanashyaam, vasant, hemant, kamal, gulaab, chandan, Parag aadi. ladkiyon ke naam-usha, Rajni, sarita, madhu, gaङaga, yamuna, triveni, vasundhara, Sushma aadi. ladki aur ladkon ke naamon ki ek badi list banaai ja sakti hai. usi mein se chhaaaintakar ladke aur ladkiyon ke utsaahavardhak, saumya evam preranaaprad naam rakhane chaahiye. samay-samay par baalakon ko yeh bodh bhi karaate rahana chaahiye ki unka yeh naam hai, isliye gun bhi apne mein vaise hi paida karne chaahiye.

kriya aur bhaavan

‍amantrochchaar ke saath naam se sajjit thaali ya takhti par se vastr hataaya jaae. sabko dikhaaya jaae. yeh kaarya aachaarya ya koi sammaananeeya vyakti karein. bhaavana ki jaae ki yeh ghoshit naam aise vyaktitv ka prateek banega, jo sabka gaurav badhaane wala hoga. Om medhaan te dev: savita, medhaan devi sarasvati. medhaan te ashvinau devau, aadhattaan pushkarasrajau. -aashva0gru0 1.15.2 mantr poora hone par sabko naam dikhaaeain aur teen naare lagavaaeain (pramukh kahein)(sab kahein) 1. shishu .............chiranjeevi ho. (teen baar kahein.) ‍a2. shishu .............dharmasheel ho. (teen baar kahein.) 3. shishu .............pragatisheel ho. (teen baar kahein)

paraspar parivartan

shikshan aur preran

‍amaata apne rakt-maans se udarasth baalak ke shareer ka nirmaan karti hai. apna shvet rakt-doodh pilaakar usaka paalan karti hai, isliye is utpaadan mein usaka shreya adhik hai. baalak maata ke sameep hi adhik rahata hai, isliye uske kriya-kalaapon evam bhaavanaaon se prerana bhi adhik leta hai, yeh baat theek hai, par saath hi yeh bhi nishchit hai ki akeli maata usaka sarvaaङageen vikaas kar sakane mein samarth naheen ho sakti. aahaar, chikitsa, khel, shiksha, sanskaar aadi ka bahut kuchh uttaradaayitv parivaar ke anya logon par bhi samaan roop se hai. is parivartan ki kriya dvaara ghar ke sabhi log kramash: baalak ko apni godi mein lete hain aur yeh uttaradaayitv anubhav karte hain ki baalak ke svasth vikaas mein sabhi shakti par yogadaan kareinge. veshak maata ke baad adhik uttaradaayitv pita par aata hai, par ghar ke anya sadasya bhi usase mukt naheen rah sakte. saajhe ki kheti ki tarah baalakon ke nirmaan mein ghar ke sab logon ka samaan yogadaan rahana chaahiye.

kriya aur bhaavana

mantrochchaaran praarambh ke saath maata baalak ko pehle uske pita ki god mein de. pita anya parijanon ko de. shishu ek-doosare ke haath mein jaata sneh-dulaar paata hua pun: maaain ke paas pahuainch jaae. bhaavana ki jaae ki baalak sabka sneh paatr ban raha hai, sabke sneh-anudaanon ka adhikaar pa raha hai.

Om ath sumaङagal naamaanahvayati, bahukaar shreyaskar bhooyaskareti. yऽev vannaama bhavati, kalyaan mevaitanmaanushyai vaacho vadati.

lok darshan

shikshan aur prerana

koi vayovruddh vyakti bachche ko godi mein lekar ghar se baahar le jaate hain aur use baahar ka khula sansaar, khula vaataavaran dikhaate hain. baalak ghar mein hi koopamandook na bana rahe, varan vah jagati ke vistrut praaङagan mein bhi apne ko gatisheel banaae, prakruti ki god mein rahe, vishaal vaataavaran mein badhe, iske liye baahar khule vaataavaran mein use ghumaaya jaata hai. vinod, kreeda evam gyaan sanvardhan dvaara sarvaaङageen vikaas ka dwaar khola jaata hai. yeh sansaar viraat brahm hai. ise pratyaksh parameshvar samajhna chaahiye. Bhagwan shreeraam ne kaushalya aur kaakabhushundi ko evam Bhagwan shreekrushn ne yashoda tatha arjun ko viraat roop dikhaate hue vishv brahmaand ka hi saakshaatkaar karaaya tha, jo is jagat ko ishvar ki vishaal shakti ke roop mein dekhne laga, samajhna chaahiye ki usane ishvar ka darshan kar liya.

kriya aur bhaavana

mantrochchaaran ke saath niyukt vyakti use god mein uthaayein-khule mein jaakar vibhinn drushya dikhaakar le aaeain. bhaavana ki jaae ki baalak mein is viraat vishv ko sahi drushti se dekhne, samajhne evam prayukt karne ki kshamata Dave anugrah aur sadbhaavana ke sahayog se praapt ho rahi hai.

Om hirnyagarbh: samarvattataagre, bhootasya jaat: paritekऽaaseet. s daadhaar pruthiveen dyaamutemaan, kasmai devaaya havisha vidhem. -13.4

‍aisake baad agni sthaapan se lekar gaayatri mantr ki aahutiyaaain poori karne ka kram chalaaya jaae, tab vishesh aahutiyaaain di jaaeain.

vishesh aahuti

kriya aur bhaavana

havan saamagri ke saath nirdhaarit meva-mishtaann kheer aadi milaakar paaainch aahutiyaaain neeche likhe mantr di jaaeain. bhaavana ki jaae ki vishesh uddeshya ke liye vishesh vaataavaran ka nirmaan ho raha hai.

Om bhoorbhuv: sv:. agnirrushi pavamaan: paanyachajany: purohit:. tameemahe mahaagayan svaaha. idam agnaye pavamaanaaya idan na mam. -ri09.66.20

baal prabodhan

shikshan aur prerana

shishu ke vikaas ke liye jitna aavashyak sneh-dulaar hai, utana hi aavashyak hai, use samayaanukool udbodhan dena. yeh naheen sochana chaahiye ki baalak kya samajhta hai? yeh badi bhraanti hai. samajhne-samajhaane ke liye bhaasha bhi ek maadhyam hai; par vahi sab kuchh naheen, sneh-spandanon aur vichaar-tarangon ke sahaare manushya adhik gaharaai se samajhta hai. bhaasha bhi usi ko spasht karti hai. baalak bhaasha na bhi samajhe, to bhi mool spandanon ke prati bahut samvedansheel hota hai. apne manoranjan ya kheejh ki pratikriya svaroop uske saath foohad vaartaalaap naheen karna chaahiye, use sambodhan karke prabodhan dene ka shubhaarambh is sanskaar ke samay kiya jaata hain, jise vichaarasheelon, hitaishiyon dvaara aage bhi chalaate rahana chaahiye.

kriya aur bhaavana aachaarya baalak ko god mein lein. uske kaan ke paas neeche wala mantr bolein. sabhi log bhaavana karein ki bhaav-bhaasha ko shishu hrudayangam kar raha hai aur shreshth saarthak jeevan ki drushti praapt kar raha hai.

Om shuddhoऽsi buddhoऽsi niranjanoऽsi, sansaaramaaya parivrjitoऽsi. sansaaramaayaan tyaj mohanidraan, tvaan sadguru: shikshayateeti sootram.

prabodhan ke baad poornaahuti aadi shesh krutya poore kiye jaaeain. visrjan ke poorv aachaarya, shishu evam abhibhaavakon ko pushp, akshat, tilk sahit aasheervaad dein, fir sabhi mangal mantron ke saath akshat, pushp vrushti karke aasheervaad dein.

aasheervachan

aachaarya baalak-abhibhaavak ko aashsheervaad dein. neeche likhe mantr ke atirikt aashsheervachan ke anya mantron ka paath bhi karna chaahiye.

he baalak! tvamaayushmaan varchasvi, tejasvi shreemaan bhooyaa:.

dekhॆn

baahari kadiyaan